今日好似有d病病地
上午...個頭暈下暈下...
完全冇心情上堂
d老師講過d咩, 我都唔記得lu
只係知道, 好暈......

lunch果陣, 剩係食左10塊薯片,
1個朱古力蛋糕仔(好似我手心咁上下大)
之後..係bobo屋企訓左半個鐘...
佢張梳發好舒服~=v=

下午既堂...總算有返d精神
eng~派tset卷
我......同李慶係一樣分
grammar ~ 18/30 
listenung ~ 11/24
到底佢係咪抄我??
仲有, 兩分都高過panda同暖暖
好開心^^

今晚做完果22條既bio, 就訓啦
始終都唔想病
天日要閱讀分享, 好緊張呀><

嗚....今日明明一直都好好
但係, 放學果陣, 高sir叫我地義工d人綵排一下...
第一組 「估動作」=.=.....我地........唉, 我係司儀
我已經講到慢好多, 大聲好多...(盡力了...)
而且個心一直好緊張, 但係仍然忍住, 唔好講太快
雖然有一兩句快左d, 但都即刻慢.........返落黎

我話 "跟住就請我既組員為大家示範....
佢地4個女仔, 係呢個時候...唔敢做!!!!
佢地望住我, 我望住佢地......真係完全唔肯做.....呆左企係度, 勁尷尬, 雅芝話我果陣塊面紅紅地
高sir叫我地行埋一邊再傾傾
佢地同我講 "思樂, 我地唔敢做, 不如你做埋..." 我唔制 ,我做哂, 佢地做咩>3<
debby提議 :跳飛機     ( 佢地 :唔識跳, 咩黎嫁? )
debby再講 :跑步, 踩單車囉   (佢地 :咁簡單.. )
我 :你地之前寫左 撥扇 既... (佢地 :咁薯... )
我 :自由神像都係你地之前寫既   (佢地 :d公公婆婆識唔識嫁? )
我 :咁你地諗啦...  (佢地 :唔好啦.... )
冇野好講......我比佢地激死@@

最後都係講多一次我既司儀稿....睇佢地自己執生...
第一二個動作仲ok, 第三個佢地諗住做 觀音, 但係佢地話 "個手勢好搞笑...唔多想做"
我都唔想為難佢地, 自己即場加多句  "咁示範就到呢度.....咁多位公公婆婆有冇問題..     冇既話就開始遊戲 "
都係練左個開頭.....之後.......到時時算=.=
高sir話 :你諗多d動作啦.... (救命~~~d女仔咁多野驚, 叫我點諗=.=.....)

最近好似冇咩胃口.........唉....

今日都幾精神, 但miss又冇返
可惜今日冇佢堂=3=
今日暖暖比我地玩.....搞到佢勁無奈><

LE堂, king無啦啦係度笑...
跟住我問佢咩事....
佢話...lunch果陣, 暖暖突然好想食珍珠雞........
暖暖 :唔該我要珍珠雞
果個人 :賣哂啦
暖暖 :咁我要糯米雞
果個人 :都賣哂啦....
king話 "暖暖仲叫緊果陣, 我地已經食緊野..
佢是但買左樣野之後, 仲另轉頭望下個餐牌,
食完野走人果陣, 又再望下個餐牌...個樣好薯..."
暖暖 :個牌有既野唔寫出黎, 冇既就寫哂出黎......
我 :暖暖~點解你今日突然想食雞既...
暖暖 :.....(尷尬地笑..唔答我=.=), king, 你岩岩無啦啦傻笑就係笑呢個?
king :放心啦, 我地唔會同人講....係咪?
我, 聰哥 :.......(唔答)
-----呢個時候, 我聽到係後面組既panda同緊人地講呢件事....=.=.....
panda : 今日呀king食完lunch即刻衝話黎同我講, 今日暖暖佢.........
king突然大叫 :哎呀, 我好似同一個人講左..
我 :panda丫麻, 我聽到佢而家同人地講緊......

放學睇班際手球比賽
女仔...算啦
男仔...贏得好靚^^(贏人地十幾分)....各位~下一場比心機!!!!

今日心情好燥同好火...
琴晚12點, 某人call我叫我快d交感想同埋畫多張四格漫畫
我"哦哦哦"應左佢 (但語氣係相當不耐煩), 之後返返上床訓
我既EQ都唔錯, 如果唔係我一早大叫
"小姐呀, 知唔知而家幾點呀, 就算我未訓, 我屋企人都訓哂啦,
而家call我, 12點啦, 你嘈醒我就係叫我交感想同加多樣工作?
天日再call我得唔得呀, 知唔知阻住人訓教好大罪嫁!!!!"
最後都係....心中罵, 語氣不好.....(女仔果然着數d)
但果係男仔, 我下一次見佢一定帶把剪刀, 閹左佢!!!
12點呀.......深夜呀.......無啦啦call我, 我仲以為醫院打黎

由於訓得唔好, 好燥...訓到中午12點起身
下午要做功課, 琴日幫人買旗, 冇時間
phy ws, HIS學習日誌+筆記, 閱讀分享紙...
又有電話....我有少少燥地"喂"左一聲, bobo呀^^
某人真係醒目, 知我琴晚比佢激嬲, 識得叫bobo催我交感想.......=.=
跟住.......同左一個下午, 搞掂d功課

今晚就開始畫琴晚突然加比我既漫畫啦.....
琴晚12點加比我做, 天日開會交......小佢
當我超人呀, 靈感一叫就有既咩, 要求多多, 又要快..

仲有大把野未做....查字典, Art既草稿, 感想, 四格漫畫......
一諗到咁多野做, 好想打一百字粗口係呢度...     [.>^<]井

白色情人節=我的噴火呀!!

sorry呀雅芝........今日冇去到你地果度...
我都唔想, 好難得等車等到我冇哂耐性, 發脾氣走人
雅芝你又唔聽我電話.....

所以提早左好多去bobo果邊
我去到果度...bobo只係賣左半張...
唉, 我捱義氣, 陪佢地站左差唔多3個鐘+幫bobo拎袋
又餓又累....之後一直嘈住佢地.."肚餓啦, 肚餓啦, 肚餓啦, 肚餓啦......"
好采宦有主動既人黎5手買, 如果唔係以bobo既超被動
我驚佢一張都唔知賣唔賣得哂..
今日我一共比人貼左22支旗
都算係咁啦掛....平生都唔知有大買咁多..

之後放人, 我, bobo, joanna, 芳芳一齊行街街
食得好飽
而且我買左本書....^^ 幾正..
〈黃金睡前30分鐘學習法〉

天日做功課lu~~