今日大約8點半起床，跟住爸爸同我就搭MTR去油塘啦！而媽媽同妹妹就去表哥屋企同二舅父、三舅父一家拜年同吃飯。 去到油塘嘅麥當勞，就見到兩位堂叔同堂嬸+佢地D fd啦！ 跟住就同佢地去行山啦！好耐冇行過山啦！ 跟住就行衛奕迅徑啦！就由油塘開始行去藍田啦！ 開頭只係行石屎路咋！一D難度都冇！行咗1個鐘就開始行D又窄又高嘅樓梯啦！ 真係好玩！行多1個鐘就開始熱同行埋一D好多石級嘅山路啦！開始覺得累！ 行多半小時就上到山頂啦！ 跟住我地係度食麪包同飲麥精啦！ 真係好正！然後行多一小時，我同爸爸見到有條路可以行返去巴士站！然後就搭巴士93K去旺角火車站啦！而兩位堂叔同堂嬸+佢地D fd就繼續上山啦！行衛奕迅徑去藍田啦！ 大約3點半就返到屋企，而大約5點佢地先行完晒整條衛奕迅徑去到藍田啦！ 好彩我地返屋企先，如果唔係就要行到5點啦！ 好彩~哈哈！！！ 返到屋企就睇電視+玩game！同埋入相落電腦！ 大約12點就sleeping啦~

     今曰係大年初一，大約10點就起床，然後就一家人去嫲嫲屋企拜年啦！ 去到嫲嫲屋企就見到姑姐同嫲嫲，過咗陣叔叔同堂弟就黎到啦！ 跟住影埋相同攞埋利是！ 一家人就傾吓計同吃吓飯咁啦！ 大約1點一家人就搭MTR去荔景站啦！ 然後就去左爸爸D fd嘅屋企拜年！ 係果度好悶！ 又冇野好講，又唔走得住喎！ 因為二至五年先見一次，所以爸爸同媽媽都傾計傾到好開心，而我同妹妹就悶到發呆！ 但係我就覺得時間過得好快，上次見到果個哥哥只不過係f.7，而家已經讀完科大啦！仲搵緊工tim~佢話遲D讀埋碩士呀！ 佢D畢業相真令人羨慕呀~ 大約2點幾就返屋企啦！ 返到屋企就玩game+睇TV啦！ 大約11點半就sleeping啦！

     今日大約10點幾起床，跟住就係屋企上左陣網同玩吓電腦 ，大約5點半一家人去嫲嫲屋企食團年飯啦！ 去到大堂等升降機果陣咁啱見到叔叔同堂弟喎！ 跟著就一齊去嫲嫲屋企一齊吃團年飯啦！ 吃飽飯之後，我就同堂弟玩左陣同影吓相咁！ 跟住一家人就同叔叔+堂弟到長沙灣嘅年宵市場行吓咁囉！ 叔叔就買咗一盆蘭花！ 跟住我就去左剪頭髮，而叔叔同堂弟就返屋企啦！ 大約8點半就返到屋企啦！ 返到屋企就安裝左個『Sims 2』黎玩啦！ 真係好好玩呀！嘻嘻~ 大約玩到12點就sleeping啦！