Yamkam
*從今天起，請你們移玉步*
琴晚訓左落床之後，聽左一個好文學既電台節目，
入面有個故事我覺得好有啓發性，
係呢道同大家分享下：
從前有個農夫，鬼死咁勤力，
由朝做到晚，日日都唔休息，
為生活奔波勞碌，直到老年。
上帝見佢咁可憐，決定幫下個農夫，
於是同個農夫講：
"由而家開始你可以一直行，
當你行完一個圈之後返到起點，
個圈入面既土地將會屬於你..."
個農夫好開心，連水都冇帶，
就一直向前行，
行左半個鐘，佢回頭望一望，
"呢道咁多土地，種出黎既糧食夠我食一世啦!"
但係個農夫又想自己既子女都衣食憂，
於是又為佢地行左2個鐘。
"咁大片土地，都夠佢地用啦..."
不過係呢個時候，個農夫又諗起自己既兄弟姊妹，
於是又為佢地行2個鐘。
農夫自顧一直行，完全冇諗過自己已經年老，
越行就越唔舒服，最終不支倒地，
就咁死左...連返到起點既機會都冇...
當然農夫最後都冇得過任何土地啦!!!
個故事並唔係想帶出農夫貪心，
而係要我地反思自己既一生究竟做過d咩
人生苦短，人既一生最可悲既係
生存左一世，到死既一日，回想一生，
都諗唔到自己做過d咩有意義既事，
反而仲有好多想做既事未做tim!!
今日係咩日子呢? 係校內試之後輕鬆既一日? 係世界盃王瑞士對荷蘭既日子? 定係你同某某約會既一日呢? 今日，高考放榜 二萬幾個AL考生等待住一個影響一生既成績表 呢個係一個係一個畢生難忘既日子。
明年既今日，我將會成為佢地其中一個 今日仲有心情去唱k同打機 唔知明年今日我既心情會係點呢
考中史，遇到騎呢出題，不過大有斬獲
有冇攪錯呀miss梁，次次中央政制都有清朝ga
好彩我睇穿左你d出題，今次有溫清朝姐
唔係又坐左係道啦!!!
學術思想仲好笑，今次空槍上陣
諗住考天才，點知竟然出左儒墨比較
同上一次一模一樣，有冇攪錯呀，大贈送咩???
好彩之前仲背到好熟，琴晚仲睇左一次
最終全部比我嘔哂落去，太好啦
而治亂就麻麻地啦
不過不失咁啦
計計埋埋100分裡面，我都應該有50分wo
係唔係好羨慕呢???
今日個英文listening真係難到冇人有，
不過都慣哂啦，做咁多次校內listening
冇一次做得好，次次都係得少少分
竟然可以聽左成part都只係寫左幾隻字
點解我d英文可以咁差ga
食飯果陣仲要比人串tim
"你英文中學出黎ga wo，點解d英文可能咁ga!!!"
"你睇下人地呀，同你同一間中學，佢d英文可以咁勁，而你..."
我而家d英文就好似垃圾咁，
不過，假以時日，實會好過你既然!!!
睇住黎啦!!!
聽日既中史，完全冇任何貼士
真係唔想再害人
不過贈大家一句...
"千盼唔好貼題"
"你話啦，有邊次貼題有中過ga！！！"
仲有呀，上兩次都出軍機處，你估下今次出唔出呀啦???
哪............你自己估ga ja 錯左唔關我事@@"
PS. 琴日兩篇野並唔算係有感而發，只係文學作文題目，
作完咪同大家分享o羅
