哇~今日真係過得超~"開心"呀~~

首先~因為係跟學校團~
所以就算前一日累到就黎掛都要成6點半起身~

跟住~7點幾就去南豐大家樂同一齊去既阿姨到食早餐...
阿媽話咩遲D食自助餐~唔好食咁飽~
就要我叫D有得加粉麵個D食...

但係...有得加既冇我心水~
冇得加既大部份都係我心水~

結果搞下搞~就食個個咩楓蜜XXX雞扒(=阿堤手掌咁大)+唔跳烤過幾秒既白圓頂方包+一團仲算附合個名既滑蛋蛋,
一杯仲接受到既奶茶~同埋加左入火腿通粉
咁就要成HK$25...."平"到你呀~

之後, 就去伍季明到等搭車車...
等到佢開校門~佢就叫我地上禮堂...

但係真係估唔到...個操場幾大...
但條樓梯呢~

上左去之後~就聽佢講廄話~
講左一大輪之後~先終於可以搭車車~

搭左唔知幾耐~我地去到第一站──大埔大尾督~

我地去到個到~都已經差唔多10點4個字~
佢地就要我地11點半返返上車~

我地首先見到BBQ場~又見到士多~
咁又諗到自己冇帶水~咪叫阿媽買野飲囉~
結果~我同阿媽買兩枝水~都要HK$24,,,,

跟住冇理由係個BBQ場睇人地B~睇足成個鐘嫁~

咁我地繼續行囉~行呀行呀~
有兩條路~行邊條都得~

分別係行樓梯上山吸新鮮空氣~
第二條就係行斜坡上直昇機坪聞海水味個D

咁師奶通常唔會LOR苦黎身嫁嘛~
佢地咪行斜坡囉~~

行到上去~見大太陽~又唔想戴帽~
咪借頂帽比阿媽~自己就戴太陽眼鏡~

上到去~先知道原來個到真係冇野挽...
得D人係到放下風爭~同埋班細路係到跑黎跑去~

後尾見開始曬多D啦~就開姐啦~
結果...一開姐..就唔知點解見到好多
綠色既~但又唔係蚊既迷你非蚊~

仲要一直比佢地纏住...又唔係特別臭...
做咩淨係纏住我喎....勁煩...

又尾又跑左隻狗出黎~我咪走左去直昇機坪既另一邊~
好難先留到夠鍾~明明係到問我係邊啦~
結果佢阿媽話..."見到狗就唔會見到姐姐~"
雖然佢講得岩...但點都覺得怪怪地...

然之後~就要去中大食自助餐了~
超期待~去呢個旅行都係為了呢個~

係經過兩粒易極既時間之後~終於到左中文既食堂~

但真係估唔到~原來中大咁為我地著想呀~

等我黎介紹下我食過咩...分別有~
類似白烚既雞翼~冰凍白饅頭~冇味咖哩魚蛋~
明顯睇得出放左好耐既薯條~蘇打礦泉水(冒牌雪碧)~
搆水忌廉~冇氣可樂~洗過既意大行粉~
得個樣既羅宋湯~同薯條一樣既春卷~

不過都係有D好味既~例如~
茶~三色果凍~得個樣既魚柳~
同埋煮唔煮都咁好味既蕃茄腸仔~

貌似係因為有咁既食堂既關係~
佢附迎居然有百佳...

而且經過今之旅行~
我終於第一次感受到蜂蜜綠茶好好味~^^

終於到最後一站啦~
錦田鄉村俱樂部~即係我好似去過好多次既個o個~

呢個冇咩好講...到呢到已經係超累...勁眼訓...

見識到好多植物~個D芒果樹呀~木瓜樹呀~
仲有士多啤你園呀~個D之類既東東~

幾經辛苦撐到夠鐘~就去接明明啦~
但佢就去左~唔知去左邊...
搞到我同阿媽跑黎跑去找佢...

過左冇幾耐~佢阿媽打黎~
話咩原來佢唔知跟邊個aunt上左車...
↑=我同阿媽白跑一轉了....

呢D小學團係搭車個陣~
就會係=老師講野既時候嫁啦~
當然呢個都唔例外...

個個自稱"威威哥哥"既叔叔係回程既時候...
話咩今日咁開心~佢就順便唱首歌仔比我地聽下~
佢就唱《長腿叔叔》呢隻歌~

個日我成程都勁累~但佢又不停咁講D我知既野...
搞到我唯有一邊聽我自己D歌一邊訓覺...
仲搞到回程個陣...因為冇電而冇得聽....

係經過呢兩個連續既旅行之後~我發現~
我果然唔係做運動既人~~!!
跑多幾跑就累到訓著左...
所以我以後如果可以既話~都唔會跑步了....