我真係做錯了....
之前係咁,而家又係咁..
我真係太多事了...

我真係有問過自己~
其實我咁做係為左咩~
要有人報答我咩~??唔係~
想有人記得我~??唔係~
起初我會覺得係想身邊既人開心
但係漸漸....我已經唔知係為左咩喇~

有人話我變左,我認~
因為我自己都覺得,變到一個連自己都好憎既自己~
或者變回本來既自己係一件好事~
變到冇感覺既人就最好~

今日又係好平靜咁過去左~
其實係頹廢既修飾~

今日發左兩個夢~
兩個都係成為失敗者~

媽咪佢地岩岩返左~
見到佢地就有一種重逢既感覺~
呢幾日佢地出左去~
屋企真係好靜,好掛住佢地~
原來佢地平時又嘈又麻煩咁都係一件好事,因為起碼知熱鬧係點~

我知我比起其他人係蠢,唔識諗野~
對住一d人地認為既野岩既野,我會好無理既作出無稽既反駁~
真係一個又蠢又傻既大傻瓜~

今日遲左出門口~
返到學校見到安安~
佢話打電話俾我,點知又係我妹聽電話~
哈哈~~第二個喇~

放學同主席又坐油塘mtr傾偈~
今次講左兩個鐘到喇~
送左佢去出閘到就走左~
去到杏花村,出唔到閘,好樣衰~
事關我後面勁多人,而且我去到客戶服務既時候~
果個staff用左d不屑既眼光望我~
仲樣衰到爆~
返到屋企就即刻訓覺~

我都有點兒surprise主席會同我講d咁既野~
仲有一樣野都幾開心既~
我覺得自己冇做錯,我只係將個事實講出黎~
我都預左有人會講野架~
嘿~低b既人~

大少仲有兩日就返~

今日係婆婆生日~
起身冇耐就去aberdeen join返亞姨佢地~
去到茶樓佢地已經食飽飽,我就唔理得咁多~
點左我三樣最愛既點心食就算,因為要等好耐呀~><~
食飽飽同細姨行左一陣aberdeen~
細姨都叫我轉轉look喎~
諗諗下都應該係時候耍轉喇~
之後又去左大街食我喜愛既生菜魚肉~
食飽飽就返左亞姨屋企坐左一陣就去食飯~

點解每一年食飯都要係咁~
婆婆都只係想大家食得好少少~
咁都有錯嗎~?其實佢都好辛苦架~唉~~
今年既叫做不過不失喇~
個老闆好好人~
食飽飽就行返去西邨落車返屋企~
返到屋企大王就打俾我~
時間真係岩岩好~

今日係我同大王一齊三個月既日子~
但係佢都今日就飛左去馬來西亞比賽lu~
雖然同佢分隔兩地,但係都冇唔開心~
希望佢有好消息返黎喇~
其實我今晚成晚都等佢電話,因為佢應承過我會打俾我~
佢應承過我既都會做到既~
我好信得過佢~
我真係覺得好唔好意思架~
打長途返黎好貴架~

仲有五日佢就返喇~^^~

今日既天氣真係差極呀~~
但係心情唔知點解出奇地好~
返tourism~
話就話上堂,其實都係自己傾偈多~
話咁快就上完兩個鐘~
同大王,安安一齊搭mtr去mk~
mtr度大王俾左好多suggestion我地個psy project~
聽左佢講之後,我同安安都覺得對個project有返d頭緒~
送左大王去搭車~
我就自己一個人行左一陣~
搭車拎左econ出黎溫~
返到屋企食完野又溫左一陣~
睇就好似明,但係其實都唔係好清楚d野~唉~
聽日就quiz喇,都唔知點算~

尋晚聽左一個好唔開心既消息~
我起初仲以為是一個玩笑....
但原來唔係,係事實...
我真係好唔開心,忍唔住喊左出黎~~

今日又係第一個最早返到學校~
比起平時我一定會覺得點解咁耐都仲未有人返...
但係今日我情願一個人多d時間...

上堂都係咁~
business 派返上次present既result~
我地都以為會係最差既,點知喜出望外地係最高分...
之後就分組做下一次既assignment~
放學陪左安安and小琼既talk~
九點返到小西灣,去左join媽咪食飯~

成日都覺得自己係唔開心~
好希望尋晚既都唔係真,但係我知冇可能~
表面上有講有笑咁,事實上又真的如此嗎~?
我知我真係幫唔到你什麼~
你可以話我多事,我死纏爛打,唔要面也好~~
我都唔介意,只要你冇事就可以~~
我真係好希望有事既係我.....
我聽到你咁講,我真係好唔開心架,好似想放棄咁....
我係唔會放棄架.....我都希望你都唔好放棄~
我唔知呢種叫咩感覺....點解會咁
我只係知道你對我好重要,我只係唔想失去你...
你想點既都可以...但我希望你唔好咁絕望~
我知咁講你可能會笑我傻,白痴,天真既想法.....
但我真係相信呢個世界係有希望and奇蹟架....
只要你唔放棄,所有野都有可能...

呢個星期都算係精彩~
我真係估唔到一個人可以令到咁多人不喜歡~
其實好多野都係在於自己所做既,結果如此真的是與人無尤~
或者人家覺得咁係佢既興趣,就尤她罷~

事情上冇人需要自責or覺得自己做得唔好~
要自責,覺得自己做錯既都應該係生事者~
我真係唔明白點解有人可以自私到咁,自己做錯事不但唔需要負責任,反而將責任加於身邊既人身上~
我未試過咁嬲and未試過一個人可以令到我憎到要用個賤字黎形容佢~
今次事件上最無辜既係主席and安安~~
佢地兩個咁好,點解佢都要咁對佢地,要俾面色佢地睇,要佢地受佢氣~
佢地都冇得罪過佢,有做錯野咩,點解要咁對佢地喎~
咁都不特止,仲要利用佢地,我最憎佢就係呢樣野~

事情上,主席已經盡左佢既努力,佢都估唔到會變成咁~~
其實大家都唔想,事實既到如此局面就只可以而對現實~
人家有心做到咁既,你做更多的都只是徒然~
佢唔會多謝你,反而可能恥笑緊你既無知~
因為佢覺得佢做既戲已經成功,所有人都俾佢呃到~
點解會咁,因為佢已經好叻,一早塑造左一個弱者角色俾佢自己~
其他人見到既只會係佢扮演既,其他人講既做既佢一唔岩聽,佢只要出佢弱者既身份,就認為佢做既就係岩~
局外人會認為佢係一個唔識諗既人,但往往最攻心計既就係呢種人~
呢個人已經唔再可以視佢為朋友,而且佢都唔值得係朋友~
真係衰d講句,呢個人冇當過我坏係朋友,佢只係當我地係佢既棋子~
可以幫佢自導自演劇本中的棋子~
如果佢真係有當過我地係朋友既,佢唔會做咁多傷害人既事~
亦唔會在背後做咁多事,做既都只係為自己,所做既都係存心積累~
知情既人當然知,但係唔知情既就只會一直俾佢利用~
我知咁講係偏左一邊,但我講既都係事實~
好多野都係雙方面架,你只係一個人單方面作出補救,維繫關係,你點努力都係冇用~
佢係有心破壞一切既,既然已努力過,事情都改變唔到,就努力面對喇~

一個要靠編故事過日子既人,我會覺得係可悲~
但係對呢個人黎講,我就覺得更加可悲~
佢要每一日都要用大話黎掩飾之前既大話,真係辛苦哂佢~

我知有人會覺得佢而家變成咁係人為做成既~
我覺得唔係,好多人都試過喇~又唔見其他人係咁~
我覺得係當事人本身既問題,點解唔可以簡單接受就算呢~
如果呢個世界上個個都好似佢咁既,咁仲得了既~~
由此至終根本就唔關人事~
一個唔檢討自己過錯既人,永遠都只會認為係他人錯~
點解佢自己有錯唔自己承擔,反而要身邊人來承擔,道理何在呀~

既然佢咁鍾意製造笑過話人睇,咪尤得佢囉~~
咪等將來一日,佢既大話俾人識穿,冇面既都只係佢自己~
我地唔應該再忍讓佢~佢唔值得~

佢本來攪我一個都算~
但係佢傷害我兩個好重要既朋友就勢係假~

今日成日大致上都好平靜~
但係夜晚就唔好喇~
屋企發生左d事~
攪到成家人都好唔開心~
我真係好憎自己點解會咁冇用,咩都做唔到~
唉

世界上最傻的人
世界上最傻的人，是不在乎他(她)眼裡有沒有自己卻還是願意去為他(她)付出
世界上最傻的人，是去對一段永遠都不能會有結果的人付出自己的真心
世界上最傻的人，是明知道他(她)眼中沒有自己還是死心踏地的愛著
世界上最傻的人，是他(她)可以沒有自己自己卻還是不能沒有他(她)
世界上最傻的人，是愛的苦、愛的痛、愛的累、卻還要堅持去愛他(她)![
世界上最傻的人，是明明他(她)就在妳的咫尺邊卻還是不告白
世界上最傻的人，是心裡不願意還是會誠心祝福他(她)幸福
世界上最傻的人，是讓自己的他(她)投入別人的懷抱裡去
世界上最傻的人，是忍住相思苦不去表現給他(她)知道
世界上最傻的人，是永遠只會看著他(她)和別人快樂
世界上最傻的人，是掩飾自己對他(她)的情感不說
世界上最傻的人，是不在乎自己會傷的有多麼重
世界上最傻的人，是在乎他(她)到底快不快樂
世界上最傻的人，是只會關心著他(她)事情
世界上最傻的人，是不求他(她)回報自己
世界上最傻的人，是只會一廂情願的人
世界上最傻的人，是愛他(她)說不出口

原來自己都不知不覺地做左呢一個最傻既人~
諗既野真係好多,大多都似是不切實際的~
可恨自己沒有能力阻止~

今日同羊仔兩個度過左平安既一日~
做下功課,玩下咁~
下個星期就quiz喇~
d野溫黎溫去都好似入唔到腦咁~
如果fail左又點呢~
而家開始徬徨不久後既考試~
唉~~~~