聽左兩首好歌, 心情好到不得了~~
旋律好, 歌詞好...GOOD~~

但係黃思雅一返到黎, 我就把幾火
佢食左我兩塊芝士, 死都唔認
我食左佢兩塊包, 佢死都要我拎返D錢出黎
一塊芝士$2.6, 一塊包$2.5
係都係我問佢拎返錢先啦
之前佢食我兩包游魚絲都仲未比返錢我
我都未問佢拎返錢,
佢我要比錢先囉
頂佢個X

焗住成肚氣去到BOBO的家
佢話我 :黑住塊面話好冷靜, 而且塊面紅紅地
當然, 我無從發洩麻, 問佢借左一張廢紙, 剪刀同筆
咀咒開始.....
畫左個巫婆雪人..我一直低頭, 露出奸詐的笑容, 陰險的眼神...
腳 ~恐龍的足印, 當然要留低
腿 ~如大象一般粗短, 好岩剪低黎做起屋既柱, 比鋼筋混凝土仲硬
PP ~坐爛過一張木椅, 廁所都唔岩佢坐, 破壞公物...剪
腰 ~呼啦圈都套唔落, 套得落都拎唔到出黎, 所以剪斷佢就得啦
手 ~只係識用黎打人, 冇用, 剪!
頸 ~如果要吊頸, 電纜都唔知夠唔夠長, 所妁一剪就斷氣咪好好多囉
嘴 ~只係識用黎鬧人同拎錢, 我代閻王魄勾你利根
鼻 ~豬鼻....幾好丫, 留返下一世用
眼 ~又黑又細又垂, 仲正版過熊貓....咁鐘意睥人, 插!
耳 ~人講既野你又唔聽, 次次都話我冇講過就唔還錢....既然都唔聽, 姐係冇用啦
我用住天真無邪既聲線同滿意的笑容bobo講解點剪....
剪下剪下, 成張野碎到冇得剪....
算啦, 發洩左, 雖然唔夠....=.=

琴日喊到好累....但係我記得嫁...
呀dad欠我一首歌未唱...

中文堂短講....因為題目好有趣
所以我講都講到好開心
miss都話我講得唔錯, 好好^^
仲加一句 :抽唔中你真係可惜...
冇幾耐, mana過黎同我地講..: 30同37都要考TSA呀..
我成個人趴左係張枱...37....抽中左
到講TSA果陣, 真係好無奈
有兩次大家停左 唔講野...空白時間
返到課室佢地話 :思樂d point個個都駁唔到佢呀....個個靜哂....
bobo話我 :你講野好有壓迫感掛....   (有時的確會..)
我講野真係咁 一針見血 咩?? 而且又唔係真係駁唔到.....=3=
我諗野只係廣d同深入d姐.....
其中..個評審委員見到我講完, 暗暗地笑着點頭, 再望望另外3位........
冇人講野!!!!好采最後4秒...但都......我仲想講..
debby知道左, 好似好有興趣同我玩兩個人既小組討厭=.=好似想搵交嗌
可以既話, 我想係同debby, 林x傑, 家富哥, 琛姐, panda佢地玩多d......
佢地都係強人!!><
而且林x傑, panda諗野更加多元化~~

有時我亂咁吹, 只要我個樣好認真, 好似有根有據咁...d人多數都會信
bobo係一個好例子^^

lunch果陣我去胡sir果度考小組既討論
我係最後一個開始講野
前前後後講左3次....
但係都竟然有13分/15...仲係果組既最高
我O左, 我明明仲有2個point未講.....

lunch之後中文堂又考小組討論
mis鍾 :你個樣比人既感覺好震定...
我其實緊張到一直捏住自己隻手

放學, 家政要買材料...
雅芝...訓教, 叫我自己買
bobo...唔舒服, 唔陪得我
但係發生左d事...
返到屋企, 大聲喊左成個鐘.....(冇人係屋企..)
我sms同雅芝講左咩事.....只係唔知佢訓醒未
總之搞到對眼腫哂

呢幾日部機神神地, 搞到我都大咩心情玩
有時打打下野, 唔覺意用左少少力去拉個滑鼠..
之後即刻鬆制...成部機熄左...
最慘既係, 我唔識搞呢d野...
次次都要等得家姐黎搞......
琴日佢心情唔好
所以我冇得玩............=.=
真係麻煩

快d叫我呀爸搞掂好第二部電腦先得...

今日上堂有進步....
英文堂我答左4條問題...而且今日一共有15分
今日開心, 雖然多數都係我, debby, jean, peggy,
四個係咁答.....今次真係好采啦....天日唔知仲有冇咁好采

中文...好采....本來扣唔哂d分
但係多得第4組幫手, 真係唔該....
所以都唔洗抄書..
因為唔知點解我舉手就係唔夠快
所以次次都叫唔到我...=.=
明明有少少, 我好想答=3=

BIO派返放假前既測驗卷
講真, 真係唔係咁滿意....
有一題問答....我明明岩, 但係一開始, 我唔小心將..
0.15→0.25..., 但係之後我都寫返岩...但係..呀sir當我錯, 冇左3分
仲有呢個抵打....!!
我唔知我果陣搞咩....將馬鈴薯既植物細胞(質壁分離)畫左..動物細胞(萎縮)
但係方向我係岩嫁....><..真係想打死自己, 竟然錯咁白痴既野!!!!!!!!

今日落雨, 唔洗跑9分鐘~
天日..有英背默, 有mat test.....唉...
今晚加油啦