聽日好早訓左...所以冇打到Blog..

今日又唔記得左果日發生左D咩.....

剩係記得PE堂...

Pe堂玩果部賽咩機..

pele好勁呀....a班最勁好似係佢...265米...

我得251炸@@...

之後咪量高同量體重lo..

終於到左180cm na@@不過應該重有得高- -

體重呢..就57kg..

重左兩kg炸....我太過輕na...要肥左少少先得@@

之後琴日既所有野就唔記得曬na@@

所以呢....由今日講起算...

今日終於冇返到學校na~~

因為太過咳同有少少暈....咁咪唔返lo..

不過由七點幾果陣...就一路訓下醒下覆下sms....訓下醒下覆下sms..

依個情況一直維持到12點幾@@

因為12點幾果陣佢地回得太快...我跟本覆唔切....所以之後起埋身....繼續sd- -

之後咪繼續sd lo....sd到一點幾就沖涼刷牙換3落去諗住買D野食...諗住之後食藥..

點知落到去呢....阿燦就打電話黎話一齊食野...同埋pele..

之後我覺得反正返到屋企都係冇野做既..

咁咪一齊食lo.

之後我就搭車去觀塘...搵阿燦.....

不過pele之後又話唔食....話叫我同阿燦食完野上去佢到wo..

咁我同燦又見冇咩野做....咪食完大家樂之後咪上佢到lo..

上到去其實冇咩野好做..

咪剩係吹下水...睇下片咁lo..

可以話剩係hea..

之後五點果陣...李sir打電話黎搵阿燦,,

阿燦係黎pele屋企之前...同屋企人講左黎同學屋企..

李sir打左去佢屋企人到...一五一十講左出黎..

咁阿燦就要打比李sir- -

wo...大獲lu....因為李sir都打左去我屋企...不過冇人聽.....

所以我同燦同pele3個就同一時間比人發現- -

真係唔知聽日點算好@@

六點幾我同阿燦先走....

可惜返到屋企又冇野好做.....呆呆heahea咁過...

聽日又要返學na...唔想返呀@@

今日一起身就覺得好精神@@

但係明明只係訓左4粒鍾炸wo..

之後我就估今日究竟得返幾多個人返到學校呢..

之後我咪一如照常咁返學lo..

一返到學校就見到成班訓導主任企曬係到- -

係咁捉果D冇簽體溫紙既人...

好彩琴日有人提我姐@@

之後我咪行返去果個位到lo..

不過我見到得返幾丁友....

其他全部病曬....好恐怖- -一齊病既...

之後八點二左右...我個肚勁痛....痛到我連背脊都伸唔直..

之後我去左廁所先至冇事..

之後一出黎就要即刻排隊...

今日好多人冇返呀....

有成六個冇返....柱,洋,燦,樺,才,洪

唉....我真係想知....點解我地間學校會唔肯停課嫁呢...

有人中左豬流感...咁多人病左..咁都唔肯停既..

之後就繼續上堂lo...

頭果兩堂好忙@@冇時間停下...

之後小息我過左去e班...

原來e班有成8個冇返...我識既男仔入面...得菠蘿有返炸..

好變態呀@@多人病到咁..

之後咪繼續上堂lo..

英文同數學我今日冇訓呀..

因為我全程狂sd sms- -

因為咁先至冇訓....

lunch剩係是但食D野....捉下棋咁就過左...

係差唔多完lunch果陣

藍冇nana一野飛個水樽過黎...

一野插中左個眼角....

佢真係西利lo...

之後我咪即刻起身飛返佢lo

點知宏反應咁快呢....幫藍擋左...

之後咪上會計同資訊lo..

會計我都係因為sd sms先冇計到炸..

之後資訊要小測....好難呀...我原先諗住因為好易嫁姐...

點知...原來資訊唔係咁簡單嫁..

放左學果陣呢...諗住幫柱汁野na..因為應成左佢幫佢汁野..

就係依個時候....我唔小心咁激嬲佢隔離果個@@

搞到呢...要等佢汁好曬野....重要幫佢帶野....

之後送佢出門口....搞到比人誤會咁呢@@

之後我同藍同宏係到捉左一陣棋先走..

但係明明lunch果陣重同藍嘈交黎- -

之後我同藍兩個去食m記...

我食完m記先醒起....我咳緊嫁wo..@@

唉..搞到我咳到更加西利..

咳咳下...我感覺到有血味既....

我就係到諗聽日返唔返學好呢...

阿洋佢咳都冇返na..

我依家咳到咁...聽日唔返都好正常姐@@

嘩...奇蹟呀....我琴日2點就上左床到訓na...

竟然重早過平時要返學既...真係吹漲..

今日七點鍾就起左身....勁眼訓@@

之後hea左一陣之後呢...咪沖涼刷牙lo..

是是但但食左D野就出門口lu..

因為我約左鄧係樓下等埋一齊去搭車..

我落到去...明明遲左一個字嫁na...

點知佢重係屋企食緊佢個早餐@@...

早知就唔洗咁趕na..

總之呢...咪一齊搭車返學校lo..

係康寧果條馬路等埋張灼就一齊入學校..

我一入到學校...就見到超得人驚既野..

就係Amy...姐係雞姐..

佢著得....真係可以嚇死人呀...

帶左一個水晶耳環....雖然係水暗耳環..不過一睇就知係果D質素好差果D...

真係唔帶好過帶..

之後又要著高跟鞋..一件村姑3....重要攞住把扇...

好難頂...真係好難頂..

之後咪等到八點三上車出發lo

係車到呢...我有種成班去旅行既感覺...重要著曬便服呢..好正...

係車到...我剩係係到聽書同合一陣炸...

麻麻地想講野..

去到科大...好多人...好曬...好熱....好辛苦...好迫..- -

去到就有種想走既感覺..

之後其實真係剩係無無聊聊咁參觀下..

最好既地方係女生宿舍果到@@

我地搭緊lift上去女生宿舍...D人就係到介紹話咩依到就係女生宿舍na...

講完依句...一開門..

就見到有個男仔...著住條媽煙通係到等lift...重攞住D牙刷牙膏..

好尷尬...你眼望我眼...

點解會有一個著住條媽煙通既男性係女生宿舍到呢＾＾

不枉佢地話依間學校好開放lo- -

呀...我發現科大有我人生之中最喜愛既運動呀..

就係劍道同網球@@

搞到我即刻想讀大學tim....拿拿林過埋依3年就可以讀大學嫁na..

參觀完女生宿舍就差唔多走lu..

之後只不過周圍迫下咁...熱爆..

我見到有人跳舞呀....不過睇得少少炸..

又唔肯比人睇呢..衰到呀..

現時為止...科大可以話係我最想入既大學...

迫完之後就走lu....以經成身汗...好難頂..

返到觀塘呢...我地就去左食吉野家...五條友..

食完就即刻走左lu...

之後我陪柱去左秀坪買耳機...

買完我咪返屋企lo..

就係e個時候...

我發現有一位好蜘蛛俠..

係秀x樓大廈出面...係到爬黎爬去..

由六樓爬十一樓....好似唔驚死咁...

勁多人圍觀...

我咪即刻攞部手機出黎lo..

影左一陣炸...因為冇曬電..

同埋好唔清...睇唔到D咩,

之後咪返屋企lo..

返到屋企睇左陣野..食左D野.....就大教訓na

由4點訓7點...

訓醒過多陣...因為講左D野...搞到人地喊...

感覺唔係咁好意c...有D野..真係唔講好過講...

好彩之後佢冇再喊炸....

今日大致上係咁na....一陣要做下D功課先!!!!!

今日終於星期五na.....唔經唔覺又一個星期na...

我感覺上..我已經越黎越慣a班..

因為我心入面一早已經有左心理準備....

對住唔同既人...就會有唔同既相處既方法...

有時有D野or有D人....冇得勉強嫁...唔夾就唔夾....

嘩....去到好遠lu@@

講返今日先....今日要周會呀...第一次周會..

其實本身周會就冇咩野既...不過周就之後又要行唔層樓.....好辛苦嫁ma..

上到去...原本就冇咩野既..

但係突然...kary姐冇nana爬左係張枱到..

我一開始剩係以為佢眼訓炸..

點知去到上堂都係咁.....之後重喊得出黎tim..

根本就冇人知道發生咩事..

所以佢就同李翠玲同李sir出左去..

過左一陣李翠玲返左黎...不過佢又冇講到D咩wo..咪繼續上堂lo..

頭四堂都唔好提na...因為好平淡好平淡...

lunch我地出左去食飯...

我地成大班人去左家華阿媽個老闆間餐廳食野..

嘩..碟飯好鬼大碟呀@@

家華阿媽重話請我地tim..

我地連張單都搶唔切...就已經比佢搶左去..

我地諗住遲D比返錢家華...

因為真係好唔好意c嫁ma...

之後我地再行返天梯上黎.....嘩...

今日係我第一次行....行死人咩....攰到嘔呀@@

上返課室就係到捉棋.....幾好玩嫁....不過唔知點解我個克星次次都係到既@@

今日羸既次數...一隻手都數得曬呀.....好失敗呀@@

之後通識堂係咁sd sms- -

不過我係同洪嘉恩sd- -

真係吹漲~~@@

之後生活藝術呢...就玩咩九型人格...

我就係第二同第四型....其實我麻麻地信依D野....因為真係好難講..

同埋呀...琴日咪同藍嘈交既..

但係唔知點解今日係生活藝術又冇野na..

我同佢嘈交既次數....多到呀...

真係唔明點解可以成日嘈.....有咩好嘈..-.-

放左學之後呢...班入面一部分既男仔冇走呀..

係到捉棋....捉到5點先走..

重有兩個女仔係到...一個係捉棋...一個唔知點解係到做緊功課@@

同埋....我真係覺得廖偉恩真係有少少問題..

我地班男仔留低係因為大家都係好熟先一齊留姐..

但係佢可以自己一個無無聊聊咁留係班房到唔知做咩...

又要成日講埋D以為好笑既野....很煩..

我唔係咁想同佢熟絡...

走左之後呢...大家冇去食野呀.....直接返屋企算...

係樓下個商場到..又撞到李可純...今次剩係得佢一個炸....

我發現佢地係係依段時間返到屋企...

之後我返到屋企呢...原本就冇咩問題既..

不過之後我覺得自己好似病病地咁..

同埋我地間學校勁多人病左呀...e班果到又有好多病左咁..又話咩發燒呀果D wo..

唉...依家真係麻鬼煩...

唉..今日都係早D訓先..聽日要勁早起身去科大- -之後又要跳舞wo..

一定一定要早訓!!!!!

今日好一開頭都好普通既...

照常咁等車...照常咁搭車....照常咁返學校...

上第一堂會計.....我覺得漸漸已經習慣左lu....

之後oral堂.....我個位玩得好開心@@

因為有洪嘉恩係到..坐佢附近真係特別多搞笑野...

呀...佢話叫我去哈佬喂wo...重好似話9月26日就去@@

不過佢好似重未開始搵人嫁...

同埋...瑩又話去哈佬喂....不過..唉..

我地e班D人....個個都唔到死線都唔肯決定咁....點約人呀..

前果幾年咪又話去...但係最後有邊次去到嫁...

加上小學果邊之前又話約埋一齊去...

好似好亂咁@@

小息就同燦玩下棋咁....好玩就過左lu..

中文堂過得好快呀....因為中文堂冇咩空閒時間..

好趕呀....根本就由頭到尾都有野做既..

咪感覺上過得好快lo..

數學好無聊呀....我訓足成堂.....

好彩今堂冇教過新野....所以我都訓得安落@@

之後lunch又落左小食賣食野...

又係公仔麵.....好無營養呀...

咁食法唔係辦法嫁wo...

點算好呢.....

食完之後就上返課室捉棋....

我發現黃叮符佢克住我嫁@@

次次佢一走過黎..我就即刻輸左......之後同佢玩...玩左幾個字都未玩完...

有冇搞錯呀.....我真係太耐冇玩na....

lunch之後呢....通識睇talk show..

過得幾輕鬆既...

之後..嘩..周會...悶到呀...

up黎up去都係果D....我難頂到呀..

我訓左半堂.....我已經好努力捱嫁na..

同埋我發現好多人都訓左- -

完左之後...李sir同我傾左半個鍾頭計..

幾開心既...有講有笑na..

不過係佢林走之前....佢...叫左我留低..-.-

佢搞左好耐先上黎呀...

我同佢傾左一D關於我依家依個位既問題

同埋一D習唔習慣依個班之類既問題咁lo...

我傾左都4點9lu..

之後重同人捉棋tim@@

搞下搞下都5點lu..

之後咪一齊走lo...

不過我地之後又去左大家樂食下午荼....雖然得5個人..

因為D人返曬屋企lu...

係走果陣呢...見到果個咩素素..

都唔明點解D人話佢得意...@@

咩得意咩...

食完野咪散lo...

返到屋企一路都冇咩野發生既..

突然洪嘉恩add我...問我中秋點搞wo..

講真呀...前果幾年...中秋都好無聊咁過既...

因為重有咩地方好去呀....大家都去過曬....

所以...真係好難諗呀@@

再夜D...就黎na

果陣十點半...藍同柱打電話黎

話打機wo...我咪即刻拒絕lo

幾點呀...打完最起碼都12點na..

我咪話我一陣要做功課lo..

藍話我得意wo...咁夜先黎做功課

佢真係唔方唔得意呀....佢又唔係第一日識我

講真...打機姐...今日唔打咪聽日打lo...洗唔洗咁汁著呀

之後就開始嘈交na

佢係咁話我..我咪駁佢lo

好!佢話我成日駁佢....叫我唔好駁佢

咁我咪唔駁lo...我比佢講曬先...

佢講曬na..到我講na...佢自己又要駁我...

玩野咩....你玩曬na~

之後佢又好順氣na

話咩"我想你死呀!你死唔死呀!"

咁我咪話"你想我死我咪死lo!"

之後佢咪cut線lo~

我都采佢都傻

係都要搵黎嗌既~咁汁著有金汁咩?

成日話我錯話我錯

你唔好傻na...你自己睇返~

聰同我做既野~有咩分別呀~

你點對佢~你點對我呀?

根本係要有心針對我既....咁做朋友有咩意c姐~