呢排真係幾忙，冇咩心機做功課之餘，令到自己又冇乜時間去理高考Ｄ野。真係衰！

呢個星期兩份功課＋兩個中期考，真係奪命－＿－！

我真係好想溫化學呀！物理反正都溫緊，所以都唔係太重要啦，不過都會做。

另外，灣岸果度話都冇咁快已經玩到三千ＫＭ！我但求升爆外觀就算啦！

　　今個星期同左阿輿，金爺，麥傑＆狗爺去左澳門遊玩。由於時間真係唔多夠，所以好多地方都係去下就算。不過總算去左唔少地方（甚至我從未去過既地方）。

　　首先因為金爺個證出問題，所以佢要返香港拎番個證。如是者，我地四個就去左我屋企放低Ｄ野＋食早餐。新金城Ｄ野真係好一般，始終冇食到佢Ｄ雞翼。然後我地去周圍行下，議事亭前地、大三巴同埋海星。之後返一返屋企睇電視睇到點幾就出去再周圍行，買左Ｄ野！等到金爺黎到都三點三，不過我地又落錯車＝。＝∼結果又要搭的士去碼頭。會合金爺後就即去大三巴＆博物館，大三巴超多人，所以決定去博物館。澳門博物館都ＯＫ既，不過我始終覺得香港歷史博物館正Ｄ！行完再去大三巴影下相就要搵野食。

　　諗住去坤記，不過又行左相反方向，去左荷李活。但又超貴，結果去左間之前未諗過去既地方食野，Ｄ野一般啦。然後要搭車返屋企拎野，送狗爺去碼頭返香港（佢要返工＞＿＜）。送完就去左漁人碼頭，去左果度間機舖，見到個幾靚既女仔，而且重點係佢矮過我，可惜佢地又要走－＿－！行到返去屋企附近已經近乎冇晒食野既地方開＝。＝，去左一間怪怪的食店食左碗粥，味道還可以。

　　第二日，早餐食豬肉丸粥，去左主教山，媽閣廟同埋海事博物館，都係好多人＝　＝！然而搭車去氹仔行下，第一站係澳門大學，好細＝。＝！第二站官也街，個ＦＥＥＬ同大陸冇分別，買左Ｄ中國古式玩具，同埋少少手信。ＬＵＮＣＨ就以豬扒包＋蛋撻了結左。之後去左碼頭買船飛，見仲有Ｄ時間，再去機舖睇囡囡，見唔返尋日果個靚靚囡囡添！！之後搭船返香港，去左新港食貴ＤＩＮＮＥＲ後就返深水埔打機了。

下星期有兩份功課...英文圖表描述...GP...一個中五教化學既POWERPOINT.

再下個星期有中文閱讀報告...MATH同ELE唔知有冇咁快功課...

AL PP一年都未做過啊...點算...!?

不過話時話 WEEK 8已經係ELE既MID TERM=.=...都唔知點死好-_-"

GP份功課仲未做晒,真係麻煩死=.=! 睇黎去澳門果兩晚都要開工做英文AND POWERPOINT!

呢排D生活實在太充實啦...而且都覺得有D急添...

不過我想溫化學囉(因為日日都要接觸物理=.=...)

睇黎要少D打機啦!!!

同埋Ｄ南華師弟一齊去浸大開放日。

待續

好難得自己可以升上大學，因為咁，我先知道知識既層面有幾大！

好想學晒所有科學啊，我對近乎所有科學學科都有興趣＠Ｏ＠∼除左數學＝＿＝……

基本上同物理＆化學有關既學科都有興趣！

天文、氣象、有無機化學、分析化學、物理化學、量子力學、光學、電磁學，而家連電子學都開始有少少興趣。

真係＠Ｏ＠！有好多書都想買呀，就連生物化學都想＠Ｏ＠！