副題: 為左睇鹿你可以去到幾盡?

Day 3 去左丹麥既野生鹿園, Jaegersborg Dyrehave,

係市中心搭左大約半個鐘到....左就奇,

前一晚係google map度搵到既路線都係差唔多,

落左車要行好遠先到, 我地落左車...... 無人!!! 係公路隔離!!

即刻淆底 LOL

但都落左車啦, 就繼續行, 行左一陣見到有supermarket, 

即刻沖入去問人, 個人話 (類似啦): keep going, see a roundacross, then keep turnign left, when u see the gate, u are there

................ 結果我地都係無聽佢講, 跟住指示牌行, 

但個D指示牌係比車睇嫁!! 好多人渣車或者踏單車去, 根本無人好似我地咁行路去 LOL

個邊係拍戲入面既小鎮, 全部係一間間既獨立屋, 前面有小花園同車房,

行左好耐先見到個gate, 但望入去O左, 一望無際既大草原!

見唔到盡頭!!!!!! 真係唔知入唔入去好, 因為我地都唔確定係咪真係到左deer park, 

又見唔到有盡頭, 同我地一向認知既郊野公園好唔同, (郊野公園應該有好多樹呀, 係山路呀, 有耛凳咁 XP)

但.... 請睇相! 真係以為自己去左非洲 LOL

原來我地行入去個邊係golf club, 去到條石屎路既盡頭有座building, 

到而家都唔知係咩, 但睇圖 (只得danish) 應該係皇家狩獵場, 

行緊石屎路個陣見到好好好好遠有D野郁緊, 好似係動物, 但距離遠到我地分辨唔到係咪鹿 LOL

去到個building個邊就見有人坐係倒下既樹幹度休息, 

我地都坐底左食下野休息下, 因為我地行左差唔多成個鐘 LOL

個邊既風景都唔錯, 超大個草原, 但地下好多 地雷, 但一隻鹿都見唔到 T__T

都唔知D鹿係邊, 又唔知係咪到左deer park, 又唔知個park有幾大, 我地休息夠啦, 就準備走啦, 

點知係走個陣!!!!!!! 我地終於見到鹿啦!!! 仲要係好近! 

有一群鹿係樹蔭下休息, 初初見我地行近全部企曬起身... :PP

之後見我地無再行近就坐返底休息, 佢地真係野生嫁,

因為佢地唔知奈良個D鹿會自動行埋你度, 反而係好高驚覺性,

睇得出當地人真係好尊重同保護佢地, 令佢地維持返自然既生活, 

連私家車都唔可以渣入黎, 只可以搭單車~

終於完成左我地既心願, 總算無白行 >V<

上到車好鬼攰, 如果唔係要睇清楚邊個站落車, 我一定訓得著 LOL

去完deer park就順便去central station買去odense既火車飛, 好貴, 267 kr T__T

之後返hostel休息下, 食完dinner無咁攰啦, 又係citypass最後一日valid, 

決定去town hall! town hall都幾大, 但我唔知佢有咩特別, 係無導遊既情況下, 

行左陣就走左, 見到隔離條街好似幾多野睇咁, 就去行下啦,

果然! 有幾間紀念品店, 又買左幾張postcard同t-shirt做手信 :PP

但普通既店舖好早閂門, 大約4,5點就閂, 所以無咩好睇, 

打算返去個陣就出事啦! 我地搭錯車, 應該係搭對頭車既, 

係車度覺得唔對路, 問個司機去唔去某個metro, 點知司機聽唔到英文, 

好彩有乘客聽得明, 同我地講搭錯左, 不過可以照留底, 等去到總站再返去我地個站,

就係咁, 原本預計10點返到hostel變左12點先返到, 

不過都因為咁而睇到哥本哈根真正既夜景,

個天真係10點先開始 "日落", 但到11點左右就黑曬啦, 

真係黑得快, 但其實4點幾就會天光 LOL

anyway, 係個有趣既體驗 :DD