其實次次都要朝早由屯門撘車返青衣，再轉小巴去藍澄灣，真係幾令人納悶，但係唔做就冇錢駛，世事就係咁矛盾。
天文台又話今日會好凍，搞到我著多咗衫囉，由於太陽伯伯高照，天氣好和暖，就算得十六度都覺得唔凍。
大便人下個星期考試，要同佢溫習，有時真係服咗啲學生，口講就咩都話識，點知出幾題數過佢做，佢即刻唔知做乜，答案離譜到癲。
一路補習就覺得好肚餓，見住大便人食住炒飯就更加頂唔順，跟住大便人就叫Anna舀碗過我吃，我不知食得幾滋味~~
今日打大專盃，對IVE，自己打得好差，好多turnovers，仲要係啲好春虫虫�Hturnovers，兩球接波俾人挑走、一球接波踩邊線，最爆係一球已經fake到對方跳起，帶過一步就射得，平時都係打呢啲波，點知我竟然走步......另一次就係勁白痴咁接到波隻腳窒咗一嘢，又走步囉......啲turnovers真係白痴到暈囉。
之後同達sir去食飯，行行下佢就講咗句說話啦，我都知架喇，一路打自己都好覺，要練返快啲至得。頭先賽後檢討達sir冇講到，食飯嗰陣佢話我哋打得ok，大家�H腳步都快咗，所以大家唔好洩氣，要更加努力呀。
分類: 未分類 | 
