最近返工不太開心,都係一些是是非非,我想過多一陣子應該沒有事吧?有時真係好討厭返工,返工時間唔定,搞到成日瞓唔着出暗瘡~不過放假又會覺得悶,好矛盾

  近期娛樂新聞報導黃長發與富商的三姨太一齊拍拖,比我感覺係貪錢,這個三姨太年齡大佢好多又不是靚,而且做人三奶仲有埋個女,除了money,真係諗唔到有咩reason呀!重要咁高調,唔想比人講閒話都唔得啦~不過我覺得越來越多女姓會choose年紀比自己細的男性,以前會好介意這個問題,不過現在男少女多,思想又開放左,諗深一層,只要互相鐘意對方,又唔mind,都係一件好事~如果happen係自己身上,真係唔知點,我會驚比人指指點點呀~

一 年的時間和青春又過了,新的也開始!回望過去的一年,大多數時間都在工作中過度,自己的活動時間真係少了好多,但我覺得足夠!仲記得年頭在黃大仙求了2支 籤,work:中平籤,love:下籤,當時真係唔開心呀!不過我現在都過得唔錯呀,雖然係人工少,而且仲係冇男朋友>_<!!但係人始終都 要靠自己創造未來!

這幾天都是農曆新年,我也要返工,不過經理,阿姐,客人都有比利是給我,而且一邊做野,一邊講笑過得幾開心!有一曰經理同阿姐講起愛,話男人就算外表,衣着 普通,冇咩錢都唔緊要,最緊要愛你,氹你,而且細心,上進!我當然認同!但我想不到我的經理要求其實也不高,因為她是一個做事要有質素和效率的人!她們還 對我說要揀一個佢愛你多過你愛佢的人才會幸福!這個道理我都知道,我一直等待...我問她們什麼男人才適合我,她們說:「一個保護到我的人!」還說因為我硬朗,要一個比我更強的人!~其實她們都幾了解我,我的確幾想人保護我,一定唔可以軟弱,!不過我最開心係她們說我硬朗,我終於做到了!

祝大家新年快樂,身體健康!

  天氣開始凍啦,下個月就係聖誕節,好開心,雖然唔知道有冇得放假,但一定會搵日睇燈飾,玩呀~不過要使好多$呀,1.買dress,boots,x'mas present,2.聖誕節要請屋企人食野,3.仲有其他花費...你話如果中左mark six有幾好?~

人生真係好多煩惱,解決一樣,又嚟一樣,平靜的生活原來很難得到...我自問都算係一個好容滿足的人,凡事得過且過,唔會強求,可是事與願違,令我最煩都係家人的問題,雖然知道佢係有病,可能唔知自己做緊咩,但係我是一個正常的人,長期被她纏擾真係難以忍受,就算明知自己唔夠佢打會受傷,我也要反駁,如果我唔發洩,我驚自己會變成佢一樣有精神病,好佩服阿媽咁忍得,日日比佢嘈鬧都冇事,我老頭同細佬在對面租屋,也不願和她住,有時我寧願她早點死去,唔好累成家人一齊痛苦...

　前日返工的時候唔見左張八達通,仲有成五十幾蚊,都唔知係邊度跌左,嗚~今次出糧要buy張melody迷你八達通先得∼

　　我要好努力save the money ,because the next year i maybe go to thailand with anna,今年我已經冇去過travel,冇達到今年的目標,我好希望下年可以,甚至每一年都可以同朋友一起去旅行,見識不同的事物,環境,又可以shopping ,這種感覺係好開心呀!我阿媽可能唔明白嗰種感覺,認為浪費金錢,寧願叫我食野,買野,佢真係唔識enjoy呀!哈哈~