今日訓到十二點先起身~
訓左十二個鐘精神係好d既~
成朝都出奇地靜,成朝都聽唔到爸爸把聲~
原來佢唔舒服呀~

上網睇到一d好有趣既野~
點解人可以怪其他人講佢壞話,但係呢個人從來冇諗過自己都做過~
點解唔可以將心比己呢~唉~
咁同一個係人都知係偷野既賊話自己唔係賊冇偷野有何分別呢~
我睇完都有諗叔自己做過既野~
諗諗下自己都係呢個賊~嘿~
會諗方法令到自己盡量唔再犯~

要令到愛情變得簡單，最好o既方法，就是精選適合的對象。
一個真正值得你去愛、也懂愛你的人，自然會讓愛情變得簡單。
簡單，也是檢驗愛情品質的一個很客觀的標準
要讓愛情簡單，最好的方法，就是精選適合的對象。
一個真正值得你去愛、也懂得愛你的人，自然會讓愛情變得簡單。
你不再需要猜測他的心意、也不用擔心他的行蹤。
不必害怕也許會在無意之間激怒他、不會懷疑他做任何事情的動機。
你們之間，有一點牽掛、卻不會到糾纏的程度。
你們之間，有一點想念、卻不會到傷心的地步。
你們之間，有一點依靠，卻不會到賴著對方到「你不照我的意思，我就死給你看！」的難堪。
簡單的愛情，像品質的一個很客觀的標準。
凡是會讓你覺得複雜或艱難的感情，不管他是誰、條件有多好，都不適合和你天長地久耗下去。
你不想、也不該這麼累。對不對？
人生偶爾會走上一條陌路 像是沒有指標的地圖
別讓他們說你該知足 只有你知道什麼是你的幸福

呢個係我網上睇到既一篇文章~~
覺得講既真係都幾有道理~
其實好多野都可以係好簡單,只係我地不知不覺間將所有野變得複雜化~
同大王已經兩個多月喇~
我地都覺得好似過左好耐咁~
時間係呢個世界上真係一樣好令人可愛可恨既野~

今日放學同主席傾左好耐~
對佢真係有一種好放心既感覺~
我好喜歡同佢傾偈既時間and佢俾我既感覺~
佢真係好好,好可愛~
我對佢存有感謝,抱歉~
我咁難頂佢都可以容忍到我~

今日天氣都係好凍~~
唔係咁想出街~
一早起身就整左d chicken wing~
整完就o係床度hea到下晝~
要送部腦睇醫生~~
唉~~一心諗住要聽日先可以拎返~~
點知三個鐘就可以出院~~
yeah~真係好開心~~

我又訓左大王先打電話黎~~
我朦朦朧朧講左兩句就俾左mandy同佢講~~
我又唔知點解訓訓下又整親自己喇~
今次整親隻手指,好鬼痛,隻手指好似俾人拗左一下咁(呢次真係手指拗出唔拗入喇~)

尋晚都冇咩點訓~
唉~~真係好眼訓呀~
係第二個返到去~
好彩第一個返到去既係安安咋~
如果唔係都唔知點好,我怕有生命危險~
今堂intensive係最開心架~~
因為可以自由分組~哈哈~~
同自己識既人一齊坐真係開心好多,真係快活不知時日過~

放學同主席買ticket睇<超班寶寶> helen and sy陪我地買飛~
<超班寶寶>都唔錯,都幾好笑,2個小朋友都好可愛~~
行左一陣就歸家lu~~

諗住俾個surprise大王~
點知佢俾我既surprise仲大~~
去到一半就調頭歸家~
唉~~
大王斷斷續續都仲未病好,真係擔心~
返到屋企就累到訓左~
一訓就訓左三個鐘~
唔到食飯都唔起身~
今晚係我至愛既打邊爐~哈哈~~
媽咪話我係知今晚打邊爐先o係屋企食飯喎=.=
食得好飽飽,好滿足~
唉~俾打邊爐打亂左我既計劃tim~

電腦都唔知做咩事~成日都開唔到機~
唉~~

今日既心情都不過不失~~
只係好醜怪地o係大王,主席and安安面前喊~~
喊完就冇野lu~~~
真係對唔住佢地呀~又嚇親佢地~
真係失敗呀,做少少野都做唔到~~

返到屋企好tired~
tired好想訓,但係點訓都訓唔到~
起身同娘子傾偈~~
佢令到我記得我係為咩同大王一齊~
我真係多謝佢~~
佢都有叫我同大王傾下~
我唔想煩到佢呀,佢已經好多野煩~
佢仲要幫我處理埋我既野,就太辛苦佢喇~~
我唔想佢煩咁多野,佢會頂唔順~

我明白到yuki當初同佢男朋友一齊時既feeling~~
令我明白到,咁辛苦一齊就唔應該咁易放棄~~
我之前仲諗過放棄,真係太傻喇~~

而家我咩都唔會理~~
我知道我既朋友一直咁support我就已經足夠~~
無論點都好,我都要同我重要既人一齊畢業~

今日知道左一d真相~~
原來我誤會左安安同主席~~
真係好對唔住~~
我令到你地咁驚~

更加估唔到既係原來真係有人咁黑人憎~
口講就何其美麗好聽,但實際做既又係另一樣野~~
人地唔開心就覺得開心,荒謬~
我真係好憎呢d人~
而家既然有人做到咁既,我都唔可以就咁算~~
人地唔講唔出聲就得寸進尺~
唔好以為真係會為你一句說話而唔開心先得架~~
未免太天真喇,估唔到呢個世界真係有人頭豬腦既人~
真係可憐~
真正可以打擊到我既說話真係冇咩幾多~~
可以打擊到我既只會係我重要既人~

睇黎我真係要請教下大王同主席先得喇~~
我都要學下無論咩環境對人都可以將自己既情緒好好control~
我未試過咁憎一個人~

真係好對唔住安安同主席~~
我利用左你地對我既遷就同愛護~
真係好對唔住~
我仲對唔住大王,我應該聽你講~
你講得岩,如果我唔係咁既,今次既事都唔會發生~
真係對唔住呀~~
你地一直咁遷就我,保護我~
我仲要發你地脾氣~
真係對唔住~~
今次我真係睇清楚咩叫做朋友~~
大王~安安同主席都係我重要既人~
我唔想失去既~

我真係覺得自己好幸運~
有你地三個既出現~
總好過有d人,口講就幾咁多朋友,但實際上有幾多就可想而知喇~~

今日又好知醒咁起身~
打左兩次俾大王佢先聽電話,佢尋晚一定又冇訓喇~~
返到學校,見到大王個樣好累呀~
如果係課室既,我一定會幫佢按摩等佢訓得好dd架~
雖然訓唔得耐,訓一陣都好嘛~~
佢仲買左早餐俾我食,真係辛苦佢呀~
大王上左psy就走左喇~
佢唔夠訓,又唔舒服,真係擔心佢一個人返屋企~

今堂eng又係一個人自己做自己~
雖然話係一group,但係都唔似~
我自問唔懂得同佢地講咩好,佢地認為我係嬲既,我都唔care,我唔需要理佢地點諗~

psy tutorial用notebook睇野~
唔係咁想睇,只係想快d放學~
今日係我第一個返到屋企~
搵唔到key,又搵唔到人,又要趕去toilet喎~
又搵左次個書包,終於都俾我搵到key喇~
如果真係搵唔到我實出醜呀~

今晚既心情煩躁左,對左屋企人發脾氣~真係好對唔住呀~
煩躁既原因係唔知why部腦又唔郁,整左好耐都唔得~真係激死人~

我覺得係對我有不滿既可以同我講~
我唔出聲唔代表我嬲,唔好講到我咁like嬲,我係一d都唔like架,嬲係一件好辛苦既事~
你地既話題我自問真係溶入唔到,我記得有人同我講過,如果溶入唔到就唔好理~
唔好要自己做到好似一個小朋友冇人理,要做d野引人注意,咁係好不智既行為
既然係咁我唯有選擇自己一個人做下野~
今日俾我既感覺係,好似係我做錯既咁~

今朝食早餐果陣,知道左大王訓唔到既reason~
我只可以做一個唔識答佢既聆聽者~
我令唔到佢同我講完有舒服既感覺,之前仲怪佢,真係好對唔住呀~
頭先大王打黎,聽到佢把聲冇精神,佢真係病左~
病左又唔食野,真係擔心佢呀~

返學中度過情人節~
要返學都唔係問題,但係落雨就唔好喇~~
今日八點幾返到學校,以為大王係7樓等我~
去到KLN BAY佢就打黎話要遲少少到,叫我一個返去先~~
返到去一個人都冇~
去樓梯等佢地返,點知大王突然好氣喘咁出現~
佢仲買左糯米雞俾我食,果一刻好感動~
估唔到佢會咁做 ~
同佢兩個人係702度過左又靜又舒服既十五至二十分鐘~

放學同大王去奧海城睇<魔幻王國>~
今日成日都見到人拎住花~
同大王講叫佢送,佢講左好多野令我唔好要花~~
其實我都只係同佢講笑,我一早講過唔會收花架嘛~
雖然有羨慕過人,但係就算收我都只係想佢整俾我既~

又見到劉德華佢地o係奧海城打bowling喇~~
大王謂多好多about bowling既野俾我知~
雖然唔係all明白,但係我又學識多一樣野~
<魔幻王國>真係好好睇~
又好笑,場面又壯觀~
係一樣唔好既就係要要抬高個頭睇,睇到條頸好tired~

又同大王過左一個節日喇~~
呢個係我最開心既情人節~
大王講得岩,其實對於我同佢每一日都係情人節~
我覺得同佢一齊都好開心~

我聽唔返大王send去電台既massage呀~

又訓到唔想起身~
好似有渴睡症咁~
訓醒就灘係床睇睇叮噹AND一本小說~
爬落床食左件我喜愛既餐蛋治~
就睇大王借俾我既VCD~

爸爸話會買野返黎食~
等到我訓醒都未返~
今晚食飯媽咪話我點解中國情人節做咩唔出去~
乜一定要出去架咩~出去都冇地方行架喇~
陪下佢地食飯唔得咩~嘿~

今日又要一早起身上intensive~
又要見到果個miss~唉~~
今日收到好多古古力呀~真係好開心~
放學同左主席and annie行左一陣朗豪坊~
annie行左一陣就歸家lu~
同主席去奧海城睇戲~
點知冇岩坐既位,唔係就時間唔岩~
奧海有function,有niki,2r等好多歌手~
等左好耐先等到niki,好彩佢係第一個出~
如果唔係都唔知要等幾耐~
咁多個singer我只係想睇niki~
同主席行返去朗豪睇下有咩film岩睇~
唔係冇既,又係得返前排既位~唉~~
之後我地去kfc隔離間喇~
得<慕尼黑>~唉~~
都唔知係唔係玩我地架~~睇場戲都咁辛苦既~~
唔睇戲就去左許留山食tea~
食飽飽行去搭mtr途中去左優之買野食~

今日主席話佢代替某人~
主席D甜言蜜語就真係嚇親我,嚇到我毛管都直哂~
真係頂佢唔順~

返到屋企就即刻訓左~
實在太TIRED喇,行路都唔係問題,個BAG太重喇~
攪到我行兩移就TIRED~
食DINNER起身飲左三碗湯~