終於到文概嘅present喇,噚晚先打outline,仲俾君姐話一句:「打咗咁耐先打得咁多嘢咋?」嗰下真係hurt咗。之後,我再認真返,唔夠兩個鐘我就搞掂,做中文present就有咁嘅好處,我只需要望住outline,就可以吹水唔抹嘴,哈哈。

present啦,果林遲到喎,仲係勁喘氣嗰隻,佢一路喘一路講咗十分鐘嘢,先至俾我哋present,佢都仲未回到氣。

不出所料啦,全班同學都冇睇過《玫瑰的故事》,所以佢哋都唔係好明我哋講緊乜,所以我覺得present嚟都嘥氣,俾份outline佢哋就算啦,冇睇過就冇嘢好講啦,對牛彈琴。

不過,有啲同學竟然鐘意睇瓊瑤阿姨啲小說,就真係嚇到我喇,不得不佩服,瓊瑤啲嘢真係會睇死人,睇到想自殺呀真係。

present完,果林速閃,問唔到comment,我同君姐都好擔心。