今日大王真係做到佢答應我既野,就係叫我起身,真係開心~
8am打俾主席喇,點知佢又唔聽電話喎~

 返學途中都打過幾次俾佢,都係唔聽~嗚嗚~
返學途中一直都同大王sms~
但我打得實在太慢喇~sorry~~
返到學校見到佢,真係好愕然~

 佢仲買左個好豐富既早餐俾我食,真係好感動~~
但係miss只係俾5mins我地食早餐~
我地只好係咁塞入口~
仲要搵人幫手食tim~哈哈~~
今堂英文要出去,我同主席又去左買野食喇~哈哈~~
食下野,玩下咁都唔覺時間過得快~
有d唔捨得miss tim~~
放學同主席去左德福二期AND新都城行~

我又製造左笑話喇~唉~真係冇哂面....
新都城雖然大,但係都冇咩行既,失望~~
同主席第一次談心俾兩個細路搗亂~
我地移師去一個大d既park度談心,今日d時間真係過得好快,唔覺唔覺咁都傾左兩個幾鐘~
歸家後好累就訓左lu~

同主席傾過先知原來有人一直都對我有d唔妥~
我聽到都好好笑,原來之前我一直咁幫人,冇唔要求多謝我,但都唔可以話我話人壞話~
一來我對講人壞話冇興趣,二來果陣我有需要咁做嗎~?
導致事情發生既,唔係其他人,點解唔檢討自己問題,反而推落他人身上,真係覺得荒謬~
亦都知道咩叫無知,以為咁就可以得到同情,如果咁就以為係勝利者既,就真係太愚蠢喇~
人地同情你只係唔知內情,你認為人家真是替你不值嗎~?我好LIKE一句話"面係人地俾既,架就自己丟"
如果想向我有所行動既,我唔介意,但希望做得好少少,我願意接受挑戰~
同主席傾左d咁既問題之後,仲解開左d我同佢之間既誤會~
傾完個感覺真係好舒服~

岩岩睇左<在世界中心呼喚愛>,真係幾好睇~
明白到幸福真係唔係必然架,雖然兩個人有緣相遇,但唔一定會到老~
令到我會珍惜我地之間相處既時間~
可能係聽左今日既野,令到我有一種唔想輸既心態~
我一定同佢比你同佢既好,因為起碼我地而家一齊開心,已經win過好多野~
經過咁多日同佢既相處,對佢有一種之前冇既感覺~
唔通今次真係俾佢感動到~?對佢......
simple is the best~

希望大王可以捱過呢幾日既TRANING~

今日又遲左起身喇~~
一起身就打俾大王叫佢起身~
今日本來返兩點架,因為要傾present既野就返12點~
又係慢慢咁出門口,都係快過大王~哈哈~~
話就話返去傾project,但係都只係傾左一陣~
all things都係大王攪既~
之後都係玩既多~~~
同大王,安安,主席一齊食lunch~
本來想去大家樂架,但係太多人喇~~
最後都係去左百佳買飯食,仲買左章魚丸食~
今次成個present差唔多都係大王講哂咁濟~
我地好威威囉~人地present我同主席走左出去買野食~
仲食到好揚下tim~哈哈~
放學同大王去左mk買衫,買野食~
同佢行多一陣佢就走lu~
自己行多一陣就搭車歸家lu~~

今日之後就有五日見唔到佢喇~~
唔知佢會唔會唔慣呢~哈哈~

今日又訓到唔知醒喇~~
一起身就打俾大王叫佢起身~
點知佢一早起左,仲搭緊車tim~
之後慢慢換衫,執下野先出門口~
哈哈~~估唔到遲左出門口都早過大王返到去~~
佢見到我都幾surprise~哈哈~~
見到佢個樣真係開心~
今日英文堂係我上得最唔開心架~~
真係激死人喇,放break都唔俾人玩~~
同安安present佢又突然好大聲咁叫停我地喎~我仲激氣~~
真係激死我喇~~
放學同大王去食野~
點知見到朱朱connie ms poon and larry~
佢地講d野真係令到我好無奈~
食飽飽同大王去打機~
佢今次好失準呀,打得異常地差~

我估佢今日有野唔開心~
但係佢唔話我知,我都唔開心~
因為我冇野幫到佢~唉~~
送左佢搭車,去左交學費就返屋企lu~
交學費果陣都幾驚架,未試過帶咁多錢錢出街喎~

返到屋企mandy見到我好surprise~
佢話我未試過咁早歸家~
聽到佢咁講又好似係~~
玩下game睇下野,就走左去覺覺豬lu~~

爸爸話tue就要出殯~
果日我唔會返,要送埋佢呢一程~
但係mandy又叫我mon陪佢一齊,要諗下幾時去好呢~?

今朝聽到醫院打黎既電話~
求其梳洗左就出門口~
我希望過係一個帶來好消息既電話,可惜......
但係我去到醫院都遲左,見唔到一面~
醫生同我講返情況,見左佢一次...
我忍住唔喊打俾爸爸~
之後打俾大王,我終於都忍唔到喇,又一次喊~
果一刻我會打俾大王既原因係知道佢可以安慰到我~
好多謝大王不停既安慰我,仲唔介意我嘈醒佢
同大王傾左一陣我都唔敢傾落去,因為我怕自己又忍唔住,俾d時間自己冷靜下~
過左一陣,爸爸黎左,同爸爸一齊去見佢,又係忍唔住.......
過多一陣姑媽and兩個堂哥都黎左~
本來想等埋兩位伯父,但係醫院方面話唔可以~
十一點幾我地就目送佢去第二個地方安眠~
爸爸叫我同佧nd媽咪食lunch,我冇去,打左俾大王~
等埋佢一齊食lunch~
我唔俾自己停低諗野,因為我怕自己會忍唔住~
見到大王,我唔可以俾佢知我唔開心,我唔想佢擔心我
同大王食飽飽行左一陣陣淘大就返學校lu~

上堂我唔想諗野,但係個腦就唔停咁諗~又累~
今日我終於知道咩叫累~
點解我扮到無事都俾主席知道架~~><~
佢咁問我咩事,我都答佢冇事,都唔想笑~~
今堂作文作抒情文,不其然寫左對佢既感覺出黎~
放學同大王,主席食kfc~
今次食既心情唔同,大家都好靜~
同傾左好多野~
食飽飽大王有事走先就同主席行左德福一陣,又傾左好多野~
about 7pm就歸家lu~

今日我終於知道失去至親既人既感覺係點~
雖然有心理準備,但都好唔開心,好唔捨得
經過今日我更加珍惜現有既人和物~
我好擔心失去大王,佢一流nose血我就好怕佢有事
雖然講到好唔知點咁,但呢d係我既感覺~

對唔住呀~大王,主席~要你地擔心我~
對唔住呀~大王,主席~我幫唔到你地解決唔到煩惱,仲要煩埋我果份~
多謝大王咁體諒我~

今朝訓到唔知醒,訓到八點十分先起身~
即刻打電話叫醒大王先,聽佢打聲就知佢仲睡夢中~
梳洗完又打俾大王,因為怕佢仲賴床,點知佢冇賴床,仲早出門口過我~><~
去到杏花村見到katie,佢見到我都好surprise~
佢係咁估我點解會出現,但係都係估錯既=.=
同佢一齊返學,去到kln bay我就自己返學校lu~
今日中文堂做閱讀理解~><~好唔想做
放學同大王and安安一齊搭mtr,去到kln tong見到有人送金華火腿,我第一時間諗起一個人~
仲同安安用黎講笑tim~哈哈~~
大王陪我去金鐘轉車,我記得金鐘之前有粥賣架,點知今日搵過冇,就返左去causeway bay~
同大王一齊食野真係開心,唔怕驚太飽~
去到醫院冇遲到,見醫生前睇過爺爺,佢已經同我上一次探佢既變得"潮緒"真係見到都唔開心~
大王陪我一齊見醫生,醫生解釋左爺爺既情況俾我知,冇好轉又冇惡化,只係怕佢有咩突然變化~
雖然一早有心理準備,但聽到都唔開心~
見到佢訓下醒下咁,真係勁唔開心,但係又冇野做到,果一刻真係...
探完爺爺同爸爸報告情況,就同大王行左causeway bay一陣~
then我地返左去mk,去打機~食完dinner行多一陣就送大王搭車就歸家lu~

今日真係好多謝 王陪左我成日~
佢不但陪我,而且仲俾我傻左成日,真係辛苦左佢~~
今次又係佢搵到有粥賣既地方呀,又要佢行左好多路,真係好對唔住呀~

今日搭車果陣不自覺地將兩個人比較起來,真係對唔住大王呀~
尋晚洗白白果陣,大王送俾我既鍊斷左,係唔係會有唔好既事發生呢~~
我都唔去諗喇,係要黎既始終都會黎,只可面對,不可逃避~

真係好好訓~~
好似好耐冇訓過一覺好既咁~ 
今日好凍得8度,我起身果陣高左有11度~
一訓就訓到十二點幾先起身返學~
真係唔太想sat要返學 ,人地放工放學我就返學,真係有d掃興~
估唔到咁遲出門口都冇late真係開心~但係就好hungry
好辛苦捱過四個鐘,次次eng都係好唔開心架~
因為每一堂都係有我講野~><~
放學打左個電話俾人~
可惜冇人聽,冇失望,可能係一早預左~
返到屋企好hungry,叫左mandy整野俾我食~哈哈~~
食飽飽真係感覺好好,我唔會再要自己饑寒交迫架~~實在太辛苦喇~~~

今晚聽到一個唔好既消息,話爺爺既情況好似又差左~
真係好擔心佢~ 

2005年咁就過去左~
呢一年發生左好多事~
最估唔到既係2005年最後既幾日~
我會同左你一齊,呢一件事完全係我意料之外~
雖然同你一齊只係短短既幾日,但係你俾左我一直都渴望既野我~thanks a lot~

我永遠都唔會忘記踏入2006年1月1日wan chai海旁既呢一晚~
你不但同我度過新既一年,而且仲解開左一直以黎所隱藏既野~
你俾我既感覺真係好意外,你不但冇嬲我,怪我,仲原諒我,開解我
我更加估唔到我會o係你面前喊,我喊既原因係害怕失去你~
估唔到秘密咁快會俾你知道,而你知道後既反應同我想像既咁大分別~
我自私地諗過唔講出秘密,因為我害怕失去現有既快樂~
如果你發現唔到既,我都會到我返黎同你講,因為我唔想呃你~
我唔期望可以同你好耐,只希望同你開心咁過每一日,保留開心既回憶就夠~
我地話過要一齊努力,一齊去學習,我相信我地一定會做到~