今日Ｄ堂上得好普通...真係好普通..

但係今日既意義就非常重大na...

因為今日就係我地中三最後一日一齊上堂既日子....(不過又有幾多個人係唔洗人提就已經知嫁呢...)

所以今日既意義就特別重大....因為....出年大家就會比人編曬去其他班...有D重去其他地方...其他學校讀書..

總之出年就會少左好多機會再對住依班熟面口na...

講返今日先...

今日係Day D...係所有Day入面最悶既一日...平時我一早去左訓教..

不過今日我真係訓教既就只有係晨教果陣....

因為我唔想係最後一日係訓住教咁過....(同埋我應成左人今日一定要精精神神咁上曬所有堂..)

雖然今日冇訓到...不過今日就好多都呆左係到..

諗返好多野...越諗就越傷感.....不過當然冇喊到出黎na...

不過今日Ck就係lunch冇nana喊左出黎...

好多人都唔知你究竟係為左咩而喊...

我都係今日返到屋企先知道....但係你點可以係全班面前喊出黎嫁...

(之前你話過你自己好眼淺....我之前都唔係咁信...不過到左今日...我真真正正信na..)

係lunch果陣..Miss HO重請左我地成班食雪糕...

連果兩個所謂既班主任咩都冇做過....唉...枉為我地既班主任...去到最後...

連對佢地既感覺都冇變好少少....

之後D堂都好普通....去到最後就係以李sir既中史堂完結....

放左之後就去左操場排隊...排完之後就散左...

我地原本諗住今日去千和度食野....我打電話比個老闆問下裝飾完未..

佢竟然答...答...起碼八月先裝飾完.....

咁我就同柱一齊去左pele屋企玩...諗住等埋佢地試前完左之後去食野..

因為今日話曬都係一個特別既日子...

但係班男仔真係...唉....

都唔知佢地想點...講好去食野都唔去...之後又話少人唔去..

去食野姐...做咩搞到要開party咁呀..

之後就冇食到...咁我同柱係pele屋企玩到六點幾先走...

返到屋企都已經差唔多八點....

咁我食左D野就出左去廳到...自己一個坐係sofa到諗野...諗諗下就訓著左...

係其間諗起好多野呀....由中一到中三都有...

其實係我既記憶入面...中一同中二既記憶真係好模糊......

因為...係中一,中二果陣...每個人同每個人都好似有一塊隔膜係到咁...

唔單止係男同女....男同男...女同女都有...

所以係中一,中二果陣大家真係好少一齊出黎玩...連一齊食野都好少...

咁點解我重有記憶係關於我既中一中二呢...

究竟係因為我自己既成績....

哈....估唔到我既中一中二竟然係剩係得成績...

其實熟我既人應該都知道...我中一中二既成績真係差到爆...

我中一四次考試好似有兩次都係攞全班第尾....

跟住重要係全班面前比老師面前話我係全班第尾...

果種姿味...真係好難受....

所以我之後收十心情...認真讀書...

之後全年既成績係全班尾五.....

尾四果四位就要去其他班....我...我自己都覺得自己好好彩...

但係就係因為咁....中二成個人又懶返...

我既平均分竟然可以唔合格...竟然得四十幾...就算好D....頂多都係六十分到...

可想而知...我中二係幾懶嫁na...不過之後我真係醒左..

點解會醒左.?因為我突然間諗到一樣野...

因為今年考得唔好....出年就要調去其他班...

出年就係初中既最後一年....所以我真係好努力咁讀書....

終於都追到你地....

依D就係我中一中二重記得既記憶...

諗完中一中二...就諗左好多中三既事..

講起中三...就會諗起好多野...因為中三真係過得好開心呀....

我地成班一齊去唱k,BBQ,搞生日party.....好多好多既活動....

雖然唔係次次都齊人...但係..但係..

人與人之間果種隔膜已經漸漸冇左....我發覺依種隔膜係要經過時間同考驗先可以將佢打破...

由打破果一刻開始...大家都玩得好埋...不論係男同女都係...

每個星期都會同成班Fd出街...每次都會玩得好開心...

依種感覺真係好好...我真係好希望依種感覺可以存在得耐D...

但係出年就要比人分開曬.....剩低既機會已經唔多..

比人拆散曬之後就好難好似依家咁...

今日係學校睇住每一個人笑既時候...當佢地係由心入面真心咁笑出黎既時候...我真係覺得...

我地咁多個有緣係依個"E"班相聚.....突然覺得自己好幸福...因為自己能夠入到"E"班...

我地一齊笑過...一齊玩過...一齊傷心過...

留低左好多好多美好既回憶......

雖然有形既物體去到最後都會消失...不過我相信依D回憶會留係每一個人心入面...永遠都唔會消失...

所以我想珍惜埋剩低既日子....

製造更多更多既回憶...唔令自己後悔...

我希望我同我所有既好朋友...友誼永固...

因為我地係同我依家Blog首歌一樣......

Forever Friends

今日其實原本過得好普通...

但係今日上上下堂先聽到...原來豬流感爆發.....

全港幼稚園同小學停課.....

一諗到停課就橙....因為我依家唔想停課呀...

停課既話....又唔會出去既....暑假又要補返....唉...希望今次唔洗停課na....

今日D堂都好悶呀....所以都冇咩心機上...反而係到溫書...

不過我發現越諗越多野唔明...

剩係中史炸..就多到嘔na....我都唔知點溫好...煩到就黎死咁濟....

今日放學果陣留左係到...但係我唔洗試前既人...

我原本真係諗住溫書既....不過....當阿菠蘿坐左係我隔離之後...就全程同佢傾計..

全程係到傾某一個人既野....傾下點解佢最近好似冇咩朋友咁....

總之就係傾關於佢既所有野na....

之後五點鍾就走人lu...(咩都冇溫過...唉...我終於明白坐係菠蘿隔離既痛苦na....)

返到屋企...食左陣野...又去左訓教..(訓晏教已經成為左我既習慣na...)

起身之後就去左做歷史protect....做左成兩個鍾...

聽日就係最後一日同成班3E一齊上堂既日子na..

感覺...好奇怪.....有一種離別既感覺....

好唔捨得呀.....一諗到出年就要比人分開曬.....就會唔知點解好想喊..

哈哈.....回想起同你地三年黎日子...有開心既時候...有唔開心既時候...有爭吵既時候...

我地都經歷左好多考驗...依家...我地既友情已經變得好堅固...

大家係小息lunch放期都會一齊玩一齊出街一齊傾計....

大家心目中既果種隔膜已經漸漸無左..

我真係好想可以咁樣繼續落去.....

但係..我知依件係冇可能既事...

大家開開心心既時候已經得返好小....

所以我希望用把握剩低既時間...

製造更多美好既回憶..

我會將依D回憶...全部收埋係我個心既深處..永遠都唔會忘記..

今日返到學校又訓教....一次過訓足一個鍾頭..

之後就開始上堂...

頭兩堂就係電腦堂...所以過得好開心...係到整下相就過左na

不過我D相就比半班人睇曬...連貓王果D都唔例外.....oh..

之後數學堂成堂係到改卷..

我攞左份標準答案....盲係劉C雅果份...接近全部岩曬....但係偏偏錯左最簡單果題...扣左一分..

之後D堂過得好普通好普通...

不過lunch呢就...唉..

因為一D野激嬲左柱....真係對唔住呀...真係冇心嫁..

同埋比阿狗連續鍾左七下....隻手於曬..不過係我錯先既..

今個lunch硬係覺得好漫長..

之後Art堂考試.....我將好多人既意見左溝右溝....

之後就搞電na...雖然係晝得麻麻嫁na..

之後班主任堂係到討論埋D唔知咩野..

不過我又完全冇興趣...所以....去左訓教..

放學之後又去左搵Miss kong補課..唉...悶到嘔..

係到做listening...超眼訓...我聽都冇聽過..

隔離阿kaya又係咁...一齊訓....(所以我覺得我唔可以同佢一齊坐...如果唔係...就一齊係到訓嫁na..)

播完na..就鬼死咁精神....救命...明玩野....

之後就返返課室.....唔夠一分鍾就打鍾...就準備走人..

臨走人之前我就同胡sir傾左陣..

傾究竟出年點樣分班...佢又話會分返文班,理班....

次終都係要睇簡左咩科..

一咁講...就會搞到唔知點好...因為我簡左會計同電腦

會計係理呀...咁電腦係咩?係文...定係理....

我好似夾左係兩個中間.....如果真係按文理分班既話...

咁我出年真係可能唔會同班嫁na....呀...好煩呀..

超唔想比人折散曬..話曬望住依班熟面口成三年.....

按成績分既話...又會比人折散曬....越諗越悲哀...

之後就走na...

狗佢地果D去左pele屋企做project...不過我就冇興趣做...

所以同聰佢地返屋企..

返到屋企食左D野..悶得仔...所以呢...去左訓晏教...

訓醒之後就傾左陣電話...

總括黎講呢...今日都係好悶下...

同埋我發現最近勁多我唔識既人黎我個Blog到.....

究竟你地點入黎嫁..

今日又打左兩篇...因為睇返D野...所以..突然有感而發...

另一篇有pw...不過其他有冇pw都冇所謂na....

因為我個Blog都冇人黎既

所以我整唔整都冇咩所謂........同埋我個Blog本身正頭冇諗過會比人知...

係成日唔記得登出先會比人發現既...

講返今日先..

今日..又係病病地咁....應該唔係唔夠訓嫁..

點解今日又暈暈地嫁...好彩今日落雨唔洗排隊...

今日返到學校已經訓左兩個鍾頭...由七點九訓到九點半...

之後D堂好普通咁上...

今日PE堂係今年最後既一堂...但係今堂偏偏係最無聊既一堂....

反而D女仔就玩得鬼知開心.....我望兩望之後就比阿sir拉左出去...

之後都冇咩特別na...係係數學堂比阿sir叫我放學搵佢炸ma..

佢話係我D字太樣衰所以要係放學搵佢......(樣衰都有罪,,,)

放左學之後就出左去搵佢..佢只係同我講左兩句..

之後就走得...

今日有好多人要留係到....有D人落左係課室溫書...有D去art room晝晝..

我兩樣都唔想....

所以陪cherry去左電腦室到做history...我去到係幫佢打下字....傾下計咁..

其間佢知道左一D野..所以全程都開心....

之後就見到好多Miss tang果group既人黎...

原來全部都係做tsa.....不停咁影印出黎...

之後五點就走左...返返班房

之後就同阿聰去左art room搵佢地...

佢地重有排晝...咁我咪係到玩下咁lo

其間我重晝左一幅唔錯既晝......簡單而有意義

聽日art堂拎返出黎先

之後去到六點鍾就散lo....

之後返到屋企就食左D野就去左訓教...

訓左陣就起身..之後就開始呆下呆下..

今日老豆又要開始開夜na

所以我唔洗再咁早息機lo...yeah..