我冇唸過原來你係同佢咁熟,

原來你係會同佢兩個人去食飯,

而我亦冇唸過當我係出面見到你同佢係度食飯既時候,

我係驚到唔想自己入去,

我係走番出去門口想避開...

原來你同佢之間既關係咁好,

我竟然唔發覺...

咁我句生日快樂比起佢同你食飯,

我唸你對於後者係開心好多...

因為就算我係你隔離,

我地兩個傾都傾唔夠十句,

就算我係你隔離,

你都唔會主動同我講野...

但你可以同佢一齊行去班房, 食飯,

我唸你地之間既話題有好多好多啦.

我同你之間有話題都只會係學業方面...,

仲要只會係GROUP度講.

突然覺得自己係你既世界可以係微乎其微,

我同你之間真係冇野好講.

仲以為我開左個private chat,

同你講句生日快樂,

真係會好似佢地講話咩開始...

但原來一切都係我同佢地既一廂情願,

你只係講句THX就算,

真係可以咁樣就算,

或者事實一早擺在眼前,

係我自己唔想認者,

原來承認係咁痛苦,

原來慢慢去明白係可以好折磨人.

你話我自私,

咁你有冇唸過你自己同樣都係咁自私?

起碼我會知道我自己錯,

我會盡量唔做,

但你呢?

你連承認既唸法都冇啦.

你居然會關心你自己唔中意既大女?

唔好講笑啦,

你連佢成家人都唔中意,

你會關心佢冇左份工?!

你居然扮哂偉大去話我,

我知你有大把錢,

但我中意做咩係我既自由,

唔關你事,

要話都係話番你自己啦.

終有一日, 我一定會帶埋媽媽同細妹走,

你想挽回D咩已經太遲,

人做爸爸, 你又係做爸爸,

點解你可以做到咁失敗?

你有冇唸過你自己有冇盡過做爸爸既責任?

呢十幾年黎, 你有帶過我地出去玩咩?

我唸你連我讀緊D咩, 中意食咩, 中意做咩都唔知.

同樣,

人做老公, 你又係做老公,

點解你又可以做到咁失敗?

你係可以無視媽媽既存在,

你係可以唔聽佢講野, 仲要話番轉頭話媽媽唔尊重你,

你係可以不停講粗口話佢,

你仲要成日話自己救番佢, 你估你自己真係神醫?

而加又唔知你煲涼茶俾佢飲? 佢既傷風仲未好番喎.

點解個個家姐咁快嫁出去? 就係因為你,

邊個都頂唔順你,

邊個都想快D走.

只係我而加仲未畢業,

只要我忍多呢幾年, 我一定會走,

就算冇親戚我都冇所謂,

因為佢地根本都睇唔起我地,

個個只會顧自己,

我要靠自己,

雖然我知道將會好艱辛,

但我唔可以放棄.