每次鬧交我都會睇返之前你打過既野
覺得好感動,不過已成過去,現在既你唔會行係我身上
不聞不問唔一定係忘記,但一定係疏遠
感情從來都係2個人既事,要共同進行,先會一致.
你決心了嗎?那就堅持唔去搵行你要既路.
其實自從再一齊返你就變得心硬了
冇以前咁善良會改變,你話人會變應該係真
自己講既說話一定係對既,唔會接納人意見
就算係好意,你都覺得我係有目的
我認我係留戀,所以先講咁多野
你話痴線都好,話無腦都好
最後既結果都係有將來先會共同
如果真係冇,我同自己講呢2個星期唔會有變化
証明你堅決,我都希望你得到幸福
知道將來應該都唔會再有可能
我會用1個星期唔去追你既步伐,搵自己
唔得既就1個月,或許1年時間,心應該會淡
如果要檢討自己有咩問題
我發現今次真係得把口
其實我物質上冇咩點付出,你口講唔要,但每次嘈交都計我.
可能有既,生日果樣野.
我敢講,上次2月後我冇再CHECK
信任,同對你專一,為你改變自己既生活,聽你話,肯道歉
如果話要改善就係
黎緊我會同自己講一定識整幾樣餸
會更加細心
面對真感覺,唔好再避
諗野要正面1點,起碼唔好咁負面先
希望你唔會再驚我,亦都唔洗諗咩面對
我知道你每次理性既時候會內疚1D事
我昨日喊完,已經唔再嬲你,唔係要你同情
係我認真唔係好訓到咁諗通左
我唔需要咁文塞,如果唔係我記性又會再差
做人應該要向前咁睇
完左手術後,發現其實幾乎冇傷口,呢樣幾開心:)
皮膚開始好返
雖然隻手唔係好出到力,有時會震
但係冇問題,操得返黎
KEEP緊食維他命丸令自己健康D
參加多D想做既活動
繼續追海賊王
定返少少目標去,唔好再咁依賴
開始要分到個地圖點睇
其實我喊係因為去到盡頭極點傷心既說話
驚發脾氣既你
我完全冇心硬係因為對你有保留
我唔會講出呢種說話
當冇聽到你鬧,我開始穩定返
如果唔會再選擇我,不如自行拎返我既野係唔見你既底下會更好
交比屋企人或者點都好啦,你諗好再講
你當對我最後既好,唔會令到我喊或者你唔想比我煩既做法
呢日我有拾回所有既相,雖然一剎那講離開我都好難明,接受
台灣同東京既旅行真心係高興既笑容
大阪那轉笑容真係唔同
你點諗都好,感激你接受初次拍拖既我
呢4年多近5年,我成長了,知道咩叫接納同包容
你有時會好似照顧女一樣,比我食得好,但唔肥
有時會似細路仔,為好無聊既野而發嬲
一個細路女會令到你麻煩,但有時又扮牙媽管你令到你麻煩
我希望就算將來同邊個都好啦
珍惜你父母,佢地好愛你,你永遠都係最幸福
同埋改善你既脾氣,每件事留番一線生機,先可以有將來
你遲早會明白我,咩叫做想雙方去共同維繫,等你大個就會知
(係心酸GA啦!我係單方,我認)
我會記係心度,呢段日子唔係白過,從錯誤中學習
曾經係我心目中係一個親人
咁諗可能係最好'
|
