今日大約7點3就落車啦！跟住係返學途中見到棋影wo！ 跟住就同佢一齊返學啦！ 大約7點5就返到學校啦！ 然後，我地就課堂坐咗陣之後就落咗去圖書館攞報紙啦！ 當我攞緊D英語街果陣，我就見到Miss莊啱啱返工，拿住好多張紙(past paper)，跟住佢就行咗埋黎叫我唔好埋D報紙住！ 幫佢拎上去咁囉！跟住，Miss莊仲叫我搭升降機tim！ 但我係我廢事搭啦！所以就自己行上去啦！ 然後，我仲早過Miss莊上去tim！好彩咋！原來仲有Miss葉係升降機度！ 【不過我就係咁架啦！『雖然自己係想去做嘅，但又無勇氣去做這樣嘢！嘿嘿！』呢個都唔知係好事定壞事啦！ 】到中文堂，阿sir就派返尋日既測驗啦！我就唔合格啦！但winnie同fiona就得到差唔多滿分！ 唉......跟住嘅堂我都係同winnie玩吓、笑吓，就落咗堂啦！真係好好玩架！

     放學之後就同筠筠一齊係去咗太子，跟住返到屋企就上吓網同睇吓電視咁囉！ 到8點至9點幾就分別同benny、jenny、黃混C傾吓計咁囉！ 跟住又睇吓電視，玩吓電腦！大約11點就sleeping啦！

     今日大約7點5就返到學校啦！ 返到課室坐左陣就落左去圖書館等人攞報紙啦！ 不過，都係7A同7S有黎攞報紙咋~ 唉......跟住咪同棋影、busy去操場派報紙囉！ 到中文堂，就中文測驗啦！ 跟住我就亂作嘢啦！另一方面，我就見住winnie同fiona、busy係工作紙度揾答案 ，而伍sir就好信任我地，佢就係度睇壁報板 ，背住我地，唉......當時真係好想大叫：『阿sir你又冇搞錯呀！』 直到佢地差唔多做完，伍sir先行埋黎周圍巡 ，唉......到英文堂，由於Miss Leung去咗5D班做學生 ，所以我地就去MMLC上咗陣網 ，又上咗msn，見到佢online ，可惜學校D msn係【有得睇，但冇得使】 ，所以冇得同佢傾計！ 落堂之後，我就同fiona一齊落去攞飯盒，吃港飽後，我就睇到carol嘅另一面呀！ 哈哈...跟著數學堂，我就亂做張測驗卷！ 我覺得我D數學係由細到大都冇變架！哈哈...... 放咗學之後，我就同fiona一齊放學，然後又同佢講吓笑咁囉！嘻嘻......

     返到屋企，睇左陣電視，大約5點幾就去咗旺角，然後大約7點半就返到屋企啦！ 跟住就溫吓文學測驗，再睇吓電視同上吓網咁囉！ 大約11點半就sleeping啦！

     今日大約九點起床，跟住就食早餐同睇電視，睇到11點幾，就玩吓電腦同做功課！ 大約4點就播返尋日錄嘅『狗狗震』，真係幾好睇架！ 直到6點就同嫲嫲、舅舅同表弟一齊喺屋企留下間酒樓食晚飯啦！ 期間我又同表弟係商場走來走去咁囉！ 幾好玩架！返到屋企就做左陣功課，然後一邊溫中文、一邊睇電視！ 大約11點幾就sleeping啦！