點解我用會百感交集做主題...

因為今日真係咩感覺都有....

琴日零晨一點幾果陣.....ck就冇啦啦sd左個sms比我...話多謝我...

但係我心諗果陣明明冇同佢sd緊sms嫁....咁我咪以為佢sd錯lo....

點知佢之後又話佢冇sd錯...原來佢係睇返之前我sd比佢sms...所以再一次多謝我..

其實果陣我的確覺得幾開心嫁...

我諗住可以維持住依種開心去訓教....

點知依個時候老豆起左身...果陣兩點幾到...

佢話阿媽咁耐都未返.....佢話阿媽係12點幾就話搭緊的士返黎..

點知去到咁晏都未返...

咁我同老豆咪擔心佢lo....

我地打電話比佢又唔通......又過左咁耐都未返....擔心佢出事呀ma...

跟住老豆就去廚房睇下有冇的士落客...睇下見唔見阿媽lo..

我就係間房到睇..

見到好多架的士經過.....但係見到每一架都唔係...好失望...真係好失望..

越等就越擔心...

去到3點果陣...老豆又打多次電話比阿媽....但係唔知點解今次通左....

點知阿媽重係街到....咁老豆就同阿媽嘈左起黎...

之後過多一陣阿媽返黎na..

但係一眼就睇得出佢好嬲....我地同佢講野又唔理..

之後就走左出黎訓廳.....之後又叫我唔好理阿媽去訓...

咁我就抱著依種心情去訓教...

之後起左身果陣...見到佢地都係冇講野.....

唉....我都唔知可以做D咩....

咁我咪自己返學lo...

返到學校好多人都記得藍生日呀....我知佢想心入面想低調D...

但係講真果句....邊個唔想有好多人同自己充心講句生日快樂嫁...

所以今日見到佢..佢成日都係笑緊既..

連續兩堂中文堂...我真係一個受硬唔受軟既人..

我反而覺得越忙越好....果d咁輕鬆既...我反而好易訓著..

所以呢...中文堂就匆匆忙忙咁過左...

原本小息我係要去搵一個人既...但係點知果個人唔得閒...咁我咪唔阻佢lo...

英文果個老師...已經決定唔理我果組na@@

因為佢知道叫我地都冇用既@@

數學堂就成日唔知up緊咩- -

好亂呀~~~~

lunch出左去果間唔知咩既茶餐廳到食野..

明明上個星期五食果陣幾好嫁...D野食超快..

今日....超慢......搞到好遲先返返課室...

之後會計就合左一陣...因為真係好攰....同埋冇咩心情..

資訊呢..我原本以為今日要小測...所以好努力咁上堂溫...

點知原來係聽日wo@@..

放左學呢....我見到有好多人留左係學校到..

我當然都唔例如na...

我同班友仔留左係到捉棋..吹下水...

呀呀...我發現果條張頌好中2跟住D女仔走- -都唔知有咩企圖@@

我地五點幾先離開學校...

之後我同燦同柱同藍就去左食cheese cake.....

當生日蛋糕咁食@@...

雖然係好貴...不過真係好好食..

um...之後呢....

洪sd左個sms黎...話佢好想喊..因為pele話佢咁既性格好難搵到夾既人....

因為真係冇女仔同佢咁癲....之類既說話na..

同埋係我地班又有人憎佢..

所以佢話想改變.....但係一直都改唔到...

我次終都覺得佢同張頌好似...

雖然...我明白...有D人真係可以同D異性朋友玩得好埋...但次終都應該有個譜.....

張頌佢中2同女仔玩....我唔理佢na..

佢中2跟風....人地做過D.....佢可以完完全全做返出黎...之後重要扮到好似自己諗咁lo...我都唔理佢na..

佢係女都溝...我都唔理佢na..

但係佢本身個性格就好有問題..

我真係唔知佢真白癡定假白癡..

佢竟然可以無聊攞D洗手液...整落人地個身到同D書or筆袋到lo

佢自己就唔比人咁樣整...佢就日日咁整人...

你冇野呀?我係阿燦or阿洋一早打佢na

依D人本身性格有問題既...我就冇諗過可以同佢做朋友..

雖然我知道我自己唔係話好得去邊..

但係做人既...唔該有時諗下果個人既感受呀....

而洪佢本身剩係比較中2玩...起碼冇張頌咁嚴重呀...所以依D有得改既...咪盡量改lo..

人次終都要大嫁...諗緊野都要成熟D....唔通重要人地樣樣提咩...有D野應該要自己發現..

之後七點鍾就出門口同班Fd去左觀塘游水..

嘩...冷到呀....

我地七點半游到9點鍾..

雖然有好多時都係傾下計咁..

呀呀...我諗呢...聖誕節應該有得去旅行lu....我第一次去旅行..就同Fd去....感覺真係幾好...

去台灣~~~

唔知果度有冇星星呢@@...

我又想睇下雪wo....@@真係想兩樣都有得睇呀..

um...我地重講左好多野食既店....又話食自助餐...又話食日本茶...

其實我同佢地出黎真係幾舒服...

雖然...唔夠依家班友咁癲....咁喪..

不過同佢地呢....真係冇咩隔膜....

我地真係有咩咪講咩lo...唔洗好似係學校咁..

咩都就住就住...好煩....又有好多野唔講得,,

同佢地講野....因為大家都唔知果個人係邊個黎...咩都照直講lo..幾舒服呀~

我地游完水就去左大快活打邊爐...

之後佢地又話星期三去其中一個人既屋企再打邊爐@@

隔一日打一次...隔一日打一次...好熱氣wo@@..

打完邊爐之後咪返屋企lo..

返到屋企見到阿ba阿ma返曬黎,,,不過真係唔知依家發展成點,,

唉..一諗住依到..就覺得好煩..

唉...唔打na..

今日已經星期日na...

聽日又要返學........唔多想返..

今日我訓到4點先起身呀....重要係比阿媽叫醒先肯醒...

如果佢唔叫我既話...我諗我可以訓到六點- -

起左身之後呢.....咪陪藍同柱打左一陣機lo...

不過一打就打到七點- -

聽日就到藍生日na....我發現最近真係多人生日,,,,琴日有狗...今日有wong kit...聽日有藍..

唔知後日會有邊個呢@@

講埋今日先....之後我打埋我個Fd話落去食飯啦...

我打左兩次比佢都唔通...之後攞部手機出黎諗住打佢手提..

依個時候佢打我手提...

原來我地同一時間打比對方..@@都係兩次...之後諗住打去人地個手提到...

真係好岩呀....時間冇差冇減....依D電視機先會出現既情節竟然出現係我身上@@

我同佢同另一個FD...話遲D聖誕節去台灣旅行wo...

其實我真係好想去呀....

其一我未去過果到...

其二我想搭飛機@@

我同佢食完野之後呢..就返返屋企準備開始(想)做功課@@

但係D電視節目太吸引na....我做到依家先做完- -

明明可以兩個鍾做曬..點知比D電視節目搞到咁耐呢...

呀!今日鄧返左黎na...

前幾日佢去左唔知邊度參加唔知邊個既婚禮...

中秋節冇得同朋友過....

雖然中秋節真係冇咩特別...

剩係一個比人多一個籍口出黎玩既節日...

不過琴日都玩得幾開心呀...

好!今日冇咩特別na....打完~

今日係中秋節呀...原本就冇諗過出去玩既....

剩係今日係星期六...諗住去跳舞姐...

點知係朝頭早....阿聰話唔得閒- -九成係去溝女na...唔得閒...

陳宇翔佢話佢撞親個頭...所以失憶wo- -我真係唔知信佢好定唔信佢好- -

由於得太人...所以決定唔去跳..

之後阿燦打電話黎....話去一齊游水wo@@

咁我見冇野做..咪一齊去lo@@

去到個游泳池冇咩人...真係好玩...

去到玩下倒立....玩下跳水....比下賽咁,,,,

好快就到五點na@@

之後佢地話黎我屋企打邊爐wo...

咁我咪打電話比阿ba阿ma叫佢地遲Dlo@@...

因為佢地係到既話....感覺好怪嫁ma..

之後呢....我地係食完吉野家....之後再去買材料果D野...

阿狗帶bo....柱帶爐....我借出屋企..

好!有齊曬所有野na@@

不過可惜我屋企係冇[冇飯]家庭呢.....冇咩碗筷子果D野,,,,

不過都係唔理咁多- -照打@@

之後呢...佢地一個一個咁上黎...

其實我原本諗住得8-9個上黎...點知上到黎有成11個- -

我屋企好迫呀@@

我屋企D老鼠都嚇親佢地....

我地係咁玩啤牌....玩到9點半先肯開始整野食@@

之後咪開始打邊爐lo@@

過程都幾開心嫁..

今日冇叫過女仔呀..因為有左咁多經驗.....

次次叫親佢地出黎都咁鬼辛苦.....就算叫到出黎...

都係男同男...女同女....既然係咁....倒不如各有向各玩na....

咁我地呢...就打到12點左右...之後咪夾手夾腳汁野lo..

之後就同佢地落左去玩...

落到去...一開始跟本就唔知做咩好....好無聊~~~

之後就一直行....行到去秀坪個競技場.....

咁我地咪跳下舞..玩下啤牌咁lo..

但係唔知點解...時間過得好快...

咁就兩點....

之後呢......我地去左隔離個公園到坐下咁lo..

玩左果個不斷轉既野- -

玩完之後就好後悔- -....

我勁頭暈...下次一定要搵人提我唔好玩先得...

之後呢...我同阿燦訓左係sir滑梯到..

我地係到傾下計咁lo...

傾下一D以前既事...

呀....果個位好舒服呀.....比張被我...我真係可以訓係到..

我次終都係好憎香港冇星星....我好想睇星呀....

之後呢...我地坐到3點先走...

之後各自各返屋企lu...

我返到屋企都已經三點幾....不過重係好暈....

好!又打完na!!

琴日冇打到...因為去左唱k....

所以今日一次打過打返...

由星期三開始na...

果日係便服日....D人係咁諗著咩3...不過其講真其實冇咩所謂....

所以呢...我是但求求其其攞件3就出門口..

因為我訓過龍...

落到去就同狗一齊搭車返學校..

返到學校見好多人已經返曬黎..

之後我同聰就係到傾D人著咩3@@

上到課室就無無聊聊咁等時間過..

今日D堂其實都幾無聊嫁....所以冇咩好值得一提..

剩係上堂訓下教咁lo..

um....我lunch去左e班...都係為左睇下D人會著成點..

雞姐今日著得好普通呀...好失望tim@@

之後就諗唔到有咩值得一提na....因為實左在太悶..

放左學呢....我同狗,宏,柱.pele一齊搭的士去左寶達@@

之後宏因為病病地所以返屋企去....

我地4個就去m記食野..

食完野我地係咁傾計....傾下e班既人....e班既野...a班既人...a班既野...

傾得幾開心嫁@@

傾到六點幾...

之後枉同pele就上左我屋企..

佢地一上到黎就係咁參觀我屋企@@

因為真係好多米奇老鼠....

個個上親黎都係咁講....依層我都明既...

跟住呢....柱坐左一陣就走左lu..

pele繼續留係到....我同佢傾左好多心事呀..

好多野都係其他人唔知既...

傾到九點幾到na..

之後我就同佢一齊搭車去左apm美食廣場到食野...

食完野就見到vicny...@@

原來佢地音樂學會岩岩食完野....

之後我咪繼續同pele搭車去淘大到....

因為約左11點係德福果間apm到等....

點知pele帶錯路- -

搞到我同佢遲到....

去到就見到藍大為,洪嘉恩,許啟軒同埋阿達..

之後我地6個咪去左mega box間卡拉ok到唱...

點知上到去發現要成一百七幾蚊@@

咁我地咪話返去觀塘果個Neway到唱lo..

但係要宵夜時刻要成1點先開始...

咁我地見有時間咪去海皇到食下野lo..

去到果到...我發現pele同軒好夾- -

佢地兩個全程係咁笑....但係明明佢地兩個都唔知笑緊咩嫁wo..

之後成台人就比佢地影響曬@@

過多一陣就有房na...

我地咪去唱lo..

去到呢...我發現藍大為同軒兩個係搶住支咪嫁@@

藍大為正頭未放過支咪tim@@

之後我地咪係咁唱lo..

唱得幾開心既....不過洪真係好西利- -

佢唔用咪重大聲過我地用咪既@@

我地唱到3點左右就切蛋糕na...

因為藍大為10月2號生日...

咁我地咪提早少少幫佢慶祝lo

個蛋糕幾好味嫁.....不過個蛋糕真係好大@@

食完咪繼續唱k lo@@

我地唱到五點九....唱完果一刻...大家好似死曬咁@@訓曬係到...

得返我同pele重有心情炸...

我次終都係一個越夜越精神既人.....

之後我地去左M記到坐...其實可以話係訓...

好似路宿者咁@@

訓到六點幾我同pele就走左lu....返返屋企...

我搭車返屋企已經運運恐恐咁@@

之後咪順手係屋企樓下買埋早餐lo...

返到屋企岩岩好阿媽要出門口返工...

我食埋個早餐就去訓lu..

八點鍾訓到六點鍾先起身@@

不過起身果陣都係覺得好攰...

之後就無野做na....好彩冇咩功課姐....

但係放假果陣就冇功課....平時返學果陣就鬼死咁多功課- -

好!打完~

今日已經星期四na...唔經唔覺差唔多一個星期na..

覺得過得幾快嫁...因為有一日冇返到學@@

講下今日先..

今日呢...就...就...好普通na......

剩係中文堂比人當公仔玩左成堂...

三隻小狗的故事@@

不過又玩得幾開心嫁...

lunch出左一間唔知咩既茶餐廳食雲吞麵...

講真呀....好難食....要將麵煮到咁難食...好難得- -

食完之後咪行天梯再行多5層樓返上黎lo@@

嘩...日日咁行法...真係可以練體力..

通識堂好奇呀..

係我咁多堂以黎...唯一一堂係我想聽書...都唔知發生咩事..

班主任堂呢....就.好似係睇片既..

悶到想訓著...

放左學又留低左係到....因為極之不想歸家..

係學校到咪吹下水....捉下棋lo....時間好易過嫁炸..

不過我發現柱佢一個非常冇口齒既人- -

好賤- -

五點果陣就走左....

原先就話係去食野既....不過我激氣得制...唔鬼食na...

所以今日好早返到屋企.....

其實返到屋企真係冇咩野可以做嫁炸....

我今日冇nana又有心情去練舞...就去左練舞na...

之後就諗唔到有咩做好..

因為冇野做...諗左好多野..

之阱3e講過咩....就算分開左都係朋友...都係3e班之類既野na..

不過諗真...

我地3e幾時團結過嫁...由一開始到散果日...都係有果種隔膜係到..

打破唔到呀..

就算打破到既...都只係男同男...女同女..

講真果句...你地係學校...有時見到e班既異性...有邊個會主動say句hi先...???

就算有呀...都係好少好少...

所以就話...果陣講果一刻.....依先諗過....

劃者更加離譜既就係....諗多D感人既說話叫人上黎cm先...

感覺上....e班一早散左....

大家依家有自己既朋友.....幾時會再約e班既大部份人出黎呀?

我諗.....有排都唔會...可能幾年之後冇啦啦會整個聚舊既...

依個係我其一一個諗到既野..

另一個就係...

我發現唔中意人先好...

講下我身邊果個例子先na...

佢(女)同一個男仔好熟....咩都會講..大家玩得好開心..

但係突然間有一日個男仔同佢表白...

但係個女仔根本就冇諗住同佢拍拖...

個男仔...依家係正頭要避佢咁..

冇計嫁....搞到依家連朋友都做唔成..

所以話....點解要中意人....中意得黎既...只會令自己少左一個朋友...倒不如唔好中意算..

講返我自己...

依家有時見到佢...望到佢...心入面已經冇咩野,,,

雖然依家冇咩野真係一件好事...不過....

我用左一段友誼黎交換....

依個付出好大......對於我黎講...

今日諗出黎都唔係咁好....所以心情都特別差D...唉...