由於琴日又見多一次
黃思雅都頂唔順, 同我搶訓客廳
最後.....佢訓沙發床, 我訓飯桌
但係總覺得好冇安全感....訓唔着

有少少傷風....但比琴日好少少
lunch果陣都覺得有少少肚餓  ( 終於食得落野啦 )

放學, 落雨, bobo走左....冇人遮我!!!
debby叫我去陪佢電子學會, 之後再送我返屋企....我冇計啦....
去到.....見到加埋我都唔夠10個人.....
原來好多人都一早唔黎......
佢地開左個會議(我做聽), 又同佢地砌個收音機(我多數都係睇)
覺得幾好玩....^^
之後.....鄭sir話 :你下次仲黎唔黎呀, 唔洗你比錢, 我就入埋電子學會啦.....
我呆左........又望下個天...停雨
我突然有種比人厄既感覺.......

今日真係......冇野好講
一朝早...覺得隻手好癢......打開眼
見到隻成年蟑螂爬上左我隻手....
我甩開佢...佢就唔知爬左去我張床既邊個角落
我嚇到即刻彈起身~6:00左右........唔識反應

我一起身用左洗頭水, 洗潔精, 滴露, 肥皂水, 冰水, 凍水, 暖水, 熱水,
消毒藥水, 酒精, 洗米水, 鹽水.....全部拎黎洗手....
但係洗唔走果種嘔心既感覺..T.T
sd左個sms比呀dad......我都想係發夢呀....

8:00閱讀堂....我睇睇下書流左幾眼淚..而家至識喊
bobo話我反應太遲鈍

一大清早比嚇醒....冇胃口...冇食早餐+嚇親+太早起身=頭暈
有幾次真係差d暈....趴左係bobo/ 雅芝/ 翠瑤身上.....有幾秒冇左意識, 好快比佢地搖/ 拍醒
lunch.....冇胃口, 嚇飽左...唔肚餓, 所以冇食野....
之後去3A班房搵bobo, dad望左我一眼就問 :你有冇食野?...    ( 佢係咪跟蹤我, 點解佢會知我冇食野...)

係3B, 大半班男仔都知我最驚既係咩.....蟑螂
小強~我平時見到都即刻彈開+叫......    (死同未死...我既反應一樣, 只係反應係大係小既問題)
大強~今次爬上埋我隻手, 嚇到我差d暈死..... 
識飛的蟑螂~我今日可能唔洗返學lu....

呀爸呀媽見到我好似唔多掂, 以為我唔舒服...叫我早d訓
得嫁啦, 我今晚訓廳.........因為都唔知隻蟑螂爬左去邊....
雖然個頭真係好暈......岩岩站係張椅子上拎野, 差d上去見天父.....

總覺得今日有少少可惜..
同唔到呀dad講生日快樂呀..
每年既生日同聖誕..
我同呀譚都一定親口同佢講「生日快樂」「聖誕快樂」
今年冇.....唉...
雖然係搵唔到機會...但都好唔甘心><
sms都唔夠親口講有意思....

miss wong今日心情唔好
罰哂未夠5分既組抄滿滿的兩頁書
我d字由平時既0.3mm~0.5mm變到0.1mm~0.2mm
而且仲岩岩滿哂成張A4紙
多到嚇死人
miss心怖唔好就要抄咁多, 擺明發洩啦..
真係乞人憎

今日拎既學習表現報告....都唔錯啦
以我既成績黎講, 算係咁上下

之後我去左phy室玩
雖然只有6個games
但係我都比下面, 玩哂啦
跟住我就同debby係度食蛋卷同雞蛋仔
我試過倒一次蛋漿....又唔小心多左d
所以...條蛋卷就大d, 厚d, 但係凍左都好好味^^好脆
分左比debby同菠蘿琪, 我都仲有得食^^
之後........我同debby就係度等佢地整比我地食
何sir成日話: 我未食呀, 呢條比我~~
我地話 :排隊呀~   (為左食, 尊師重道行埋一邊)
食食下, 就黎夠鐘..
而且有d高年級既都想玩.....
所以整整下, 變左~蛋皮
但係都好好味, 唔脆, 但係軟軟地, 口感似雞蛋仔

我同debby呢對「食物清道夫」好稱職!!!
雖然難聽d講係「垃圾桶」

今日九分鐘跑差d攞左我條小命
要係禮堂跑....不停咁跑圈.....
一個圈50米(一個雪糕筒10米)...我跑左26個圈2個雪糕筒
成績係1320米
跑完1後, 訓低左係地下....
好難得...可以光明正大咁訓係禮堂地下
但係訓黎訓去都覺得個地下有硬, 訓得唔舒服
所以滾黎滾去.......^^原來都幾好玩, 雖然好無聊
滾完之完, 突然諗到一樣野..."個地下好污糟..."
不過真係好累.....繼續訓~
腳軟軟, 冇食早餐...胃痛.....

放學去左聽果個咩karaoke
有d呀sir, miss唱得真係幾好
有d就唔係唱歌, 係嗌歌..=.=

天日家長日......唉, 冇咩期待
比上學期差左