痴線,連自己都覺得自己煩
白痴,自己都唔知自己講咩
人分我分,分到咁樣衰,好似精神分裂咁.
內同外,好似唔配合既諗法講D咁既野
明明知道得自己追回憶,停留,專一諗
人地都講到最尾唔應該心軟1齊返,仲唔明呀
人地都講到頂唔順我性格,我仲講咩配合
人地都話冇將來,拖黎仲咩
又要唔捨得,鐘意人.又要同人講冇咩可能
其實真係好大勇氣,成晚都幾乎冇訓,去到5點幾朝早先訓到
咁辛苦為咩,講出黎仲咩,令到人唔好受,自己唔好受為咩.
我諗認真就輸了,呢個係遊戲,成日去諗,唔放就係未解決
唉!著緊,愛,真係唔係咁
以前肥仔,唔靚仔,冇咩錢 (性格溫馴,改變,令我笑,唔會話我煩,好關心我)
而家中等,靚仔,有工,有車,有樓(脾氣極差,唔改變,由我唔開心,話我好煩,唔關心我)
以前成日聽我的秘密(覺得甜蜜)
再一齊成日聽我的宣言(珍惜,希望回頭直去到尾)
而家成日聽羅生門(但係自己係男方果個回憶,其實唔了解另一個,最難係放)
嘈既時候,成日話我打出黎,其實你係可以唔睇,冇人叫你睇
09年開始我自己一個,不嬲都有記錄自己既心態
每次睇返,每個階段都係好重要
其實講出黎自己好過D係岩
你話令你難受,可能啦,我用文字
等同你直接用把口直接大聲用粗口講盡最盡既說話
大家都咁硬漢,大家都係咁MAN,岩!
大家鬧完之後,其實是但一方都會心軟,岩!
講到最後,都係大家唔去改變,雙方唔一齊行,現時大家都係多餘.
等一個將來,可能大家命運已經唔同
唯有接受現時分開,諗得更清楚搵大家各自快樂,可能更好呢
岩既,將來岩既有緣都會一齊,因為感覺,時間,相處,自由唔會呃人
我知道好多野唔係得我唔開心,你都一樣難過
我講咁多都係冇用,都會傷到你
其實真係唔大方,我知,只係唔知點解自己咁做
盡力啦!強求都唔係我想要既結果,攰!夠!
聽日開始慢慢諗少D,感覺,思想應該會改變!
 

4日都冇再聽到你把聲
原來我成個月都冇過黎見你
你近排係咪過得幾好?
我知道我打既野係唔會有回覆
其實知GA,明GA
你話過遲下拎野比我,都應該可能係假.
或者你想搵到另一個先最後決定拎比我
放住,拉住我仲愛你,好似人地咁收兵
可能我咁諗你,你覺得我好幼稚
不過個感覺係咁
因為你話靜下,可能諗清楚就唔同,或者都係叫我唔好有希望
呢D說話都係有少少拖我感覺既成份
我係傻,真係一直都等你覺得你會搵我
我唔敢打比你,因為驚你討厭我,我直頭諗我道歉都冇所謂
其實我知道,你既性格,決定左過一排都會心軟
我知道我再打黎可能你已經唔嬲
同埋知道我唔打黎,你寧願失去都唔會妥協,因為覺得冇尊嚴
尊嚴面子都係你最重要既野
我知道你覺得我點都唔變心,願意跟你一起同甘共苦
先繼續行呢1年半,心軟我有時既天真想法而一齊
真正既你,可能都會追求百份百完美既人
講性格就係鐘意做同樣既活動,專一,樣唔差,對你家人好,咩都就你
而我其實覺得真心愛我,有諗將來,其實已經好足夠
你放心我就算再有感覺,都決定唔會再迫你,煩住你
只要你過得開心,幸福,已經好足夠
你媽咪都真係好緊張你,會搵我,我亦都講過唔關你既事
大家都大個啦,你所追求既我比唔到你,將來你唔會幸福,搵個更好咪仲好.
我太一廂情願
同埋呢刻我同你講將來,你覺得太大責任,見到我都想避開
我明白,因為到時金錢上可能令你再冇自由,仲要更負面咁面對
有邊個甘心每日有負擔,而唔係快樂呢?
今次我阻到你借錢買車,你一定好憎我.
你講過其他野我係做得好好,不過就係太唔變通固執,唔識做睇人面色,全部我都有聽入耳
如果將來有咩唔通,你都可以去搵我講
或許呢一刻覺得我好煩,但係時間過左,可能你諗既野都會唔同
我地既感情或者講係緣份啦!
我嬲你唔到,只要你一發脾氣我就諗自己有咩唔好,又會訓唔著
聽話得制.
 

呢刻冇左你,我好多野都要自己面對
好多既問題都係自己過
我同自己講我將來都唔可以咁依賴,或者要求點樣
有時候太多要求,個人負面,唔知足,個人唔快樂
雖然我都對自己冇咩信心,覺得冇左你就冇人要XD孤獨終老
不過我認真對自己講,自己一個都可以很好
唔會再亂咁黎,因為想拍拖而一齊
生活亦都未必唔開心
我係好鐘意有人關心,錫我既感覺
但係寧缺勿濫,唔好太依賴,呢樣7年前我既知心好友已經話我知
7年後,我終於明白
呢4年近5年,要係你身上學既野
就係放低,唔好咁執著,勉強
要獨立,唔好太過依賴
要細心,別人既好應該珍惜做返相對既好,好似你父母咁
要有自己既空間,唔好去懷疑,要去用心感受
我會認真咁去諗呢幾樣野
時間就係最好既見証~

一年黎,我有變既係願意付出自己既金錢係你身上
起碼生日既時候,唔理你講咩平淡,都係真心想買一樣你鐘意既野
雖然到後來你係話唔想要呢個款色,可能真係唔夠細心,唔緊要啦
其實之前個袋都未必係我想要既色,不過你覺得襯我,我就覺得知足
希望將來你仍然會記得有個傻既女仔
為你瘋狂過,為你付出過,為你誠實過,為你真心過
唔岩唔緊要,最緊要你喜歡,將來應該搵到個更好!

我會定一個目標LIST
起碼証明自己唔係亂咁講
我都知我唔係好得人喜歡,或者唔符合將來係一個好老婆
所以咪就係要改變,唔係只係喊,埋怨,頹廢咁過
人生先會充實,而家未去到百分3
自己應該要去爭取,做個更好既LWL


 

自從星期2之後
都唔想將自己收埋
可能人真係會成長
好多朋友都約我出黎
仲話介紹其他人比我識,等我圈子大D

我冇埋怨到點解冇健康身體,冇埋怨到點解我既愛情到盡頭,冇埋怨到工作唔順利
有時候當失去既時侯,反而令自己更加了解自己
休息得好夠,有返體力,回復得好好
冇咳,不過仲有喉嚨痛,
係會訓醒諗諗,冇訓得咁多,所以未好返哂
 

我都知自己好多餘
諗起上次你講個同事既男友無論幾好,個女仔都唔返轉頭,你同佢講要珍惜之頖既野
諗諗下,我其實都好珍惜你,你同佢一樣都係咁諗
我有少少覺得比人玩厭左唔要既玩具
可能我連續做2次手術,有疤痕
可能我成日病
可能我因為皮膚唔好,上次受既打撃
表面既野令你唔鐘意,所以先咁
因為物質上既野,表面上既野對你覺得重要D
可能內心既野,冇一樣野你可以諗深1層
我諗你可能未玩夠,想我求多你幾下,先考慮返同我一直拖,但冇將來
覺得我點樣都係你既婢女,後補人選
其實我有冇講錯.我諗我心水係清既
買既係1刻既喜歡所以買比我
係我先覺得高興你買野比我,但原來唔係出自真心
講真,由拍拖果日起,我冇諗過你有冇錢,有冇車,有冇樓
只係覺得你好細心,做既野好為我好,會為我改變,怕我驚你肥
會為我改變少爺脾氣,我真心覺得感動而冇諗過分手
所以第2次我同你講我會盡量做得好
相反,令到自己完全自卑,冇自信,怕講野得罪你,怕你話我煩,
只要你講走,我就走,只要你叫我留我就留
身邊朋友都覺得我生活只得你.我都唔介意比人點講.
可能你覺得你買既物質就係對我付出,我冇咩就唔係付出

呢張卡我KEEP到而家,永遠覺得真心快樂都係2年前.
再一齊返之後,我再冇帶過隻介指咁制
我知道隻介指好有意思,等於個WING字
由上年開始就冇講過將來,亦都冇果種真心既眼神
可能我真係唔值得你愛,自己呃自己
可能,一切注定左,連介指都係單翼,應該永遠都飛唔到上蔚藍既天空
由今年開始,亦都再冇顯示過我地既相
或者放工之後喜歡出外跟同事而唔希望我等你放工/ 唔想通知我,怕我煩
,或單獨同女同事出去
話我致電比你係煩..
你講我都可以咁約出去,係我唔做,等自己冇圈子
因為我唔想你亂諗,所以唔單獨約男仔出去.
就算我約同事出去,我都預早幾日講你知,等你唔洗擔心
你可以講你冇興趣知,但呢D叫安全感
如果有1日我咩都唔同你講,你覺得我地仲係唔係情侶
算啦,我知道而家無論點,你覺得自己都係岩哂,或者直接講你唔識遷就
或許我都有好多錯,你覺得我冇資格去講你
我只係講個實情比你知,將來自己再望望,可能會做得更好
或許我係好傻,比人罵到咁都唔識放手,仲覺得有希望
我認真會檢討自己既問題,希望將來更好!
呢1年幾,我再一齊返,我學識左退一步,希望將來生活更好