咁耐冇寫 一寫就己經係四月三日 ..... 距離會考仲有十六日咋 ~~ 我對這次會考我真係冇咩信心 ..... 我又冇咩心機讀書 點解會咁架 點算呀 !!!!! 玩既日子己經漸漸咁消失啦  ..........

今日本應要返生物補課 5:00pm-7:00pm 但唔知點解取消左 ..... 咁之後就約左肥楠&冬菇去街 我地首先去左灣仔度返IVE既表格 我地一去到都唔似紹生處既個樣極似D酒店大堂 =.= ..... 交完之後去左灣仔188 & 電腦城 度行下睇下Game咁 ~~ 行左冇耐我地又走左去深水埗 .... 之後又走返去灣仔 我同肥楠都各自買左一隻PS2既賽車game ~~~ 買完Game後就去左肥楠屋企試玩 & 打機 .....

打到夜晚11:00到咪諗住走囉..... 點知我地落到樓下冇小巴搭 等到11:30先有一架小巴 !!!!!  落到香港仔巴士總站之後咪諗住搭970x返屋企啦 ...... 仆佢個街 970x係11:30 close 左 ~~ 之後我打比冬菇教路 我既旅程就此開始啦 .... 我首先搭70號巴士落灣仔警署 到左之後就以最快速度跑去灣仔碼頭搭905 點知905都 close 左 ......  之後我又跑返去灣仔電腦城對面搭101到紅磡海底隊道口 再轉N118去南昌站附近落車再行返屋企 返黎途中係咁同D巴士司機傾計 & 同冬菇講電話........ 返到屋企之後原來已經成1:30啦 ~~~ 之後仲要同阿媽罵起黎 ..... 我依家真係唔明D大人心態 越黎越複雜 !!!!! 之後頂唔順走左去冲涼 & 瞓覺 .....