同大家相處咁耐好多野都仲好記得

 

同你地每個人第一次點樣識我都仲好記得

 

頭1,2日返工識左豪b果班

之後呀田介紹識左maymay沙魚綠茶浩仔雞鴻呀逸成班

沙角垃圾公識呀霆條條果d

乙明村識魏b肥賢

沙角第一次見到子進

呀梓帶呀財上中心

源禾路個波打到小千

乙明公園識大隻佬尿兜ng佢地 跟住就帶埋識一大班人 之後又夾band

乙明第一次見呀橋puchi祥仔星仔 呀橋果d搵左夜校又唔讀

完左源禾路羅景果d係沙角hea就識左 跟住又識曬成班johnny

winwin 呀yo第一次見係乙明飲緊酒

太多啦 都講唔曬

點樣走落去on居居咁撩大家講野

每個片段都係呢一刻浮現

每一個活動都好記得

第一次行山 行上鳳凰山真係好辛苦 大家都頂得順真係好野

之後開始夾band 雖然我唔識音樂 但係見到大家對目標果種努力係真係我最享受的時光 “what I’ve done” “14天” “21guns” “perfect” “American idiot” “發現號” “森林” 每首歌唱到我調返轉頭都識唱

難得搵到自己一個實踐的目標 唔好放棄 音樂如是 人生如是

搞年宵 大家真係好好野 返左成日工夜媽媽都仲可以走黎開會 雖然都唔係幾諗到野架啦 但果種堅持真係唔係講笑 搞撈魚又真係唔係講笑 做到隻狗咁 最後個成績唔錯 開托自己的視野 為自己作一d新的嘗試 下次再做的時候一定會比今次好

狂打war game 打左幾次 雖然d人射極都唔死 但係都係好玩

去露營 落雨真係好辛苦 一路係咁劈柴我都係第一次 不過果次大家好合作 好事 好有成功感 要保持住呀 唔好怕辛苦 努力

呢一年我睇到好多野 好豐富 相信大家都係 今日我要走 我相信大家都好明白

人有悲歡離合 月有陰晴圓缺 此事古難全 (《水調歌頭》蘇軾)

人一生入面有好多個過客 有d人同行得比較耐 有d人同行得比較短

同行的路長長短短並唔係重點 重點係呢d人係你人生呢段路入面有咩意義

如果你係我身上學到一d野 無論係 目標 理想 堅持 三思後行 了解自己 面對過錯

咁呢個都已經係你地所擁有的野 亦都係我係你地生命中出現的一個意義

淡淡交會過 各不留下印 但是經歷過 最溫柔共震(《落花流水》陳奕信)

面對未來的路可能有好多未知 可能你地有d跟本冇去諗

又或者就算有去諗都覺得好唔知點算

我鼓勵大家去嘗試 我覺得你地每個人都好叻 只係未有機會發揮 繼續去搵比自己發揮的機會

你一定　(有用)　縱使徽章空空 沒有人　(認同)　而你都要相信
靠生命　(發動)　最先鋒的先鋒 人間照亮　摩天都市中
你不用　(哄動)　也不必登高峰 未夠人　(大紅)　由你當你觀眾
你獎狀  (欠奉)　有非一般心胸 無需要被讚頌 (《人人英雄》環球保衛隊)

人人英雄 人人都係英雄

唔好比人睇死 你有你的價值 唔好放棄

多謝大家 再見了 各位