早退行返家果陣...又哂多2哂...又暈多2下
真係驚自己行行下暈底~ ~ ~
頂~個死個Mediterranean校長~22℃都仲要人著校褸
我唔死都算我大命呀！！果陣又哂又性....
返左屋企就即刻打電話去問留下醫生響唔響到
其實都估到唔響到啦~點知原來佢4點先返~
果陣我周身骨痛...頭又痛身又痛~真係想死呀！！

好啦~依家食左藥...個身同頭就無咁痛...不過頭暈...
我諗聽日都唔會返學啦！！

今日旅遊補考呀..有信心會合格(我諗應該會啦)

今日放學果陣去左同兒子興祝生日
玩左好多野啊！！
見到佢地幫我整個"面具"慢慢咁"進化"
真係唔知笑好定喊好呀！！
=v=不過我發覺我幾有"跳舞"天分！

今日有得睇班相啦！！
好想心呢~買左2張..-0-Q版+正版！

琴日下左櫻蘭各主角唱d歌~(靜係搵唔到崇>"<)
之前都想下櫻蘭既OST...不過一直都dl唔落手(迷！？)
依家聽到鏡夜果把溫柔既聲音！乜都抵呀！！聽到流鼻血呀~*
不過環都唱得好好聽啊！！(估唔到！？)
最正就係光同馨合唱果首！！  "我們的戀愛模式"   (聽個名都覺得正)
Honey果首都可愛呢(佢把聲！)
我諗下版會放上佢地D歌！

今日乜都爛哂...
書包又無其咁爛左一忽..-0-鞋又爛左
唔通新年咩野都要買新？
不過我呀媽又話幫我搞返店...(所以無買)
所以就靜係買左鞋..對鞋好多人都著呢~
刁佢都叫我買呢對..好著..我同萍妹都買左同一對鞋不過花紋唔同

考試成績出左...
我同萍妹一分之差...我就係差一分就追到佢..
佢第一我第二(有D唔抵既感覺)
不過..嘿..華dee..一哥呀拿..米又係第3(嘿！嘿！！嘿！！!)
之後全級第45~(都唔知覺得高分定低分)
其實對於今次既成績無乜感覺...無乜特別想心
其實我覺得如果響呢班頭10名都入唔到就真係想喊！

食完就即刻去睇衫(唔理3~7~21呀)
可惜~旺中依家D衫~到到都差唔多樣
又唔多好..(所以無買得中)
之後就去入瓊華到睇衫~衫就睇到啦！！
不過..就貴左小小~而且仲係一次比一次貴！(咩事？)
有小小意外...平時都係行完潮特先去瓊華
不過今次！！潮特消失左(2次元空間變動)
行極都行唔到去潮特！！OH NO！!
所以就行左信和先~信和其實都見到3岩心水呀
膠頭衫~著主個膠頭...-0-"
又行左成粒鐘諗主去潮特(去唔到唔心惜呀)
不過又係搵唔到！！所以去左朗豪坊先
見到有間店1折買衫都有D想入去睇呀(不過大排長龍)
之後諗主去無印~點知飲緊野唔比入...凸(搞到我都拋左我D野)
去無印今次又係羅中袋(本身以為羅膠袋..因為買既野唔多)
之後又想去搵潮特~點知就去左東京銀座~
都好~大家都買左隻衫~又唔算太貴...
最後幾經辛苦終於都去到潮特啦！！
不過都累都只咁...無心情睇...
差唔多回家果陣都仲要去優之良品到買左包野先行走！

順面講埋~
今日又去莎莎玩香水~可惜最後都買唔到(唔夠錢)

今日運動會完左之後諗主去打邊爐~
不過都唔係一打完就去啦！！
所以就去左北江玩左陣....行下~行下
行左去網吧玩勁舞....(玩左1小時)
就岩岩好去打邊爐(中途去左刁家中解決d野)

打邊爐果陣真係笑爆！！
乜都笑下咁..真係乜都笑下(唔想打笑乜啦)
可惜..我又有d野要解決~所以先回家！