我都唔記得左琴晚有冇訓過
不過諗清楚,唔會再煩你,放心.
有幾件事感激你係有做
講清楚係分手,唔係避開咁拖住我
唔比我搵到你,做得岩
我冇再跟蹤你既相,諗左好耐,同自己講唔捨得都要做!
你係咪搵到第二個亦都唔重要,重要係你已經唔愛我
所有相都放於一個儲存過去既地方
其實好攰,但不自主地咁諗
我地性格,環境,觀念,時間,金錢都係南北,感覺係愛,但係其實唔係愛,只係習慣
如果講性格你係外向,我內向
講環境,我地係2區
講時間,我地見面好少
講觀念,錢係你心目中已經大過我,睇我入院你冇搵過我
我試著去跟住你生活既節奏走,有D習慣係培養到
好似追動漫,陪你打機,鍾意睇戲,睇人吹水,望靚仔靚女
做唔到既有游水,潛水,踏單車,唱K
其實果種教法我係好驚
踏單車記得你見我受傷都迫我繼續,我好似仲驚緊,隻手都出哂汗
游水你可能覺得放手就學得識
其實呢D活動你都睇住我去到危險,都保護唔到我,仲發脾氣覺得我唔識
我好驚你趕我走,放低我係第2度,全部吵架都做齊哂
問心,你真係愛你自己多D
傾得耐係因為我平日見唔到你,亦都想同你分享
唔知咁樣令到你煩惱,唔係開心
問得你仔細係因為你講得少,我唔知你諗咩
你唔問,係因為我會主動講,最想話你一個知
仲有D野想一次過打哂一直困住既事.續.
 

每次都係喊到咁
每次都講可以控制到,點知係唔得
其實自己付出左好多,唔係物質
講既係真心,誠實,時間,分享
2個星期之間,好似咩都變哂
可能你覺得更好已經出現
其實講左好耐,責任都係歸於我唔好
你覺得道歉係認輸,亦都唔想再玩呢個遊戲
呢年原來都係可憐我
係我自己諗多左
4年8個月,以為過多2年會可以結婚
以為包容可以令好多野改變
可能現實中,太天真呢D諗法
講左咁多次,我都聽唔入耳,就係叫賤
嗯,
單方面既鐘意係唔可以令大家維持
我係好想一齊,不過我都知唔可行,明既
可能你都對厭左,睇厭左
老左,殘左
我而家呢刻係咩都冇
所以其實你係冇輸到
我打比你唔係迫你,只係講返拎走野,可以唔係見到你既時間
一直以黎既諗法都係想大家配合
可以就係因為咁連自己都消失左,追住你黎轉,以你為中心
其實你可以選擇唔睇
我唯一覺得最可聽既野係打係度講,表達
點解咁清楚我都係因為咁,我冇你收埋,累積,發洩,忘記,追尋,躲避,重新
我了解你,因為我記得你教我要上心感受,直到你話接受唔到,我先會離開你
幾乎上,我最大既付出就係我每次都原諒你所做既事,唔會離開你
夠了,傷心其實係要過
昨晚態度已知發生成點,所有野都刪左
今日要做既,已經係叫自己控制情緒
我唔知點再去相信,同接納,真係好驚..
身邊既人都係咁,由最熟變陌生人.
我懷念既可能都係3年前既你,你已變質了


 

不用常回看?
我將最唔捨得既都刪去
那年既笑容好似唔同而家
其實回憶先係最可怕
麻醉自己是最幸福
點解最熟既人比起陌生人更陌生
夠竟發生咩事?