睇左7次醫生都唔好
全個月都係喉嚨痛,冇好過
淩晨12點去到1點先有2下咳,咳到面都紅,之後喉嚨勁痛
迷信定點都好啦,係長洲問左同解左佢
幾個鐘之後冇左喉嚨痛=0="有時真係好難唔信
2011年大病,有生命危險,話要去邊度醫先可以,結果真係
做手術又應驗左某度做會十幾萬,其實唔需要都可以做得好,又應驗
真係好神-____-"我第一次去睇,自己未去過,起初真係唔信
但有時候,如果應驗左又解到,我都好難唔信.

近排都好攰呀!可能心理上既壓力,喉嚨又唔係好舒服
訓訓下起身,都唔想諗咁多野
順其自然啦!心境咁諗仲開心
之前好多野都好似唔太記得,要嬲既野都想放低,唔想諗
始終有時自己既理念都唔係太差,有返自己要去既將來
我覺得勉強冇幸福,如果一致唔到,又點會有將來
就算問結果,我都唔會相信
最緊要為自己諗下,唔應該再理人咁多
我自己都唔係咁差:)多返D信心,當做返自己野既時候
有時候,我都唔洗太依賴人,自己其實都會做到
愛一個人既時候,就應該識得放,當太著緊,自己亦都會辛苦
反而如果係相向都做到一半,個結果都會唔同,自己都冇咁辛苦
好似睇住個小朋友咁
鐘意既話,亦都會照顧我既感受,唔係每次都去到盡頭
或許有人比你照顧,細過你,比你追下,可能你先會明白,或許對你都係好事
追得耐了,人原來都會攰,好似冇左自己既目標
仲要唔係相方,心靈上又得唔到滿足,安全感,真係好唔同
安定下來,會諗下將來先係我想追既野
原想唔係有錢就可以滿足自己所需,或者自己既幸福
當比人看唔起擁有既野唔係自己買,計返轉頭,我係會發嬲"
唔係個個女仔都係咁諗,但我諗我真係唔會為錢而去咁比人睇唔起
因為我有努力去儲蓄,唔係靠別人,唔需要比人話到一文不值,冇自尊
有d觀念可能自己先睇到,你唔明唔緊要,但要中立去睇件事
聽者傷心,行動者可能後知
我諗都因為我上心先會覺得受傷,同諗方法去改變
怪得黎都冇用,因為係自己一直接受你呢個方法傷害自己,盲目愛一個人而唔講出黎.





 

其實昨日你問我果句係咩意思?
係咪你自己怕寂寞而問?
問心果句你自己係留戀,定未搵到第2個代替,你答唔答到我?
因為我覺得你有樣,有屋企
唔洗擔心冇人追,或者可以要咩有咩
半年內一定可以搵到一個女仔陪你過日子
唔洗憂心將來點樣,有錢咩都有,唔怕任何野
你夠竟係發脾氣定認真講呢返說話?
如果真係有誠意,我叫你等我一年,你係咪真係等我?
我其實係你心目中係咩人?
同我講結婚唔會係我,邊樣先係真?
去到我話放棄,你又叫我諗
我只可以講,你如果係寂寞既話,唔洗諗其他野,你將來一定有女.
如果你覺得輸左既話,唔洗諗,唔係你輸,係我,因為我咩都付出左,你好成功要我去諗
如果問我點諗,我覺得如果你認定左我既話
你唔只係做咁少,只係愛得咁簡單,只係講我唔好,唔理我咁耐
亦都要我講野先,你可以唔搵我,唔講野,愛理不理?
你叫我點諗係將來?呢D真係真心為我?
我真係唔明你想鬧到點?唔明你話冇將來又一齊?
我覺得如果冇將來,改變唔到性格,就冇謂再一齊.
 

謝謝你昨天打黎講
其實我好返好多
前排一直都訓得唔好,昨日訓得好好
因為亂諗,擔心,固執
今日攰到不得了,想好好休息埋,訓夠,重新起身啦
要嘈,要任性都已經有2星期,咩都應該夠
靜得黎都諗夠,唔需要去固執啦
咩叫放低,都已經開始領悟到
好多野都有第一次去做,唔係去到生離死別,只係生命中既經歷
如果每日都要諗你欠我,我永遠記咪叫死性不改,放唔低
別傻了!2015年,我要做既唔係咁唔成熟囉,比D女人味先得GA!成日都小女孩咁


上星期我一直都諗住拎野可以見多最後一面,覺得有灣轉
但其實真係唔需要
我怕既只係習慣左近5年你陪我,咩都係我身邊陪我,
我自己都唔知自己幾依賴你,連選件衫都問咁多(笑左)
結果次次都唔買,成個衣櫃都係你買比我既野,真係好小朋友:)
比我自己既個判斷力返返黎都係一件好事
我話會學野.就係你係身邊,我成日驚你比人搶走
所以唔敢去學咁多野,令自己生活中只有你
其實冇需要係咁,証明我冇安全感,冇信過你
咁我要求你成長,咁我自己呢?
那個她叫我自己去煮下野,講左咁耐
岩!講得好!唔好得把口,我知! 預期諗將來,自己有咩條件先?


預期大家都覺得付出左好多,又咁辛苦,冇謂再拉落去,等你講我地冇將來.
始終,係你口中已經講過冇數次我既唔好,放且你主要講我性格同你好有出入,係我唔聽.
就算知我係好,唔係唔鐘意,只係你都覺得辛苦左,同你自己既生活方式有出入,點會有將來.
我亦覺得我唔洗再管你,擔心你點,感覺亦都輕鬆左好多.
冇我想像中咁難,只係做慣左,停一停搵返自己為中心,問自己想要乜就係最重要


係呀~我成日講結婚有憧憬
不過有時候冇得強求,屬於我的最後都唔會離開
唔屬於我既,就算付出左,都會離開
要自己都做到一個好女人先可以講將來
或者將來都會有一個近似自己諗法既人都未定
始終自己圈子少,害怕認識陌生人,呢個都係缺點,睇得太少.
用心用眼用腦去睇一件事.其實自己都未算去到最蠢!

希望大家都得到想追求既目標啦
而家做既唔係回望過去既幸福,而係去追求,努力現在既生活
我相信,將來大家都會更好!只係講際遇,同遇唔遇到真心~
就算將來我都係一個人,我都唔可以係咁過人生,因為負面唔會比到自己幸福~
放心啦,識諗,唔會亂黎:)