今日食左$20 lunch...simon請的, 真多謝
bobo叫我唔好食得人地太多....所以我找返$3比佢...

放學專題匯報in hall...
到我地組...
我講果陣冇咩點緊張....但係比某d人影響到....搞到我唔記得內容
有d亂左陣腳..好采最後都ok....

3A某4個女仔坐係我後面....講野勁大聲, 勁乞人憎.....
"又係xxx, 我唔想聽佢把聲""(粗口)佢把聲好難聽呀, 快d收聲啦..."
仲有講埋d無聊野.....由於其他組匯報果陣係講框甜品, 我就突然好想搵舊蛋糕塞落佢地喉嚨
不過我都知咩叫禮物.....一直忍住佢地係我後面講野咁大聲

我地匯報中既時候, 佢地係咁叫"銘銘, 銘銘"..嘈住jaye/ bobo/ tracy既匯報, 搞到佢地有d分心
我只係望住佢地(其實有少少警告成份)..佢地都收到, 靜左一陣
A :果個女仔邊個黎嫁..
B :黃思樂
A :佢真係好樣衰       (我自問靚女過你)
果一刻, 我有一種火山爆發既感覺
不過我離我d組員, 退開少少...(因為我好似feel到有一股殺氣係我身上..)
而且深呼吸...絕不可以失控!!!  (係全級面前失控, 以後唔洗見人)
之後, 一講完, 我第一個走返埋位..
望住佢地用平穩既語氣講 "你地4個知唔知講人地壞話果陣, 講埋人地個名, 仲要咁大聲....係好失禮, 好冇家教嫁"
由於觀眾拍緊手, 佢地好似冇諗過....我會用眼神之外既話語同佢地講野, 所以呆左
我講過d咩都唔知....我都費事同佢地講多次
講多次既話, 冇禮貌既人係我

之後, 有份匯報既nana話 "係囉, 我都聽到, 佢地係咁講野嘈住我地..."
仲有隔左條路既觀眾翠瑤話 "係呀係呀, 佢地講野好大聲, 我果邊都聽到, 佢地都唔識尊重人, 呀sir一行過黎盲收聲, 行開又再大聲講大聲笑..."
太好啦, 原來真係唔係我問題, 亦都唔係我既個人不滿^^

琴日太忙啦..
返學→補課→自修室→9:40pm返屋企沖涼+食飯→溫書→11:15pm訓教

今日....
英文測驗...測返上學期一開學就做既果份野, 睇下我地有冇進步果份...
9月一開學做的...16/51
今日做的......31/51
雖然係我果組都係晌低分, 但係有15分既進步.....開心死...

mat test...唔難, 但係有d唔識做...唉
HIS.........唉...我唔小心將WW2同cool war既野掉轉左.....
10分問答...冇左.
第一次做歷史既卷 (CH, HIS)..咁冇信心.........

今日冇功課, 天日冇測驗...難得
所1我同1雅芝都唔去自修室
抖返一日...

唔知點解今日心情而好好..
好到成個下午係度做野.....都唔累
所以我本中文暑期作業....
除左作文聆聽, 仲有少少唔識果d...其他全部KO哂...
好簡單的.....
用左兩日就搞掂......

不過悶悶地又唔想溫書, 又唔想係屋企做植物人
所以做暑期功課..

書...哈哈, 仲未溫呀..=.=

今日music考唱歌..
明明落左堂, 高sir堅持考埋佢......
所以好易考到我....
我唱"不老的傳說"
呢首打我唱到好熟, 就算耿張都好自然唱得岩d歌詞
不過....當我聽到自己把聲由支咪出黎, 再傳返我對耳仔
覺得把聲好似唔係自己咁.....
搞到驚驚地...愈唱愈細聲...
最後得70分

雖然debby, 至芝, jean, 蘭姨, 琛姐, terry都話我唱得
"好好""把聲好好聽, 點解你唔大聲d""思樂唱得唔錯嫁"
講真, 我自問唔覺......
不過我都幾鐘意呢首歌

琛姐唱得好掂!!! 96分...
但係高sir唔公平...
choir果d, 我地都冇聽過佢地唱, 就年年都有100分...
年年都係佢地第1
琛姐果d唱得咁好, 就年年都要屈居係佢地之下....
好似某d女仔...明明唔夠膽, 講野同唱歌都細聲到不得了
就次次都唔洗唱就有100分.....因為佢地係choir
否則佢地果d一定唔合格.....

今日既3B大懲罰日.....唔知點講好
見到我地班好多既新look, 有d我都好欣賞

女仔 :
Landa姐 (好似某年代既千金小姐..氣質同個樣都好似..)
Ling姐  (好成熟既少女)
Nana (好有熟女feel)
↑笨辮的........最鐘意呢3個
Wendy  (好可愛...第一眼望落去, 好似隻貓..溫柔的害羞的..><  幾萌)
↑孖辮的.......好可愛>0<

男仔 :
達叔 (佢綁兩條個陣勁~得意....一條果陣..真係個嘖泉XD)
暖暖 (頭頂上既.."辮"有d似燈籠魚....既燈...側向一邊...卡哇兒..)
panda (同一個普通菠蘿既比例冇咩分別)

我就.......唉.....難以啟齒
Jean "好似 動物橫町 果個女仔呀..好得意."
Vincent "好似幼稚園學生.."
有好多個女仔 "好可愛呀...."
唉...最慘係Jean講完.....我都覺得我好似果個女仔...
邊個叫我係短頭髮呀....

d老師果搞笑..有兩個冇返, 代課
miss柯看堂冇人敢講野....真慘.........
miss wong 入黎望左我地一眼, 望住本課室日誌.......5秒後"噗"一聲笑左...
miss tang 一見到我地好似好驚喜, "早知拎部相機上黎"
黃sir "早知拎部相機上黎"
miss劉, 代課呀sir, 既反應都仲好...
miss鍾好似想落井下石,  高sir偷影我地...不過佢着好似"唐裝"既衫返黎陪我地.....

隔離班d人同樓下既f.3都上黎.."恥笑"我地....
有好係善意, 有d係惡意
我冇所謂, 我覺得我個look都唔算係太差^^
至少冇人笑過我