比較!!! 點解次次都要將我同其他人比較!!!

點解唔可以將我變成獨立一個人黎睇!!!

有比較真既對我好咩?

我反而覺得咁會令我感到更自卑

更睇唔起自己

「人比人，比死人。」

點解唔可以就那個被人比較既立場唸一唸?

佢知道自己冇人地咁好, 咁聰明, 咁幸運

但佢都有自己既選擇, 有自己既人生呀

人始終係獨立既, 人始終個個都係唔同既

點解仲會有比較呢?

其實, 我對我自己而加既所謂''成績''都好唔滿意

數學, 本來係我中學時最有信心既一科,

而加既成績卻退步成咁樣....

雖然唸一唸, 我而加讀既數學係M2/M1野,

我而加既成績又唔係唔合格, 仲要俾其他我識既同學高少少分

我應該值得高興吧?

然而, 屋企人冇讚我, 反而仲話我蠢

係, 我係蠢, 但我已經盡左力去讀

起碼我有為過呢科而努力做數,

起碼我有為過呢科去問好多TA, 同學, 仲要受佢地既面色

但你地都唔洗咁將我同其他人比較?

O個個仲要係我姐夫既細妹!!!!

人地又入到一個好好既學院

又有一個好有錢既男朋友

自己又聰明, 識得幾時玩, 幾時讀書

而我呢? 我又蠢又唔靚又唔識講野

勤力? 因為先天不足嘛

但後天既努力似乎唔太俾人發現

發現到又如何? 佢地根本唔了解我

我仍然領悟唔到做人既道理

點解做人要做得咁辛苦?

一出世就要記掛住唔同既比賽、比較

當你有咁大既成就, 又如何?

當你有咁多錢, 又如何?

咪又係要死

盡力做好每一樣事唔係已經足夠喇咩?

點解仲要同人比較?

頭先同個大學識到既朋友在FB傾左一陣

其實佢講既野真係令到我覺得有D感動

佢好似睇穿左我一些事

好似好了解我咁

但其實我連自己而加唸緊D咩都唔清楚

努力過, 又如何?

我就算點努力都係同成功差一大截

人生目標? 我有冇呢?

有又如何? 冇又如何?

或者我可能有既,

但O個D目標好膚淺, 又或者O個D目標一早被我遺忘左喇....

我知道大學既GRADE係好重要

但無奈既係我已經努力過, 又成日搵人問數, 但最後都係考得唔好

咁我可以點?

我唔係天才, 我唔可以唔溫書就咁考試

我只可以利用我所有既能力去考好個試...

別人可能覺得我好勤力, 但其實我非勤力不可,

因為如果唔勤力我既成績一定好差

我知道我自己係咩料子

其實我真係好開心識到一個肯同我講我係咩性格既人

大家冇咩遮掩

剩係會講自己心中既說話

我都咁樣先係良好既溝通!!!

''朋友就像一面鏡子'' 呢句話我有保留

睇你係識邊一類型既朋友

如果係識到一些想攞你著數既朋友, 我肯定講話佢只會俾你睇你好既一面,

咁你先會覺得開心, 願意同佢分享一切

但如果真係識到一些能共患難既朋友, 佢一定會俾你睇你好同壞既性格,

佢會願意同你分擔所有既歡樂, 擔憂, 憤怒, 哀傷

但願我之後幾年都會再遇番佢, 遇番今個SEM一些''正常''既朋友

有緣一定會再遇到既

只不過係唔知幾時既事喇.

dear vitali,

  i really hope my action is not silly. i really want to share all my feelings with you. you are mature but you are also little bit of pessimistic (i think). may be i am so childish so i will think christmas should be celebrated somehow. but i am really grateful that i can meet you and know you something, although i dont know some of them are valid. all of your replies are very meaningful for me. i will never forget all the words that you said. all i can say is thank you.

yiyo