曾經定下o既承諾，係今日終於比我打破咗！

係半年前，我曾經講過

「喊埋最後一次，以後唔準因為佢流下眼淚！」

可惜，原來lee個承諾係好難做到嫁。

我今日又再次為佢流下眼淚。

今日除咗返教會之外，都冇去過其他地方。

原本諗住一路聽音樂，一路睇「哈利波特」

點知，睇睇下忽然之間好想喊，重要喊停唔到。

係喊o既時候，我諗返起好多野，

我諗返起岩岩識佢個陣發生o既事，諗起以前一齊玩o既時候........

諗返起點解到最後會同佢連fd都做唔到，我諗吓諗吓，就不斷咁喊，

不過我冇諗過要怪責邊個，只係覺得自己好傻，

點解我起初要將鐘意佢件事講比人知呢？

不過全部o既事都唔可以怪罪落任何人到，

要怪o既話，就只可以怪我點解要鐘意佢，

不過，就連我自己都唔知自己點解會鐘意佢。

但係宜家點諗都冇用。因為過去咗o既野就已經唔可以再返轉頭。

我宜家唯一可以做o既，就係期望自己唔好再因為佢而流下眼淚.......