明明約左去打波
點知一去到, 落雨=.=
初初d雨唔大
所以都仲係打左一陣....
由排球變左藍球
好耐冇打藍球啦, 感覺好爽

雖然落雨係掃興左d
但係係微雨中打波
感覺到「青春」係我身邊XD

返到屋企做phy
同樣, 頭都爆
Q, 點解飲咖啡果陣要落糖先, 再倒牛奶?
我好耐冇飲咖啡啦, 而且我飲果陣....都唔理呢樣野=.=
唔識做

唉~女大女世界，女大不中留啦
今日好難得至拉左呀譚陪我去入數...
之後唔記得左今日圖書館冇開, 勁薯
又陪左呀譚一陣
呀譚又約左人
唯有做送貨員....送~呀譚去果個人果度
點知送到差唔多, 果我都未見到
呀譚一句 :你送到呢度得啦...
果陣, 突然有一種比人拋棄既感覺
而且好似比人玩咁=.=
所以又係得我一個孤令令行返順天
愚人節.....邊鬼個發明呢個節日

算啦, 孤令令一個又唔係未試過
呀譚未拍拖果陣, bobo係咁樣對我
呀譚拍拖啦, 呀譚係咁, bobo都仲係咁.......
拋棄，只是一個名詞。即使被拋棄，也不要緊吧？因為一早已經習慣了......這感覺。
習慣了=麻木了，那我還有甚麼可以說呢~

今日玩到有d傻傻地....
首先係, 溜冰~~~又係去西九龍
今次我教識左靜雯溜冰, 佢而家已經識啦......識少少地^^
另外我亦都學識左少少向後溜~~~~~yoyo
單腳都係少少.......
好大的進步, 我地溜到3:00就走.....
有d浪費><

之後去左食sushi
我係咁叫佢地食多d, 唔好sin錢
靜雯好大進步, 食左多好多...但雅芝, wendy......唉
4:15走人

呢個時候, 靜雯同wendy要走啦~~~
得返我同雅芝......為左要消化一下....
但係又驚悶, 我諗左樣野黎玩^^ ─── 玩跟蹤!!
行行下, 睇下見唔見有靚仔, 有既話就跟係佢地後面...睇下佢去邊
第一組, 兩個男仔...我地好悶, 搵佢地試下, 點知佢地過左馬路
就入左去機舖.....o左......
第二組, 兩個靚仔~~~~我同雅芝跟左佢地9個字
見佢地.....係度睇手機, 睇黎睇去, 同一街行左n次......
原來男仔既興趣都幾無聊...可惜, 難得係靚仔
不過有幾次我地傾計傾到跟甩左佢地...
點知佢地又行左對面既舖=.=......
行行下, 又有人問 :小姐, 你想要咩型號既手機
嚇呆左.....

因為太悶, 所以放棄跟蹤佢地, 我地又去左旺角 綠野仙蹤
行左一陣就返屋企......

今日好正~~~><

今日唔知搞咩鬼, 心情極差+有不祥預感(8~9級左右)......
呀譚你感該知呢個級數代表咩....
搞到我今日...係人都睇得出我勁down....
lunch果陣最差, 不祥到.....壓到我好似抖唔到氣咁
一直企係課室門口吹風................
bobo同joanna都話我嘴唇好白...  (果陣覺得不祥的感覺好大, 抖唔到氣)
jean同debby就我好似至從中文堂比人叫左出黎默字就後就好唔開心.....
(其實唔關默唔默字事, 由果陣開始, 我岩岩feel到不祥.....所以一直唔想做任何野...)
本來唔知咩事.........但係後黎真係好似好大件事

呀媽今朝上左大陸, 聽講公公今朝好似抖唔到氣
應該...就黎...........差唔多啦, 都咁老啦, 而又病左十幾年....
呀媽會傷心, 但係....婆婆點算, 唔通佢留低佢一個人係大陸??
我最擔心既反面係婆婆...........
我諗我既不祥預感係指呢樣,
呀媽到而家都仲未call我地, 我地又搵唔到佢
呀爸就......好似冇事咁睇緊電視=.=
希望呀媽快d返返黎啦........

吹完風, 個頭暈暈地, 上世史同數學果陣....訓一陣, 一陣又一陣.
精神同心情都好返少少
今日放學班排比賽, 明明我係後備....
但係又叫左我出場, 接左/ 開左咁多球波, 只係失左一球開波....
算係咁嫁啦, 結果................出奇地, 我地贏左
之後又去左打波.........岩岩一去到, 見到有個嫁個格離學校既人打緊, 有一個ok靚仔~~
真係難得...但係佢地好快就走........

心情未完全好返.....

天日就班排比賽啦, 冇咩信心會贏
好采我係後備黎姐....應該都唔洗落場
我地都冇咩點練, 反而男仔就練得多d=.=
練左又好似冇練.....
天日3B vs 2E......5:20開波
真係好采, 我天日放學留堂只係留到5:00....

我竟然唔記得左我呀媽今日生日
所以我推左雅芝, 叫佢今日唔洗陪我行街
我要留係屋企.......做功課
無奈又有一樣功課漏左係學校....

今晚食外賣KFC....好熱氣..=^=