新年快樂~ & 情人節快樂~
今日似乎係一個唔錯既日子...
大年初一......
心情有d複雜=.=...

1, 琴日過左12點至訓..(睇書+傷風)....
之後發左個夢......唔算係惡夢....
但係對於我黎講都唔係一個好夢..
有d不合時宜.......但係...
都算係初一既第一個夢啦....
夢既細緻都記得少少
不過會記落我本私人日記
呵呵, 係連呀譚同bobo都只係知 一成 內容既日記哦~~

2, 今日同我既"情人"係屋企拍左成日拖
感覺唔錯, 一次過睇左新借返黎既3本書...
睇睇下, 睇左成日.....但係d內容真係唔錯^^
正到死, 可惜, 圖書館呢排休息, 書睇哂啦....
點算好呢...又唔想做功課~
對我黎講, 最好既情人就係小說
當然係 偵探, 科幻, 懸疑性強, 既為主要類
區樂民 果d我唔知係咩類, 但我都好鐘意睇^^

因為成日訓係張床睇書
所以傷風都好返少少
不過搞到個頭一起身就暈暈地....=v=

今年我同譚, jaye佢地幾個去行年宵...維園
好鬼死多人
仲慘過做沙甸魚....沙甸魚都冇咁逼=.='
都比人撞左唔少次, 踩左唔少次
仲差d仆低....多數時間都係拖住呀譚隻手
不過我地都好少買野
買唔落手, 唔岩心水
不過都有食少少野...但係貴死人
"擁有愈多, 不代表享受得愈多" 
唯有咁樣安慰自己....

今日行行下落雨, 搞到凍左好多...
最近天氣時熱時凍
希望我天日唔好病啦......

今日既陸運會...好正...好累
我呢個唔知做咩既工作人員走黎走去...
成日加埋.....我由400米起點, 100米起點, 200米起點跑去終點
前後都唔知跑左幾多....累.......

不過有好多好精彩既場面...
1, 男子既4x400....正!!!
alan 3A第二棒, panda 3B第二棒
一個我呀爸, 一個我uncle...
睇到我勁high~~
但係都係panda快...不過alan都跑得好盡力嫁啦....
快到佢....平時我追住佢黎打係錯既....
佢對腳又長過我, 跑得又快過我......=.=唉..
下次打佢都係要"偷襲"..!!
至終terry最後一棒....贏得好靚...離最尾果個有大半個圈..
再加油~~

2, 男子既800米
馬字, 家富哥,仲有個唔係好記得..
馬字好似係第7, 家富哥第尾....
之後下午點名...仲比高sir笑鬧
"你竟然跑第尾?丟我架, 罰你做5下掌上壓"
但都好好啦, 好有體育精神..
我跑200米都好累=.=..
馬宇~~~22號既1500米再比心機!!!!

今年我明明唔洗比賽, 但係做helper...都跑左成日成身汗
返到屋企.....訓教先, 再食野, 再沖涼
始終成身黏黏的.....好唔舒服><

天日陸運會啦.....
我比高sir捉到我冇比賽, 冇幫手, 咩都冇
所以就捉左我去..幫手
天日我應該都係負責跑道上面既野.....
都好過只係坐係看台比d高年班擺佈...
"叫大聲d...""德社!!".......
年年都搞到聲沙沙...

今日都仲係有d累....
訓教時間又到啦~
 

琴日訓左好多教
但係今日仲係有少少累=.=

今日既mat test...我諗...至少會合格....(希望啦)
但係要高分就有難度
GEO既都ok...睇黎都冇錯任何一個啦

放左學去bobo屋企幫佢同呀譚溫mat
佢地天日測
呀譚....佢冇野問我, 應該都ok
bobo...答左佢都唔算少, 明唔明睇佢自己啦
我就一邊教佢地, 一邊溫天日既中文默書, 一邊食野
是多麼的唔得閒~
希望天日佢地都ok啦....

唔識飛話我整既朱古力味道唔錯.....都算係一種安慰~~ =v=
琴日家政, 呀爸呀媽都話我整既蘿蔔糕好好味^^
媽 :d蘿蔔糕邊個拎返黎? 自己整嫁? 邊個整嫁?
我 :我....
媽 :你? (佢都驚訝咁講), 整竹7好好味喎..
爸.....佢連d碎都食埋...^^
佢地兩個食我仲多過我...不過今次我都覺得我同雅芝整得好好味^^
但係....bobo, 譚, ling姐....佢地又話就整得唔好味....
bobo + 譚 :我驚你食左會柯....
king姐 :我果個整得好鹹..
呵呵, 睇黎我同雅芝今次整得好順利

今日冇咩野做, d功課都係一早係星期六KO左
今晚....早d訓教~