芳姐話我今日發脾氣....係我承認
點解發呢!!! 就係因為一個同我年齡ge阿雄番兩點
另外阿彩,阿思放飛機都關事嘅
做新人俾人ge第一覺感覺好緊要
一望阿雄第一眼 頭髮長長 仲染髮兼捲髮
誋番起我第一日番工前
我俾梅姐哎我剪番短去我先番工呀
儀容好重要
另外做新人講ge第一句說話都好緊要
記得今日芳姐叫佢企水
好啦~我企咗成朝唔企喇 協師傅
俾阿婷帶佢企水
之後芳姐見佢哋撞嚟撞去
就叫雄沖熱 婷沖凍
婷清場我拍佢 我叫佢斟杯可樂
佢同我講芳姐叫佢淨係沖熱喎
嘩~哩句嘢難聽度吖 刺耳到吖
佢連一般新人嗰隻聽教聽話 應有ge態度都冇呀~
仲駁咀駁舌 仆佢個臭街吖
等阿婷拍你啦 我就係唔係幫佢沖熱飲呀
我就第一日放半邊手俾佢沖晒d熱
你哋話我對人好對事又好啦____是旦你
一心諗住要頂名彩收尾
最大問題係唔放心收水 但我放心俾佢哋企水
唔知係咪我發脾氣累事呢~
搞到我今日剔乂夢碎
夜晚芳姐叫我專心企caller 細娟預緊嘢
可謂專心呀 企死4仔楷磚呀~
中檔條長先第一日番工咋喎 收唔切 唔識上 唔通唔使幫呀
嗰頭話試下放手俾新人做
嗰頭個新人唔識做 唔通唔幫咩
幫又錯 唔幫又錯囉~
我見你係主任入職早過我 年齡大過我 見識多過我
我先俾面叫你做芳姐啫
我先肯留心聽你講教新人ge大道理咋
唔係我聽日,後日....仲會係度做 我晨早駁斥你啦
換衫收工俾芳姐聽到我同芝欣講今日長毛凍熱飲單嘢
同我講佢聽到d人講我帶新人乜乜乜
對女就陰聲細氣 好溫柔 對男就粗聲粗氣 有時仲%$^@
佢用阿思做例子囉~之後都冇講d乜
女仔呀 我用209個阿琳做例呀 我冇粗聲粗氣對佢 我有
男ge佢就話我今日對長毛喎 講到我咩對人唔對事
其實我到依家斬唔識分
我只知道一個新人 肯學我就肯教
不過佢至少要具備做新人ge條件
儀態,態度 缺一不可
我承認正常樣ge話我會對佢好d
阿思,阿婷,阿耀同走咗ge阿恒都係我教出嚟嫁
唔解佢可以將一件雞毛蒜皮ge小事放到咁大呢
阿哥阿姐都係人哋俾面,服你嗰套先哎嫁啫
耀仔都哎我東哥啦~
我唔排除係受d人影響
自少可以証明一件事
我都可以教到一個新人出嚟
今日耀仔冇番我唔放心收水檔係理所當然
就好似我唔敢俾阿彩收我個檔咁
因為自己有一套做嘢ge方法 我將我個套傳咗俾耀仔
佢係度我可以放心唔理佢收個檔收成點 沖嘢添 專心企caller啦
而家有咩人啫 細娟實收9
芳姐又點會俾我早走吖
竟然因我我一發 佢話自己收喎 好燒埋你個啖走
我就睇下你搞到個咩檔出嚟俾我聽日開檔 |
