有一個統計顯示

8成人搭升降機

一行入部升降機

就會轉一轉身

等門關上

然後雙眼盯住那個顯示住上升或下降樓層既小螢幕

一直等到走出升降機既一刻

都冇留意過究竟邊個同你搭埋同一部升降機

我諗返過往既經歷

發現自己原來係例外既2成人

你又係邊一類人呢?

今日係百忙之間抽左2個鐘既空出席左一個教會聚會

其實都唔係好willing去

不過佢地咁有誠意

就去左啦

盧兆佳你遲左足足一個鐘

咁都做得出都有既

坦白講教會都係一個比人放鬆下既地方

大家傾下計同唱下歌

都唔錯既

遲到成個鐘o個個

下次唔好再話我去你就去啦

你又會後悔ga

打扙由古到今都比人覺得係一生錯事

所以所有發動戰爭既國國都為自己找一個好好既理由

有d好似好有道德

但係有d就諗黎諗去都只係一d歪理

好似日本以"建立大東亞共榮圈"

同埋"為亞洲各國脫離帝國主義統治"

等等既理由

一睇就知有問題啦

仲有美國係伊拉克所謂既反恐義戰

都係同一個leavel既籍口

其實又使乜諗咁多呀

我一諗就諗到一個衝出世界+背向宇宙既開戰理由啦

一切既戰爭都係為地球各國日後對抗外星無可預測既外侮作實彈演練

人類係一次又一次既戰事中可以得到經驗

以及器械上既進步同改良

冇競爭邊有進步?

冇呢d實彈演練又點有得改良呢?

冇戰爭又點會有實力對抗外星外侮呢?

係唔係好有道理呢

有冇少少恍然大悟既感覺呢

其實我只係係道拋磚引玉

當你諗到其他開戰理由

不妨拎起枝筆

做下UE2003年Past Paper第一題

"How fighting a war is right?"

到時睇下邊個寫左d歪出黎

讀左成年才記

一間基督教學校

有好幾個人先後勸我信教

不過我最終都冇比佢感化到

其實我由小六已經開始接觸基督教

我係自己睇書識返黎既

所以我知道好多

認識好多

明白做咩要信

唔信又會有d咩懲罰

不過我依然都冇信到

宗教的真真假假

冇人會知(god know it)

所以要我確信聖經既野係真既

係呢一刻係冇乜可能既

其實宗教又唔需要俱泥於真假

你信  佢就真

唔信  佢就係假

信既人或者只係戎個心安理得(唔知呢句岩唔岩呢)

係呢一刻我已經可以做到心安理得

唔需要神既幫助

可以日後當我受過挫折之後

會有所改變

感者我會接受神

但係係呢一刻依然緣份未到

>>>想救我既人可以繼續試下感化我既@@

連續兩日係英皇補習都凍到死

其實今日都算係咁啦

只係凍一堂

琴日凍足兩堂

打哂冷鎮

真係要好好諗下帶件外套去補習

以備不時之需

...唔知我今朝咁做算唔算係放人飛機呢...

今晚竟然比我見到文小小online wo

好似撞鬼咁