今日九點就起床啦！跟住就更新個日記板板咁囉！ 然後又睇咗陣電視！大約1點，我地一家就同舅父、表弟一齊坐火車去火炭，然後去沙田馬場參加一個叫『同心共創成長路』 ，因為爸爸前幾日係公司拎咗6張入場券返屋企，所以咪有得入馬場囉！呵呵~ 跟住我地就坐係職員家屬嘅位置啦！ 除咗職員家屬，仲有一D學校嘅學生咁囉！ 我同爸爸就各自係不同嘅地方影相，有幾個明星黎咗，有李克勤、古巨基、周國賢、周麗琪、薛凱琪等......我都影咗好多相架！ 不過我覺得D fans有D噪咁囉！ 又係度將D卡紙、海報擺吓擺吓，阻住我睇同影相！嘿嘿~由2點半睇到4點半，跟住，爸爸就帶我地去咗睇天幕，仲有去咗一陣佢以前個部門度睇咗一陣！ 好彩果D大部分都係爸爸D fd咋！如果有外人係度就唔俾我地入去架~因為呢度係唔俾其他人入黎架！裏面有好多部投注機等緊人修理！ 然後我地就一齊去旺角晚食飯！ 最後就返屋企睇電視啦！ 大約11點幾就sleeping！
今日係運動會休假，我大約9點半起床，跟住就同媽媽一起去咗旺角交錢！【唔知我有冇做錯呢？ 呢樣我都唔知......嘿嘿！ 】跟住就去咗『金魚街』買咗兩隻龜仔啦！ 因為前日死咗隻龜仔，個缸得返一隻！ 而至從隻龜仔死咗之後，另外個隻就又唔食嘢，又唔想動咁！ 唉......所以要買返D fd陪佢一齊住！哈哈...... 跟住仲買咗袋『金絲燈』tim！ 然後就去咗新世紀廣場食飯！ 跟住我地就返屋企啦！返到屋企，我就放咗兩隻龜仔落去個缸度，跟住果兩隻龜就走埋一起，而之前果隻就企埋一邊咁囉！ 然後我就睇電視，大約5點幾，媽媽、妹妹同我就落街食飯，然後就去咗間漫畫店到『潛』咗兩張迪士尼卡 ，一張係『辛巴』、『巴斯光年』 ，兩張都係我喜歡嘅迪士尼人物，不過張『辛巴』卡靚D！好可愛隻『辛巴』仔！哈哈...... 跟住返到屋企就睇電視同玩電腦！仲有寫日記！ 到夜晚就見到三隻龜堆埋一齊sleeping啦！佢終於冇咁寂寞啦！呵呵~ 大約11點幾就sleeping！
今日7點起床，跟住大約7點10就去到運動場 ，然後就坐咗係智社度發呆 ，坐咗一陣蘇洮堅就上咗黎同我一齊坐咗陣傾吓計 ，因為佢等運妹返黎去當值。 過咗陣鄭燕玲又上埋黎一齊坐啦！當運妹返黎啦！跟住蘇洮堅就跟佢落去當值啦！過咗冇耐彭嘉欣、劉萍、陳群香、棋影都上埋黎一齊坐咁囉！ 跟住就見到陳思朗、黃穎詩同曾寶玲一起上埋黎tim！ 真係好多人wo！
開幕禮果陣，我見到winnie就好正經咁係度步操，而黃穎詩就向國家行禮！ 一個童軍、一個交通安全隊都好正經！諗起之前佢地個發癲樣，又見到而家佢地個正經樣，真係有D想笑呀！哈哈...... 開幕禮之後，我就係度食薯條，係D同學買ge！ 睇吓比賽咁囉！得閒黃穎詩同曾寶玲又上黎陪我坐係度睇吓比賽，jenny同tracy又上黎揾吓我玩吓同傾吓計咁囉！仲有winnie行過又叫吓我咁囉！ 得閒果陣又同劉萍去左小賣部行吓，然後見到fiona、筠筠佢地係度當值，跟住又同finoa玩吓咁囉！
到中午就同黃穎詩同曾寶玲、方嘉敏一齊出去食飯！ 跟住皮蛋同李箕昇又黎埋！係餐廳仲見到jenny佢地tim！ 到下午就到推鉛球比賽啦！我地班有我、busy同ming，結果我第4名『5.25m』，ming第3名『5.5m』，唉......當時我心情真係有D down架！ 跟住就去擲鐵餅啦！第一擲果陣我唔知點擲得好好竟然係最遠果個wo！ 搞到D人以為我好勁咁！ (可能我因為受到好大刺激，竟然係推鉛球攞唔到獎！差咁少！ )所以發左癲咁！不過第二擲之後，我唔擲到條鐵柱就擲得差個之前...... 跟住有雨個人就擲得愈來愈勁！本來我都以為有第三名，但到最尾個擲有個人擲得遠個我0.1至0.2m到咋！ 又第四名！！！嘿嘿~跟住我就連睇吓有結果有幾遠既心情都冇呀！然後走返想看台！裝作心情冇咩嘢咁！ 其實真係覺得好唔底呀！ 跟住好快就放學lu！
返到屋企就睡左個小睡 ，心情不佳，睇吓電視同玩吓電腦咁囉！ 大約11點就sleeping啦！
