原來梅姐放假
唔怪之得咁好死叫我番半日工俾我抖啦~
番到去阿彩好出奇咁"乜你唔係番5點咩"
一係就番 一係就唔番
我唔會好似上次咁放d唔放d飛機嫁喇
入到檔加哩樣個樣 拎哩樣個樣
轉埋個夜市 都搞咗我成粒鐘
茶餐同娘親拍住企水咋
如果唔係佢一個實沖到手軟都似 

正常ge星期六啦 除咗個夜晚唔似之外
因為琴晚九千 今晚又係
琴晚梅姐 今晚係芳姐同豪哥 得閒到死喇>,<

番到去公司勁好餸囉~有乳鴒同靚菜食
唔知點解 問森哥啦
佢答咗唔知乜 我唔記得咋
係喎仲有唔夠一個月又新年喇

因為"娟"哩個字 我個心情down咗成個下晝
正如你憎阿萍咁 我都開始有d憎細娟
前個幾日就真係講笑 今日嚟真憎喇
原因!? 死要面 死唔認衰 講嘢冇理人感受呱.....
聽親佢個句"你好叻咩!"   我就真係忍唔住
之前阿娟寸我 我都心服口服丫  細娟 哼 =.=

夜晚拍著梅姐同彩  好自然咁發(自己)脾氣
膊頭痛 順理成章咁扮跛玩嘢 單手做嘢
頭個一,兩個鐘都冇人發現 田叔仲扮喊氹我笑添
不過我痛到真係笑唔出 眼淚就出咗好幾滴
終於梅姐發現 叫我聽日唔番 阿彩轉糠搬搬抬抬
9點半cut機個垃圾檔丫~梅姐走咗 回復原形
唔再扮跛喇 收糠大過天 
隻左手4粒鐘唔郁 好x痺

 

哎呀~點解彩同細娟調咗更嫁 要拍佢收尾
其實拍邊個都冇所謂啦~ 大家做ge嘢斬一樣
.
.
.
收工 你見我bye都唔bye
我其實係真係唔想去
因為我怕會係最後一次同你哋食呀~
要大家個日番工易 要大家個日收尾都易
難就難在大家有冇咁ge興致去食呢!!!
上一次"撈"丸子 今次又食番
望見你食到嘬嘬聲 師傅又食到周圍都係
個心有種唔知點講ge感覺

我要多謝命運俾我識到你ge同時又識到師傅
如果冇咗師傅 好可能我哋而家只係普通到冇得普通ge同事...

活了沒有壓力的一天

琴晚可以兩,三點瞓
今日又可以兩,三點先起身 太正喇
因為放假囉 下一秒ge事 下一秘先煩啦 呵呵
毫無節目 唔想搵人出街(講真冇目標約就真)
新年就到 搞清潔都係時候喇
天氣凍 做完嘢出一身汗 之後沖涼 爽

夜晚俾個妹屈去唱k 佢前兩日生日嘛
係咁哎我送生日禮物俾佢 傻嘅唱k好過 搵細妹去
第一次三兄妹出街 冇阿爸,媽係左右 嘿嘿
7點唱到11點 醒起10點你收工
想出去偶遇你 搵你唱 不過諗諗下
都係名正言順搵你唱好過 =]

cut咗機 大佬同森哥因為一個收咗工
一個放假都唔係度
於是我就作反喇 係廚"吸毒"
俾梅姐見到添
彩同我都係全夜宴 7日有5日都係拍佢收尾
好嘅 總好過拍細娟丫~
因為我好憎細娟嫁 hahaXD