踏入sem 1的last week，已經覺得係唔需上堂，自製study leave。
星期一off，因為tutorial已經上哂。應該要寫文概�HPaper，但係晏晝都係悠閒的過，跟住去大興補習。呢個學生一啲都唔錫住佢媽媽，家長剛出院，身體極需要休息，學生仲要叫佢斟水，麥太所謂�H" Dead Son Bun "是也。
呢個半鐘，好難捱，好多dead air，佢啲課程進度慢到嘔，又唔需要我特別去教，大佬，量度物件的�H長度呢家嘢，唔會唔會識啦。諗住教佢第二啲嘢，學生硬係唔聽，咁補乜鬼嘢啫，我都想坐喺度咩都唔做就有錢收呀。啲細路硬係咁，問親咩都話識，做落就咩都錯，個個都博鬧。
小高今晚同我雙宿雙棲，但係佢今晚似乎好攰，因為佢扯鼻鼾得好大聲，我俾佢嘈醒兩次。
星期二，last一堂I/O Psy，仲要淨係上一個鐘，我都走咗．．．．．．GEB 222我冇走，攞Take-home exam題目，但係Fri就deadline，啲Paper係寫極都唔完囉，仲要見住佢啲題目好general，勁似中學moral ed啲題目，好陷阱feel。
噚晚文概paper寫咗二千字，今晚要寫埋佢，話就話唔知寫咩，但最後我竟然吹咗五千八百幾字出，寫完嗰刻忍唔住同君姐講：「x吹都吹到五千幾，我真係吹水王。」
話說我打緊份paper嗰陣，果林走嚟我房，俾咗包棉花糖古古力過我~~仲幫我揼骨~~但係就俾佢見到我份paper寫啲乜（大家好記性�H話，應該記得果林係我文概�HTutor）．．．．．．雖然佢聽日都會睇到我份paper，但我就係唔想係死期之前俾佢見到。
西多又開壇洗碗，我冇熱水淥米粉，果林竟然幫我攞到熱水~~!!跟住就同佢傾咗好一陣子，我哋又真係幾好傾架喎，好長氣嗰隻，大家咪睇果林個樣咁純，實情佢．．．．．．hahahaha
星期三，噚晚Oli兩點幾send咗個sms俾我，話今朝八半嚟我個hall沖涼，我覺得件事幾特別，因為咁，我唔係瞓得好好，成日remind自己Oli會上嚟，唔可以瞓到死豬咁。Oli沖完涼就去上堂，早餐都唔食，我間房咁啱糧荒，唉，下次我會準備好啲。
我呢，做paper做到懵咗，完全冇諗過係要print份文概paper出嚟交架囉．．．．．．
同小高食tea，豪撘紅van去補習，我俾五蚊，不過個司機好禮貌咁話係七蚊，所以我都俾咗，算啦，學生教我下次撘平啲�H小巴。
做咩架，我不斷咁寫paper，唔使溫書咁款，我想溫書呀!!
分類: 未分類 | 
