你難得既係GROUP講野,

但一開始我係扮住冷漠,

因為你都係問關於功課既野,

我去抑制住,

但最後我都係唔得,

點解我可以變成咁?

點解我會情不自禁去問你或同你分享我既野?

佐我好清楚你並唔係好似我咁.

因為當話題變左,

你係可以唔去回應我講既野,

但我卻一直去等,

去等你既回覆,

點解可以咁?

點解你仲會係GROUP講野?

我以為我已經冇咁嚴重,

或者已經開始放棄,

但點解你仲要俾我去幻想?

我會記得你既一切,

但你唔會.

你會覺得奇怪點解我唔同佢一組,

或者你只係關心佢, 但又唔敢去問佢,

之後就走黎問我.

你唔中意我既證明,

太明顯喇,

一切都太明顯喇,

但我卻將呢D置之不理,

仲要同自己講呢D都唔係真,

就算到而加, 我仍然係抱著D希望.

究竟到幾時, 我先可以將你忘記, 甚至唔理?

原來想搵一個我中意既, 而佢又係中意我既人係咁難.

原來想重新將對佢既感覺抹掉係咁難.

時間, 可唔可以流快D?

我既思想, 可唔可以理智D?

突然之間我覺得自己其實好孤獨,

自己冇咩朋友咁,

就算係有, 佢地都係一有事先會黎搵我,

仲要可能只係學業上先會搵自己,

我想搵個人黎傾下心事,

我係搵唔到..

就算我肯講, 佢地都未必想聽, 佢地最多係會敷衍就算...

我做咁多野好似都係徒然既....

佢地想JOIN個個FX, 我會一齊JOIN埋,

但當我想JOIN另一個FX, 佢地可以唔支持一齊JOIN...

我好努力想係GROUP叫人講野,

佢地可以當係廣告咁飛左就算.

或者我可能真係唔適合做朋友,

或者我畢嬲都係咁毫不顯眼.

唔值得你地去關心, 支持.

佢係你個女既女兒,

佢仲要係好細個,

你都可以話佢想去廁所係講大話,

你係可以做到叫佢番屋企先去廁所.

你有冇唸過佢真係好急呢?

細路仔都要佢去忍?

你仲係人黎既?

就算你好憎佢, 都唔洗咁黎對佢呀?

佢只係細路仔一個.

仲要講到好大條道理,

你咁做即係唔認佢係孫啦?

難得佢仲會叫你做公公,

就咁快快趣沖完涼出黎俾佢去下廁所咪得LO,

點解你可以係留係廁所唔走?

點解我會有咁既阿爸,

我為佢而感到抱歉, 可憐,

我為你而感到羞恥.

其實一切一切都已經顯示得很清楚,

但點解自己仍然要執迷不悟?

能同佢講少少計就已經令到自己開心左半日,

但呢個比起佢同佢一齊去LAB, 一齊大聱講、大聱笑算得上D咩呢?

今日俾家姐狠狠咁批評我既外貌,

我到而加先知原來我真係個樣衰.

哈!

自己係自戀既,

如果唔係, 點解到而加仲會成日唸佢?

一切一切都係要去到冇得番轉頭先知道錯.

到時候, 我會淪落到咩田地呢?

我要幾時先死心?

而加既我, 究竟為咩而活著?

一切一切, 都好似已經唔係我可以控制得到,

一切一切, 已經唔係照我既意願黎行,

就連讀書呢方面, 我都好似變得唔太上心,

究竟到幾時, 我先可以變番以前咁?

我好想時光倒流,

變番非常專心既我.