今日大約8點9起床，跟住就係度睇電視啦！吃左早餐之後，我就係度睇電視同上網！ 仲玩左陣msn tim！ 大約11點半，我就溫咗陣『庖丁解牛』啦！ 溫到1點就一家人去咗食『潭仔米線』！ 然後就同媽媽去咗屋企留嘅商場買返張『出入平安』揮春貼門口！ 去到間文具鋪揀完張『出入平安』揮春之後，俾我見到一張好閃嘅『反斗奇兵2』貼紙！ 好靚呀~ 跟住經過我一番游說下，媽媽就買咗俾我啦！哈哈...... 返到屋企之後，我就繼續溫『庖丁解牛』啦！ 跟住睇咗陣經濟！ 大約7點幾就食晚飯啦！ 然後就係度睇電視同上網+玩msn and icq啦！ 大約11點幾就sleeping啦！
P.S. 夜晚SZE打過電話俾我，我聽到佢把聲就覺得佢病得好厲害，真辛苦~ 希望佢快D好返啦！
今日大約10點半起床，跟住就係度睇TV啦！ 吃埋早餐之後，就玩左陣icq and msn+上網 ，大約12點幾，我同媽媽就一齊搭小巴出左去旺角，又去咗花園街買咗D賀年裝飾，跟住去左潮流特區附近，然後仲去埋朗豪坊tim！ 我地都買咗D野~哈哈......我就買左兩隻綠色部隊+兩個鋼之煉金術師玻璃膠牌仔！ 跟住就行返屋企啦~ 返到屋企留下，我地就係商場行咗陣『千色店』，媽媽買咗D野就返屋企啦！ 返到屋企就睇TV+上網！大約11點幾就sleeping啦！
今日大約7點20分返到學校，然後派報紙！ 返到課室坐左陣，miss ho就黎俾張報紙記錄表我啦！哈哈...... 因為我尋日用msn同佢講file D用到最後一張啦！ 所以佢尋日話佢再print俾我！估唔到miss ho咁快手喎！ 厲害~ 跟住到文學堂果時，就測驗啦！不過更係作野啦！嘻嘻~ 不過呢個測驗都不算太難！ 到地理堂果時，要測地圖技能 ，我諗我一定要重測一次架啦~ 跟住就上數學堂啦！ 直到英文堂，miss leung就對listening卷啦！ 我見到呢份卷好down！ 因為我至like嘅listening竟然咁低分呀！ 如果我係miss sham英明嘅教導下，我一定會有38分以上架！ 真係架~miss sham教英文真係會令人D英文不知不覺咁進步架~ 可惜我的學號係單數！ 嘿嘿！！！
到左吃飯時間，我就同jenny、tracy一齊食飯啦！ 然後我地去左文具鋪！ 返到學校，miss yip就話俾我地自己分組啦！ 開頭我答應左sandra、jenny佢地同我一組架！ 但返到去我就見到winnie把我個名寫埋落張紙度！ 跟住我就話我決定左同sandra、jenny佢地一組架！所以佢就好似好唔高興咁刪除了我個名咁囉！ 我發現我大膽左好多，竟然會敢同佢講，我同其他人一組喎！但其實我很騖啊！ 跟住fiona就幫我同winnie講左了一些令佢唔like嘅嘢！ 所以佢就去咗洗手間啦！ 當時我好騖，所以中文堂果時一直都好騖佢+有D不快咁啦！ 然後亂作一通咁就作完啦！ 放學就同sandra+may一齊走啦！
返到屋企睇左陣TV，fiona就打黎同我傾左好耐，傾完之後佢明白了我點解會咁樣啦！ 我仲舒服左好多tim！佢仲話我終於明白佢嘅感受tim~ 跟住我去左旺角上堂啦！ 發覺原來佢已經接受了我在分組調位一事的事實了。 可能只是我想太多啊！ 返到屋企就食飯+睇電視+上網+傾電話！ 大約11點幾就sleeping！！
P.S. 希望Sze快D好返啦！ 我每次見到佢都病得好慘呀~又嘔 又發燒~好辛苦！！！真係好想佢快D好返呀~ 仲有唔該carol and benny幫我！嘻嘻~thx~
