今朝9點幾就起咗身，食早餐食到10點到la

之後要開始温書。因為今日要考試。

無奈！！星期六都要温書！

冇計！鬼叫自己鐘意彈琴咩！

我約咗鄺蚊12點8係地鐵站等，

衰衰！佢成12點10先黎到！

我想係考試之前見吓佢，所以就叫鄺蚊同我去波場揾佢！

我地係天橋到撞到好多人啊！

去到波場，點知佢唔係到，好想見佢啊！

但係都係揾唔到佢。

之後同鄺蚊去環翠撘車車。

過馬路個陣撞到表哥，去到巴士站又撞到吳家朗！

咁咪問佢去邊，佢話佢頭先係宏德居波場踢完波，

而且係同佢一齊踢。無奈！

原本想去揾佢嫁，點知又驚趕唔切喎！

所以冇得去揾佢！慘慘！

我地1點半就已經去到試場，

但係唔知點解忽然好驚驚，

冇計！又唔可以唔考喎。無奈！

考試個陣好驚驚啊！

鄺蚊又去咗揾啊軒，考完試之後又揾唔到佢。

人就係咁，永遠都係有異性，冇人性嫁。

揾唔到佢，我咪自己行落去筲箕灣lo

之後去咗天悦，想睇吓會唔會撞到佢，

點知都係冇！好灰啊！！！

行吓，行吓，就行到4點幾，又揾唔到鄺蚊喎，咪諗住返屋企la！

點知鄺蚊又係lee個時候揾我喎！無奈！又要等埋佢！

返到黎柴灣，又去咗波場，想知佢係唔係到。

點知佢又唔係到，手機又打唔通，無奈！

之後收到媽媽o既「奪命追魂call」

所以就好無奈咁返咗屋企la！