今日第二日返，返到去就入去office啦，見到几個師父係到，佢地寫下野咁野，見到我就望下咁，又無問又無打招呼果d，我人生路不熟就搵個位坐啦，跟住個隻姓鐘就拎份員工外勤說明書比我睇，我就睇啦，無野做，跟住仲有其他師父都返公司啦，但d樣都係傻傻地，都有好多個後生d ga，佢地整完野就走左，跟住我份野都睇完左，就坐係到勁眼訓，個隻姓鐘應該係開完會行左過來，睇下我無咩做，跟住就叫我做到咩唔做埋尋日d野，跟住我照做啦，做到食lunch前先做完，之後就出去食飯，出去前就問左個接待果個邊到有茶餐廳啦，之後落到去落雨，黑仔~~不過唔算大就照行啦，入到d茶餐廳都無咩位，d野食都勁貴，一個常餐加凍飲都三十雞，d野食又唔係好食喎，唉~~食完返到去，到兩點几就跟住個師父出街，去太古，好遠呀，又係落雨-.-行到去地鐵站差唔多濕晒，去到個地方搵左個位置，係個平台到勁食風，個師父叫我換左no.key，嘩~~咁快比野我做，睇都無睇過對我咁有信心?不過我都無令佢失望，不過整緊過程中，勁大風，咩都吹亂晒，最驚就係門開左，比風吹一門，一聲勁大聲，係玻璃門來，好彩無爆到，不係又驚又傷lu~~呢一下搞到個門關唔到，不過比師父d爆力搞掂左，跟住就上天台整cctv啦，上到去無咩做，抄下d數字，睇下個運作係點，由係下面整no.key個陣師父電話係咁傾電話，自己就入屋係到傾，而我就自己係到整，無計啦，學徙-.-到天台佢係咁傾電話，我睇本來都好快搞掂，但佢因為傾電話拖到遲成個鐘先走得，唉~~放左之後就返神通拎塊底板，好彩安哥幫我換電容炸，都係收我五十蚊勁抵，返到屋企就整我部腦啦，.換上底板跟住開機，唔得喎，一入window就再次重新開過，係咁不斷reset喎，跟住自己重新再裝window就無事啦，勁開心，勁有成功感，哈哈~~依家對電腦有多少少認識啦，有問題都無有怕，哈哈