哩兩日,我都覺得好攰呀!我係尋日等埋家姐放工,就一齊去荔枝角批發商買衫...嘩..d衫勁抵買呀!!而且果度買既野都係買好靚既質料,我用左$500,仲可以有淨呀!我呢次真係買左好多衫架!!!因為d款真係唔差,而且真係好抵買下~~買完衫就返屋企,因為家姐d friends約左我同家姐去元朗行花市..去到果度,我就見到好多人攞住好得意既氫氣球,..嘩,搞到我都好想要呀!所以我係咁叫家姐買俾我..嘻嘻^0^..之後康哥哥見我好想食麥芽餅,所以他就請左我同家姐食..嘻嘻..康哥哥對我家姐特別好,下下都幫我家姐出錢,而且好照顧我既家姐..呵呵~~而Sam哥哥就請大家食冰糖葫蘆..原來d冰糖葫蘆都唔係咁好食架~_~不過我係元朗睇左好多得意既野!我都好想買,不過太過貴呀!T-T好哥哥全程都好睇住我,驚我會唔見呀=.=...我係家姐班friends簡直好似咩都唔識既細佬女咁..不過同佢地一齊,真係幾好玩呀^0^可惜我無攞相機.無法同佢地合照..之後,我地去B仔涼粉食糖水..食飽後都成2點幾啦..而康哥哥同成哥哥就送我同家姐搭車..成哥哥仲幫我同家姐出錢搭車...返到屋企都成3點幾啦..而我都好攰啦..好快就zZzZz..今日一訓醒都成十點幾,但我約左kristy..so我要去搵她呀!搵完她後..我同家姐就要跟表妹會合..我地要幫表妹買新衫呀~~行左好耐..表妹都係買左好少..但我隻腳就好慘啦..嗚嗚~~岩先收到家姐既男班長來電,他諗住約家姐,我,同龍仔一齊去屯門行花市..可惜我同家姐尋晚去左啦..所以我同家姐今晚唔出..男班長真係呀..下次約我同家姐就要提早啦~~康哥哥同成哥哥約家姐同我听日去睇<<魔幻王國>>,之後就去唱k呀!!听日真係好呀!!可以出去玩呀!!^0^本身前日霖打電話約我去睇<<魔幻王國>>,不過我見全部係男仔去睇戲,所以唔同佢地睇戲呀!!!哈哈