剛剛出完去
覺得唔準-^-
首先個性格完全錯先
好唔開心既結果-____-"
算啦:(
星期一再出去
有樣野係準,身邊既朋友多左
同事都變為朋友
其實唔比人鬧都好輕鬆
不過個腦都會諗起你,係咪比人鬧慣左=="
D人話你就算留意我
只係睇,唔好傻,諗其他野,多心
接受現實咁講.
好多人都會,點解我講極都唔明-^-
咪比我沉下囉,如果我仲覺得有可能
-____-"呢D咪叫固執囉,唉!
一廂情願.

 

我諗係我太多憂心
每次都諗將來先令自己去煩惱
係人都變左驚我.
我知道過左今次之後,我地將來都應該冇機會再一齊返
因為如果比我遇到對既人
會感動既話,我同自己講會知足
就算呢刻或者將來都係愛你,只會放係一角留係心裹就算
或者珍惜係好重要
因為願意拖我行到最後既人會係下一個.
或者係冇其他人,自己要行到最後
不過好過受到更深既傷害

我係好想見你渣車,無錯
以你為中心,做左好多傻事
我為自己覺得感動
不過你1D都唔覺得感動,所以都係多餘
起初我同你拍拖,只係好感,後來真係會感動,認真,相信
從來都唔覺得你靚仔,好看,只不過耐左情人眼裹永遠都係靚.
有個朋友講左個故事比我聽:
有個女人赤裸死於海面
第1個見到既人,將佢拉上黎 (諗起當年我遇危險,我媽都係拉我上黎果個)
第2個見到既人,將自己衫幫佢遮 (表面既物質,但解決唔到問題)
第3個見到既人,將佢埋葬 (無)
結果:1)將會成為父母,2)有緣無份,3)將來一起既人
可能想我自己諗清楚自己做緊D咩
呢刻可能好多野我都聽唔入耳
因為我愛既未忘記
但承諾唔會屈係心裹面,令自己好過點.

 

我已經唔想再去煩你
覺得好心灰
單方面幾努力都好,都冇幸福,冇結果
雖然真係好攰
我冇委屈喊
只係訓到半夜會醒,流幾滴眼淚,唔開心
我長情,一成不變.
身邊以前得1個朋友,而家係變6個真心朋友
我其實唔聽人講, 不過佢地冇離棄我
好感激佢地陪我癲,叫我為自己諗
唔好咩都為你,勉強冇幸福,教我行條正常路.
不過我都係想為你諗
我希望你得到真正既幸福
希望你搵到更對既人,為另1個改變自己建立家庭
我諗深一層,你唔會為我改變
即係我唔係你想要既女生
只有性格夾,比到快樂,自由,信心,又願意接受你脾氣,愛你屋企人至係你所搵.
希望今次我冇睇錯,我了解既你
今次,我自己都有少少陰影
我開始冇信心再搵第2個
我睇唔透別人既內心
直至我放低左你,接受到風險既時候
我諗我至係成長
雖然每個人都覺得好快有人接任,不過我性格唔同你.
感覺都唔同,慢一步就慢一步吧
我諗到,男仔話靜,多過3日已經係冇可能
只不過唔想女既受更多傷害先唔講,而避
我諗我係咁問,問多過3秒都係煩
因為你冇心就係會覺得我多餘
我諗就算再多既時間,就係你唔想見我
先會話遲下先拎我既野,等我唔煩,唔再等你既時候
我明既
如果問點解有呢個結果
就係要自己搵返問題,將來要改善
有時候好羨慕你D朋友
因為你會重視佢地,對佢地唔會發脾氣
亦都可以出現你附近,仲要一生一世
而家好似連朋友都唔係既陌生人
可能就係有起伏先會成長
失去先會有將來
我比多一星期自己休養,我承諾起碼要振作起黎
新身體,新開始,搵工!