哈哈, 同d女仔約左今個星期日再去溜冰
今次好難得呀.......
我, 雅芝, 簡秀, 銘銘, 譚, bobo
譚~~難得佢果日唔洗陪F去街  (其實係我地話 "數量有限, 只係剩返一個位")
銘銘~~難得佢果日肯行出屋企門口
bobo~~難得佢果日唔洗陪屋企人, 扔低d功課同課本
簡秀~~難得佢果日時間.....(但放學果陣傾傾下...就改左...天日再問下佢...)
雅芝又唔洗去教會, 我又得閒...
今次既溜冰真係好好好好好好好好難得
呢對組合(6個女仔), 十年都冇一次係可以出得哂...
搞到我好鬼死期待
雖然有3個完全唔識..但我都唔好得去邊....^^
唉....譚, 如果F肯另外自己比錢, 我地都可以比佢一齊黎既..(最好唔好..=3=)

今日放學勁好玩..傾完溜冰, bobo返左屋企, 我, 芝, 銘銘都係樓下再傾一陣
見到有隻白隻的松鼠狗...好可愛
佢無啦啦行埋我地果度...佢望我, 我望佢...眼仔碌碌好可愛><
佢突然企係身, 前腳就扶住我隻腳...芝無啦啦叫左出黎..(我都未叫=.=)
隻腳比佢整到好癢...但我又驚整親佢, 所以冇郁..
但係佢一放低, 我就即刻走人~~~佢追左我一陣
就追雅芝....芝反應太大, 係咁叫...狗狗都驚左佢, 變左追住銘銘
我覺得佢好似好鐘意銘銘, 捉住佢廿1腳, 同銘銘搞左5分鐘左右
我同雅芝離遠同銘銘say hello~銘銘係咁叫救命
我地就話"加油" "隻狗狗好可愛呀, 佢好似唔驚人"
我地3個都比狗狗追過, 我同銘銘就比狗狗捉住隻腳
隻腳細細地, 掂住我地...好得意><
不過狗狗都係鐘意銘銘多d~~~
好采bobo唔係度, 如果唔係.....我條頸會比佢捏斷/搖斷, 第一個死既人會係我..

狗狗比人叫走左, 第二次返返黎, 佢企係路中間......望黎望去
最後又見到我地.......之後又帶住天真無邪, 閃閃發光的眼神跑過黎
銘銘第一個, 走人
好鬼死搞笑.....><

今日坎西九龍溜冰....好正
我終於都識向前行啦....而且自己一個行
不過轉彎果陣有時得有時唔得
今日又跌左3次
1, 自己跌
2, 我拉埋雅芝一齊跌
3, 雅芝拉埋我一齊跌
手肘傷左少少
但係琛姐就下巴.....慘少少
今日玩得好開心呀><洗完冰之後
地下滑左好多...
我反而溜得更加好
可惜琛姐要去買野....有2個鐘浪費左..
唉, 好想繼續溜呀~~~~~

只係而家成身無力
一陣要搞返掂家政d野
仲有..天日geo同eng都有test...
煩.......如果有多一日假就好啦....

好累呀=v=

琴日叫bobo教我跳舞 ~~~  十八步
跟住我琴日跟住我d快歌黎跳
跳到我好鬼死high, 一跳就跳左5首
跟住今日, 隻腳無意息咁跳
又又快又岩又準, 岩岩好18步
琴日跳果陣成日甩左兩步...仲搞到成身汗
今日就ok啦~~^^
今係好想miss lee快d教我地跳...
果陣有兩堂可以high呀~~~yoyo><

今日同左成個下午去作我果篇故事
本來仲想hea, 但係debby吹我快d作
就黎到期....所以作
哈, 原來我認真作一篇野, 可以用成個下午
但係當中仲有好多野改...
繼續努力!!   我仲諗緊我係用 科幻 定 格鬥 黎做主要類別好
兩篇都差唔多......

冇找問答薄返屋企呀
死啦, 果本野幾時交嫁呢
我又好想快d做, 但係又冇帶 (連問題我都夾埋落去.....)
失敗
天日去溜冰呀~呵呵, 雖仲未識, 但係都好期待

琴晚睇書睇到12點半....
分兩晚黎睇, 終於睇完
好期待 天航 出d出第3本
好鬼死正, 明明好眼訓
但係睇到果一部份好激
又唔想停, 睇睇下就睇完><
《蕭邦的刀，少女的微笑》

物理堂, 簡直攞我命
我集中精神, 全神貫注咁聽...
都仲係....唔明~~~
唉, 係呢方面我真係冇咩天份
考試之前一我諗呢科一定要搵人幫我補補...

今晚冇書睇~~~
空虛感再次侵略了我的身體...

今朝個頭亂度.....比得上草叢
終於明d男仔點解個頭好似日日都係草叢一樣.....
用左少少時間set好大概...
有少少傷心, 有少少開心啦~~

傷心:
bobo, 呀譚, joanna佢地....
竟然話唔認得我, 雅芝同高sir都呆左一陣至認得T.T
bobo你呢個......仲話識左6年, 對左我咁耐都唔認得...><
joanna又係, 我對住你笑, 你只係同bobo, 呀譚打招呼, 眼尾都冇望過我><
黃思雅琴日第一眼都係咁....日對夜對14年......白過的
唔係咁難認姐...

開心:
都有6個人讚 "靚" 同 "好襯" ^^
高sir就話 "個樣清秀左"......姐係話我以前好粗魯=v=
呀dad話 "好清爽波~"

不過都有十幾個人好驚訝.......
"思樂 你剪頭髮左呀?"     (係呀, 剪左呀)
"你唔心痛既咩, 一剪就咁多"     (唔心痛)
"你係咪受到咩刺激呀, 令你咁捨得?"     (冇人刺激我, 頭髮會再生既..)
"下? 你........點解要剪呀, d頭髮咁靚?"     (懶得搞個頭, 所以剪左佢..方便d..)
"剪左好可惜呀, d頭髮平時閃令令咁靚.做咩要剪喎~."     (....多謝)
之類既說話....今日都答左唔少....~~
但係點解我剪頭髮, 人地仲心痛過我....

不過...我條頸...都好熱, 搞到我想再剪短d...=.=
最衰都係果個髮型師 "d頭髮又長又直又靚, 剪咁多好可惜姐....(係呀, 剪啦)...
唔洗剪咁多啦....(方便d姐, 至少到條頸啦), 咁多?我都剪唔落手...(嘻嘻...) "
之後佢真係同我剪到條頸, 再短都冇=.=
算啦, 下次返大陸再搞
呀dad都話 "妳可以再cut短小小~應該都幾好睇~" ( 呵呵, 我都想呀^^)