今日大約9點就起床啦~ 9點半就打俾Jenny ，然後叫佢早Ｄ去英皇一齊去報名啦！ 因為唔想太晏和要預番Ｄ時間換校服返學校，所以由本來約咗佢同筠筠見完工之後先去報名(佢地11點開始見工)改為10點半去報名先 。開頭佢唔肯ga，經過我一番游說後，佢哽係答應咗啦！哈哈~ 跟住，我食完早餐之後大約10點1，Jenny就打黎話佢可以早Ｄ出門口準時10點半到喎！ 筠筠搭2打黎話佢而家先出門口 ，今次大獲啦~ 一陣遲咗一定又俾Jenny話我遲到~嘿嘿！ 我又做咗代罪羔羊啦~ 跟住我同筠筠10點8就到啦~ 見到Jenny成個石像咁企係度等我地！kaka...... 結果，俾佢話咗幾句就去咗報名~我報完名就返屋企，佢地就去見工！
返到屋企就上咗陣網，大約２點就換校服返學校參加畢業禮啦！嘻嘻~ 跟住返到學校咁啱見到Jenny同阿古獸一齊返學，真係巧合呀~ 然後，我地就一起去禮堂參加畢業禮啦！ 返到入禮堂benny就派本５Ａ紀念冊俾我！ 跟住我就見到個個只係拎住呢本野，簡直係搶咗學校黃色果本詳刊嘅風頭呀~ 真係搞笑~ 因為筠筠冇返，所以miss yip就叫我出去做代領啦！ 所以我哽係叫Jenny出去啦~good jobs~ 跟住佢攞完晒Ｄ獎就返黎坐啦~ 跟住傾計~ 仲有影咗Ｄ相，but離台太遠~所以影得D人好細粒同前面Ｄ人個頭遮住晒~樣衰！！ 搞到我冇晒心機繼續去影相~ 嘿嘿~
完左之後miss yip叫我地留低派畢業證書、成績表同班會費比我地啦！ 個成績表我冇咩點理，因為我都冇努力過，所以我唔會太着緊~係10名之內，我真係要偷笑la.......kaka 不過最失望就係冇畢業相囉~唉......
返到屋企大約6點，然後就吃飯啦！ 跟住就睇電視同上網~ 仲有睇吓果本５Ａ紀念冊，真係好有紀念價值，Ｄ內容豐富，仲令我感受了一種濃烈嘅『５Ａ精神』！ Ｄ老師和同學都寫下了一些對５Ａ既感受！ 正~我諗我唔會咁易忘記『５Ａ精神』嘅！ 唔知長大後，仲有冇機會面呢？ 大約12點就sleeping啦~
今日係一年一度嘅端午節，大約9點就起床啦！ 跟住就係度更新吓個日記板板咁啦~ 然後就開電視睇咗陣龍舟競賽，應吓節嘛！kaka...... 跟住就係度玩墨香online啦！ 玩咗好耐~中午就食糭啦！ 雖然麻麻地鍾意食，但係都唔錯wo~ 然後又繼續玩墨香online啦~hahaha....... 係玩緊墨香online果陣，有Ｄ電話打黎問我明天返唔返學，同埋一邊我又游說Ｄ人返學！ 因為Ｄ人話唔想拎返Ｄ校服出黎，好麻煩喎！仲有佢又話冇咩人返喎！ 所以我明明前日游說成功令佢都返學，但佢今日又話唔返啦喎！唉......真係冇佢收呀~
大約7點，我地一家就同嫲嫲、二叔一家和姑姐一起去pizza hua吃pizza啦~ 真係好豐富呀！Good Job~ 跟住就睇電視同上網！ 大約11點半就sleeping啦~
P.S 祝各位端午節快樂！！！哈哈~
今日大約8點半起床，跟住就係度睇書 ，大約10點-11點就同媽媽去會所打乒乓球，that good！ 然後，就返屋企睇埋本書佢啦~ 大約過了1小時多D，就成功睇完本書啦！ 跟住就訓左個小睡 ，大約２點幾，媽媽就買咗Ｄ壽司返黎請我食啦~哈哈...... 好好味bor~
跟着，我就上網同整理下個日記板咁囉！ 大約５點就睇『日式麪包王』，跟住就睇吓電視同玩吓電腦咁囉！ 大約11點就sleeping啦！
