英文第一次主動唔洗人叫咁樣舉手
冇計, 坐得第三組..debby話 "呢組要自食其力...."
唉.......但係兩堂加埋都係得5分
但係比起之前我死都唔答, 好少少=.=
今次既分未達標...但係miss唔記得講罰抄範圍
今次好采, 下次就唔知啦...
繼續加油...!!

今日放學, 我要考oral...但係就有少少慘
由於老師既分組
我係同3A, 3D既37號一組
我個人短講都仲ok但係小組3分鐘講..就....
唉, 軍哥唔出聲......得我同3D37號兩個對講
講到亂七八糟...

唉...今日有5件唔開心既事, 重重地打擊到我既弱小心靈
因為如此......傷心事唔好提
提就提係我本手寫既敍記到啦.....

今日放學. 我拉左雅芝同琛姐陪我修修d頭髮
因此真係可悲到差d想喊.....
之後, 總算好..少少少少少少少少啦....
好采我d頭髮生快速唔慢..

唉.....災難好似一個接一個
今日同呀譚講既不詳預感又靈左啦....

我唔想返學呀~~~

今日我同我呀媽講.."我想d頭髮再剪短少少"
佢話 "好呀, 我幫你丫......"..
之後....嗚=.=...... (我變左化石)
呀媽問呀爸 :老豆呀, 你洗唔洗我幫你剪呀, 你睇下思樂, 剪得幾好......
爸 :哈哈, 你做野咁累, 我唔想煩你啦....  (之後我聽到佢細細聲話 :我寧願比50蚊出街剪..)
黃思雅 :嘩~黃思樂, 你玩復古呀?   (我呢個化石, 粉碎左....)

果陣, 我就非常 欲哭無淚
如果出街剪, 剪到咁, 我仲可以投訴個髮型師
但係..幫我剪既係我呀媽....點投訴.......

好采我堅持唔比佢剪個陰...
如果唔係, 我仲慘過....小丸子
小丸子至少個樣可愛......
天呀...天日我點返學呀.........

災難, 竟是以如此的模式, 降臨於我的頭上..

唉, 咁又用左一日啦
今日又比呀譚放飛機
算啦, 佢係咁嫁啦, 都麻木哂....

去左將軍澳買鍵盤, 滑鼠果d野....
之後又去左旺角交收 x2....

我之前網上買左既鏈終於拎到啦
開心^^
而且隻介指, 連黃思雅都過靚....當然, 我眼光一向都唔差
不過....隻介指大左少少, 唔岩戴
我要諗計改裝一下至得

今晚至少要做好一樣功課!!!

嗚~心靈空虛既日子又返黎啦....
呢幾日狂睇...睇睇下, 就睇哂啦.....
《風之聖痕》全套24集
本人超級鐘意睇~~~~~~!!!!!
原因就唔講啦, 識我既人都知道原因係咩^^
但係一睇完.......唉....九要用好長既時間再搵啦
另一個極之打擊我既消息係......
「作品将永遠停留在第6卷，動畫版第二季也永遠不會出現……」
因為個作者, 死左.......
嗚.......我唔制呀!!!!
山門敬弘, 你呢個衰作者, 作左個咁鬼死好既作品
但係都唔好好作埋佢就死左
你係咪都想dfans比你激死, 心痛死, 喊死呀
嗚.....《風之聖痕》呀.....
嗚...... 八神和麻 呀.....  ( 難得地10分鐘意, 托雷都只有8.5分>< )

今日同靜雯整野食..
我同琛姐, 恩恩狂介紹呢套野
都搞到佢地有少少想睇
因為個原因^^

功課功課, 諗起就頭痛~~

和麻呀~~~~~~隨住個衰作者死左, 你都走埋啦.......T^T
超心痛!!!!