今日突然收到一個好耐無見嘅朋友來電 以為自己忘記了機場的一切 但接下來一幕幕的記憶如電影片段在我腦海不斷重播著.....
多謝你ar Rita 令我再次勾起對這地方的記憶 唔經唔覺差不多離開左機場就黎有一年啦 這一年來 經歷有苦有甜 最開心嘅係
我可以認識到兩個好朋友 Rita Neko 雖然同佢地認識日子唔長 但偏偏好啱傾 好耐無見Rita 有時得閒都會唸起佢....估唔到佢
最終都係返左機場做野 有時我覺得 命運好奇妙 往往牽著人的鼻子走...
這一年 去左唔同地方 見識左唔同地方的文化 有時都覺得自己似一隻雀仔 只管 不停 不停地飛 但何處是落腳點 始終連自己都唔知道
不斷地飛嘅我 也需要力氣 也有筋疲力盡的時候 有時我會問自己 "何處是我最後的落腳地?" 坦白講 要我完全忘記 並 唔可能
但有時收埋一點點在心中 回憶下 總有點好 有時發夢 會想自己仲有無機會重踏這舊地 問心當然想啦 不過一切 唔到我控制 有d野 可遇而不可求
對一班舊同事的感覺.....唔.......起初有d唔想見到佢地 因為畢竟是佢地搬弄是非........ 不過現在 或者我放低左 我已經完全唔介意佢地講咩 曾經聽說 嘴巴生在他人口 無理把他嘴封閉 啱嘅 佢地要點諗 點講 係佢地嘅事 我控制唔到啦
或者我這隻雀仔 已經開始筋疲力竭啦 係時候 好好思考一下 搵一個安全 舒適嘅地方 去做棲息之所啦
下一站會去邊? 幾時會去到總站? 連我自己都唔知 我相信總站裡 有一個人等緊我..........
雖然我唔知自己仲有無機會去到總站 ..........
|
