今日係特別o既一日，但係都係特別傷心o既一日！

其實今日上堂個陣，冇咩唔開心o既事發生，

唔開心o既全部都係放學之後先發生！

我地今日總共有5堂要對住miss ma........心灰！！！

分別係一堂班主任堂、三堂中文，同埋一堂聖經。慘慘！

因為有成3堂中文，所以上堂個陣係咁同bo bo姐傾計，

傾吓傾吓就知道咗佢好多o既秘密（原來佢鐘意一D長頭髮o既女仔嫁！無奈！我係一個月前先剪咗把頭髮！）

lee件事都唔足以令我唔開心，令我最唔心o既個件事係咁o既

放學個陣，佢要練波，我原本諗住去睇佢踢波嫁，

點知鄺蚊話如果我去睇佢，會累佢比人鬧，

所以我咪好唔開心咁走咗lo！

之後我地去咗7仔同1D班男仔一齊玩，佢地以為我遲 D 真係會轉去筲官。

係個陣我都玩得幾開心嫁，不過其實都只係用黎蓋住我唔開心o既心情，

我唔想比佢地知我唔開心！比佢地知道會好大件事嫁！

返屋企之前，我想去買佢生日果日o既生日熊嫁，點知揾唔到啊！

鄺蚊都揾唔到啊軒個件！！！！所以我地咪帶住好灰o既心情返屋佢lo！

我返到屋企係咁係到睇書，直到鄺蚊打黎。

我地傾傾吓，忽然佢打比鄺蚊，

lee 個先係我今日唔開心o既原因。

佢打黎係問鄺蚊一唔一齊去睇戲！好想喊啊！但係又喊唔出喎！無奈！

不過冇計la！我同佢跟本連fd都唔係，邊有得咁多啊！

雖然我係佢心裹冇任何地位，但係佢係我心裡面就擁有一個好重要o既地位。

點都好la！我宜家只係希望佢唔會知我鐘意佢la！

我唔想令佢有更多o既煩惱！