返大陸, 即日來回, 累死...
返去冇咩野做..
不過我又剪左頭髮
今次同平時有少少唔同...
唔知點講....只係肯定, 極度唔慣!!!!
但係沖涼唔陣係咁搞個頭, 勁爽><
...........如果我仲未諗到點set個頭, 我天日一定死緊...
天日第二日陸運會.....姐係要返學

今朝好慘....5:45am起身早到我係好似木偶.....
靈魂訓緊教, 個身就動.....
加上琴晚又突然病...之前明明好返.....少少=.=

返到去, 見到表妹, 佢高左好多.............
相反睇下我自己...不禁讚自己一聲.."keep得真係好~"
見到表弟....忠蓓....仲係咁可愛>v<
大眼睛, 兜風耳, 百百厭厭.....依然咁似隻小妖精
而且佢一樣高左少少.....=.=....
佢仲認到我, 真開心, 同佢玩左一陣, 去左剪頭髮
呀媽話" 思樂落左去果陣呀, 佢就係度喊呀..嘈到耳都聾"
我返返去果陣..見佢好乖咁坐係度睇喜羊羊....
我仲比野佢食....我d可樂軟糖同腸仔...比佢食哂..真好野,
人仔細細..唉

之後琪琪表哥都黎左....原來..佢只係高我少少 (我果陣有d開心)   #表哥都有28歲^^
好耐冇見佢..佢一眼就叫到"思樂".....唔似我呀媽, 十幾年仲係成日叫錯"思雅"
明明唔似樣, 但係個名就差唔多......唉.....改名改個會成日叫錯既都有

走果陣, 表哥挽住表弟係樓上同我講拜拜
我覺得都神奇, 行過一個公園, 兩條樓梯
我同呀媽, 姑媽都仲聽得清清楚楚, 蓓蓓講"拜拜"...^^

因為個病仲未好, 呀媽催我訓教..
而且今日都好累.......所以咩都唔理, 訓教

今日又去左實地考察...巧明街果邊
果邊d工廠區真係......神
不過去果度睇d杯杯碟碟
都幾靚同幾得意...
搞到我自己都買左個杯黎用

去到塔lift 仲搞笑..
有兩部lift,
一個都推開個鐵簾, 再拉開個鐵閘至入得, 而且兩個欄都好難推
我地費時煩....所以揀另一部
我見到果個, 同bobo講左句
"似唔似鬼~片入面, 工廠lift 果d...打開個門,
見到隻鬼....(扮左個鬼臉).......真係有呢隻feel^^"
突然個lift 門, 好似炸開咁...碰一聲, 打開...
跟住, 我, bobo, 呀譚, jaye, tracy都好同心咁.."哇"左一聲
^^果下真係過隱~~

行行下又見到有人派傳單
見到上面d零食, 好抵, 我地又去買.....
哈哈.....雖然咳到喉嚨痛,
但係零食此終..吸引住我...~~

果個黃思雅無理取鬧
6:55我返到堅企..
6:53佢sms我叫我買薯片比佢食
大佬呀, 我已經比呀媽催我, 叫我快d返...
果陣我一隻腳入左lift..唔通為左你呢個 遲來的短訊
而衝去惠康咩...搞到又比呀媽鬧呀
我又唔係勤力, 你又唔係對我好好
我點解要咁煩...
你仲好意思發我脾氣
我都未試過咁啦...神經的

哈哈, 今日同呀譚, jaye佢地去左溜冰
第一次踩, 踩左一個鐘.....
仆左4次, 但感覺唔錯^^
1, 雙膝跪地...
2, 側身落地
3, pp落地
4, 拉埋呀譚一齊仆落地
跌到....對腳好痛=.=
但係一個鐘...
我都識左2.5/ 10
學野既程度好似慢左少少~
算啦, 下次再練好d

溜完之完, 去左睇戲
72家租客.....睇完, 冇咩特別感覺

病完, 但係喉嚨痛痛地...仲咳咳地...
唉....

最近既天氣真係攞左我條命
琴日都仲ok咁頂得住
今日就....病左
早上, 傷風  仲未訓醒
下午, 頭暈  又再訓多一個下午
晚上, 頭痛, 嘔 唉.......
天日去溜冰...希望唔好病鬼左, 去唔到就好啦

今日明明諗住做物理ws
但係....一見就想訓....所以...
訓左......

今日d親戚黎左我屋企拜年...嘈得要命
我同黃思雅成日係間房
出面果d, 大既打麻雀/ 傾計
細既喊到天都跌埋落黎
不過冇見咁耐, 軒軒同晞悠都大左好多
仲係咁可愛^^
不過呢兩條友, 霸左我地部電腦..睇 米奇妙妙屋=.=
真係唔知有咩好睇.....

跟住.....我家姐抱起晞悠....22個月大^^
但係好重...38........本小姐都係45以下=.=...
人仔細細, 咁重都有...女仔.....有少少擔心
但係佢真係好得意.....><
肥肥地, 眼大大.....(妒忌>3<)
而且佢仲比我搞喊左^^ 原來整喊人都幾好玩..
本來冇諗住蝦佢, 但佢玩我果隻forever friend (alan + panda送果隻)...
都算, 佢仲搞到我果公仔成面  口水.....
可憐呀.....我話 :你再掂佢, 我就kill鬼左你
唔知佢係咪識得聽, 佢竟然喊左出黎.....
姑媽以為佢唔知又撞到邊度.....所以鬧: 抵死啦, 邊個叫你周圍走....
佢喊得仲大聲.....差d聾..
嗎.....我既公仔呀.....又要扔落洗衣機

軒軒就眼大碌碌, 對眼又大又靚又醒目,
將來一定迷到唔少女仔, 呵呵~~

仲有朗朗~~真係可惜, 未學行....
冇得同佢玩
不過好佩服佢, 間屋嘈成咁...都仲可以訓得着...=.=