無論而家個腦同心都係屬於你.
我諗都唔應該再一齊,因為要時間同個人成長先可以改變
而唔係一時又一齊返可以改變
係!我好怕失去你,想依賴你,想繼續以你為中心,但係現時留到,將來呢?
我更怕我地冇將來,而去後悔現時既留戀,大家都冇改變
22歲前我諗唔通,第一次拍拖,戀愛大過天,覺得你係身邊就已足夠,有人陪伴
24歲,懂得珍惜,唔介意每次都道歉,原諒,因為我認真諗我地會結婚,有將來
-包容係最重要既一點,要講將來既話,講得幾難聽,我都唔可以學你,原諒你.
-保鮮,我諗住去旅行散心,同你建立更開心既回憶,就算冇返工,既然賺到一筆,洗少少又咩所謂,去左2次日本.
-愛心.我諗過大家都好鐘意1D可愛既女仔,所以要KEEP好自己既身體,開始介飲凍野
-信心,今年起再冇去CHECK你既野,就算你有去玩,我覺得只要你識分,已經足夠
你成日問我付出過咩,問我有咩值得要咁喊,又唔係第一次
我可以答你,我珍惜同你一起既時間,享受做你女朋友既時間,所以先會喊
你岩GA,諗得咁通!分咪分囉,洗唔洗搞到咁,有第2個就唔洗回望啦,講咩鐘唔鐘意呀,生活到咪得囉
呢點你比我諗得開,我都想變成你
因為我固執,同埋我諗女人就係有憧憬,永遠追求至愛,幸福既婚姻,所以先咁用情
多謝你,你講得岩,有時候真係需要靜,諗下自己想點
我成日都問你愛唔愛我,其實真係唔重要
就算我知你唔愛我,我都願意一齊,其實為咩?
由你願意講冇將來果刻其實都好厭倦
一來你由讀書時期一直都有另一半去陪你
每個人都係會為你好,結果呢?
你都會覺得.另一個新既一定好過之前
到左一齊左,發現呢個有問題,唔係你想像咁
其實咁永遠都追唔完,或許大家還年輕,仲有時間
我明既,或者我第一次拍拖,應該都好有問題,唔識做好多野
真係有錯,我諗我呢幾個人之中
係第一個會再接受返你既人
就算知道都隻眼開隻眼閉,去珍惜你呢個人
但完來係唔可行,一來單方面,二來你脾氣冇改過,三來你唔定性,冇諗過將來
有時候覺得你追女仔好叻
唔多唔少都係因為你個樣,睇埋內在因素浪漫,屋企唔差
冇錯,我同佢,你都有講過想搵個結婚對象
但係你唔係一個好既結婚對象,只係一個拍拖對象
你追求既野,可能你話我比唔到你,或許你冇諗過長遠
1)安全感
唔想交代你去邊,覺得煩,咁不如你玩夠先啦
你話我安全感好,係因為我去邊我都要同你講,唔洗你問
2)理財
你可以話我好自私,岩!你話儲4年簡簡單單都會結到婚
我賺錢儲$,除左知道自己身體唔好之外,我其實唔洗你儲咁多
覺得自己比都冇問題,結婚開心,你父母都幾鐘意我,我都唔會理自己屋企咁多,只要你對我係真就可以
不過我話你聽,你要追既物質真係會追唔完,鞋完左之後,開始有車,有車之後就會講款式
雖然我都覺得擁有係快樂,但要自己去衡量,你可能話你會,但最後呢?
不過好感激,你對我真係好大方,願意花錢買我喜歡既,令我開心,呢點我覺得真係好好!我永遠記係心度!
3)父母
你話我對你父母冇咩貢獻,岩,我成長之後我會識做,呢1年半我都做唔到大方
我只係做到既,係同佢地溝通,佢地信任我
希望我可以留係你身邊,管你,咁佢地就放心返去過退休生活,唔洗再理你條路
下次搵到個岩既對象,觀察好了.決定有將先好帶回家,唔好再要佢地擔心
你可以話而家佢地好煩,佢地係金錢上,精神上都比哂你,仲有幾多個十年照顧你?你可以比到咩佢地?
我好開心可以去你家,覺得你係認定我,所以先有卡有匙,不過你想我黎就黎,走就走
我同你講,就算你家境唔差又點?我咁大個女都未比人趕過我出門口,你憑咩?你愛我?
將來真係比我拉到你,你唔夠愛我,你叫我係咪返自己屋企?
我成日叫你唔好咁做,你話我聽唔入耳,夠竟係邊個?本性難改,一段感情唔係咁去對人!
4)愛人的方法
每個人更有佢既優點,缺點
我既優點係專一,有安全感,誠實
我既缺點係唔大方,固執,心軟,負面
你講我煩,因為你冇去比安全感我,咩都唔講我知,做完一段時間,之後又冇,所以我更管你
你話我負面,係因為你避開哂我既問題,只係想講開心
我認真咁諗,我都有同朋友講.但我既朋友將來都有自己家庭,我最想都係你同我一齊諗方法
或許你既意見我冇做到,但係比我知你原來都係會關心我既,我已經好知足~
呢刻我開始知我追求咩,點解愛一個人要咁痛苦?
自己一個雖然寂寞,但同你拍拖都係要自己面對,仲要比你鬧,辛苦左,為咩?
(笑)自己入院同你講,你應我"嗯",你話考車
(笑)你話返工辛苦,厭我早覆診,話我唔體諒,BLOCK我WHATSAPP,唔比我聯絡,叫我反省,話我自己囉黎
你對個女朋友,做完手術,身心都受傷,我第2日覆診覺得暈車浪,你都冇係身邊你知唔知呀,我地真係男女朋友?
(笑)做完手術後,搵唔到WHATSAPP,唔緊要啦,第二朝CALL你啦,你可能真係工作有困難,一打問我煩夠未,靜下啦!
(笑)算,你下左淡氣就好了,等下,我檢討,2日後同自己講你真係辛苦,12-4小時返工,如果你放假,我同自己講你一定會黎,
一定會和好,應該會安慰我既
(笑)等到啦,第日,你話攰啦!第2日同你講,好溫柔咁
(最後)你主動打黎,其實呢,已經唔想再聯繫我,聽到我把聲已經驚,分手啦,話我冇變過
之後,我再打比你話拎野,再問我地有冇將來,想你再決定,你話諗下先,唔好咁大希望
我問你靜幾耐,你話唔知.直至係唔驚我,.你媽之前叫我聯絡佢,ok!你知道左,同我講,本身都有諗過再一齊,而家唔洗啦!收皮啦你
最憎人煩,因為你知我一定會繼續去留(問真果句,我心諗唔緊要啦,我愛你咪得囉,求你唔係問題)
之後,再whatsapp你問你,睇你點諗,都係咁,話我唔識檢討,遲下比返野我 (我比左3次機會自己,我決定左放棄)
你真係愛我咩?我做完手術,由做手術前後,你係咁令我情緒唔穩定
我唔係大手術,我大起大跌,你真係覺得就算小手術都冇野?問心果句,換轉係你自己,你點諗?(笑)
冇錯,我係怨你,比說話你聽,如果你覺得難受,証明你自己都覺得自己做錯!
今次我認真,有決心,我地分手啦!唔係你講,係我講既!
我唔想再係你既計劃中轉動,我唔想再比你掌握我既思想,心軟,同弱點!
你利用左我既真心,包容,青春,錢係解決唔到問題,問心,今次我原諒唔到你!
你心入面有第2個,開始過,脾氣差,唔孝順,唔顧家,唔喜歡係屋企,大洗,喜歡玩,對同事仲好過我,唔做家務,
唔陪我做喜歡既野,好似唱k,話我冇靚過,隱瞞我同佢出去食飯,見步行步,趕我走,話我煩,說話永遠到盡頭,
呃我話負責任,呃我將來
我原諒左你好多次,普通人都唔會咁去返轉頭!!連自己既尊嚴都冇,我愛你超越過屋企人咁制,你問我付出咩(笑)
你愛我?(笑)心中已有答案
如果你真心有改變,有將來,將來我都可能再諗
唔係得把口,不過我諗你彩我都傻,覺得我白痴.,
我同自己講死心啦,你將會消失一個咁傻咁白痴咁愛你既我
呢刻我唔會再同你一齊!我唔會再講廢話!唔會再去拖你!唔會再去煩你!唔會再去見你選擇第2個!
呢刻,我.唔.會.再.原.諒.你,我傷害緊自己!
我同你各行各路啦!你唔屬於我,我唔甘心我比人虐待!我唔甘心比你講到一文不值!
我寧願自己一個,都唔洗再比你鬧到連人都唔係!你冇分擔我負面,仲比多D負面我!
CF,你玩夠啦!我既真心唔係比你咁玩弄!
(笑)之前我怕我喊,搞笑
係因為我怕你係我眼中消失
但而家理性咁諗,係好事,唔洗喊
因為唔洗再追住你,管你,直頭做左你牙媽,唔洗再辛苦驚你識第2個女仔.
(你又唔洗比人煩)
唔洗為你諗將來,唔洗為你既大洗付責任
唔洗同你父母交代你既野,,等你自己去做返
唔洗陪你打機,做唔到自己鐘意既野
唔洗比你話我洗你錢,幾乎每餐都係AA,你都可以講自己大方,話我令你冇$
唔洗再比你話我令你肥呢d說話
學你媽咁講,
我地雖然唔係情侶,不過仍然係朋友
我對你係有反感,不過冇可否認,你對朋友,同事真係好好
我諗我仍然會當你係朋友
好過係敵人
放心,你拾好野後,聯絡我,唔洗再留我既野係你屋企,我唔會再去煩你,管你,講廢話拉住你.
你教ga ma,冇野放唔低,睇你點去睇
時間証明一切,多謝你呢段初戀,令我成長,諗第2個階段
我會聽你講既缺點去改善,做得更好!
我對你盡左最大既努力,得唔到幸福唔緊要,最緊要知道自己想點!
最緊要盡左力,我無後悔,因為我更學識左去諗
5年黎,我地一齊既日子係冇白費,你既好永遠在心中~
只係大家有緣冇份,曾經精彩過已足夠~我會知足.
|
