有時真想問下自己,,點解為佢要咁傷心,,
我知自己對佢所知既唔多,,但係我都會好努力咁去同佢傾計,,
近排同佢講過既野唔多,,都只係電影,歌之類,,
我始終都冇機會去到同佢傾一d心事,,
可以拉近彼此距離,,唔知係唔係我冇咁既天份,,
我個人好內向丫,,定係我怕我講既野傷害到佢,,
我記得以前唔係咁,,我係同佢有講,,有笑,,
有時仲會拍下佢個頭同佢玩下,,
到開始同佢分開,,佢再唔係我附近,,關係亦都淡左,,
但我都有逗佢開心,,可能我仲未知有個隔膜開始築起,,
只係天真咁過日子,,
細個果陣,,手中既糖係唔會有人搶你既,,
但長大左之後,,時間話比我知,,人心係冇辦法留得最耐,,
覺得佢身邊既人出現得越黎越密,,我就有一種害怕既感覺,,
估計我係鐘意左佢,,但估到既時候我已經唔係佢既知己,,
我好想努力同佢親密d,,我見到佢同其他男仔一齊好開心,,
心就好唔開心,,有時真係,,佢同d男仔係班房度傾計,,
我就係窗外睇到,,中間真係有野隔住,,
我明明知道佢就係前面,,我都會好cool咁直行直過,,
見到佢就會離唔開到佢,,一四目交接既時候,,
我就即刻避開佢視線,,仲要扮冇事,,
真係有d想打自己,,對佢笑一下都好丫,,
我都暗戀左一年有多,,開始諗到放棄,,
因為我都唔知自己有幾了解佢,,
又唔可以幫佢解決問題,,最多都可能係數學,,
但係佢既一個動作,,說話,,語氣,,我都記得,,
只要一諗返起,,我心又唔捨得,,
我成日都會估我係佢心目中係咩,,
可能我係一個普通朋友,,等待我表白既人,,定係一個地上既香口髎,,
我真係唔想係咁產生希望,,又要變成失望呀,,
我試過係咁呃自己,,只要係佢身邊一直知道佢開心快樂,,
我就係最愛佢果個,,但係冇一個教細路仔既童話會係事實,,
我先唔會見住佢比人拒絕,,傷害,,拋棄,,
令我憂心,,傷心,,痛心,,
我真係好想攪住你,,講[我愛你,,唔好放棄我,,]
我有諗過過去我了解左你幾多,,今日我愛你有幾多,,未來一齊我可以付出幾多,,
我唔怕我會受到傷害,,唔驚會有幾多困難,,我亦唔畏懼一個個係我面前既障礙,,
我靜係想你得到幸福開心滿足,,將苦惱傷痛減到最少,,
我決定做一個樂天男孩,,把黑雨趕走,,把你的視線放到希望,,
所以我會繼續,,^^
|
